Արսեն Թորոսյանի «բացահայտումը» թիմակիցների մասին

Առողջապահության նախարար Արսեն Թորոսյանն այսօր հանդես է եկել անչափ ուշագրավ հայտարարությամբ , որով, փաստացի, իր թիմակիցներին՝ ԱԺ «Իմ քայլը» խմբակցությանը և առողջապահության և սոցիալական հարցերի հանձնաժողովի նախագահ Նարեկ Զեյնալյանին մեղադրեց ծխախոտ արտադրող խոշոր ընկերությունների շահերը առաջ մղելու մեջ: Նա, մասնավորապես, գրել է. «Ամենուր սողոսկող արդյունաբերությունը բոլոր երկրներում գտնում է շանտաժը առաջ տանելու թույլ օղակները, սակայն, այս գործընթացի մեջ անակնկալները նույնպես անպակաս են: Անկախ նրանից, որ քաղաքականության մեջ ամեն ինչ հնարավոր է, ինձ համար միևնույն է զարմանալի է, երբ ԱԺ առողջապահության և սոցիալական հարցերի հանձնաժողովի նախագահը կարող է համահեղինակ լինել առողջության քայքայմանը նպաստող օրինագծի: Միևնույն է, գլխումս չի տեղավորվում: Մի՞թե դա հնարավոր չէր անել այլ պատգամավորների ձեռամբ: Թե դա հատուկ է արվում, որպեսզի ընդգծվի արդյունաբերության ամենակարող լինելը, հատկապես այս ծանր ժամանակաշրջանում: Կամ էլ, ես եմ դեռ շատ ռոմանտիկ, երբ կարծում եմ, որ գրված ու չգրված սահմաններ կան տարատեսակ վարքագծերի համար»: 

Ինչ է ստացվում. Նիկոլ Փաշինյաննը առաջին իսկ հնարավորության դեպքում գործող ԱԺ-ի և քաղաքական մեծամասնության գովքն է անում` հայտարարելով, որ այն որակապես նոր է, անկաշառ է և խորհրդարանում որևէ պատգամավոր խոշոր բիզնեսի լոբբինգով չի զբաղվելու, իսկ իր նախարար Արսեն Թորոսյանն ունի ամբողջովին հակառակ կարծիք և իր թիմակիցներին համարում է շանտաժի համար թույլ օղակներ, որոնք ինչ-ինչ համաձայնությունների են գնացել բիզնեսի հետ: 
Ինչպես երևում է` պատերազմի արհավիրքները, հետևանքները, համավարակը նույնիսկ չեն ստիպում իշխանավորներին դադարել միմյանց վրա այսպես ասած՝ բոչկա գլորելը: Իրականում ոչ ԱԺ-ն, ոչ էլ առավել ևս Թորոսյանը մտահոգված չեն ժողովրդի շահերը պաշտպանելով:

Գաղտնիք չէ, որ Նարեկ Զեյնալյանը շուտվանից է աչք դրել Արսեն Թորոսյանի աթոռի վրա և նրանց վաղեմի հակամարտությունը հենց այս պատճառով է: Իր հերթին Թորոսյանն էլ, ում նախագծերը ամեն անգամ տորպեդահարվում են ԱԺ-ում Զեյնալյանի ջանքերով, որոշել է իր թիմակցին մեղադրել ոչ թե ժողովրդի, այլ խոշոր բիզնեսի շահերը պաշտպանելու մեջ: Ինչպես ասվում էր հայտնի սկետչում՝ երկուսն էլ ճիշտ են… 

Այս թեմայով Ասել ու կրկին ասում եմ` Հայաստանում չի կարող լինել երկրորդ կառավարություն. Փաշինյան ԼՂ նախկին վերնախավը չի հրաժարվում թշնամական հարվածների փարոսիկի դերից. ՀՀ-ում մեկ կառավարություն կա Բացահայտվել է առանց ակցիզի ծխախոտ և կեղծ օղի վաճառելու դեպք. (տեսանյութ) «Մնաց 2 օր»․ Արսեն Թորոսյանը զգուշացրել է վարորդներին Covid-ի դեմ պայքարը ձախողած և ոլորտը տապալած Թորոսյանն արցախցիներին է համարում ազգային անվտանգության սպառնալիք «Սկզբունքայնություն»՝ ՔՊ ոճով. Անահիտ Ավանեսյան, Արսեն Թորոսյան Հայաստանի Հանրապետությունում բացի ՀՀ կառավարությունից, որևէ այլ կառավարություն չի կարող գոյություն ունենալ. վարչապետ Ոչ մի ԼՂ վտարանդի կառավարություն չկա, սա մարտահրավեր է մեր ազգային անվտանգությանը. Փաշինյան Ոստիկանությունը ծխախոտ տրամադրեց զինված անձին. Նոր Նորքի բաժնի դիմաց շարունակվում է բանակցությունը Այն հատվածներում, որտեղ տեղակայված են ԵՄ դիտորդները, ունենք կայուն վիճակ. Արսեն Թորոսյան