«Իրատես». Իմքայլականներն ընդունում են՝ մանդատը Փաշինյանն է նվիրել

«Իրատես» թերթը գրում է. «Այժմ, երբ շատ է քննարկվում խորհրդարանական մեծամասնության՝ «Իմ քայլի» ներկայացուցիչների մանդատից հրաժարվելու կամ խմբակցությունից դուրս գալու հարցը, որոշ պատգամավորներ ընդունում են՝ մանդատն իրենց վարչապետ Նիկոլ Փաշինյանն է ընծայել:

Թեեւ նրանք, ովքեր դուրս են եկել խմբակցությունից, լրագրողների հետ զրույցում վստահեցնում են, որ դռնեդուռ ընկած՝ համոզել են ընտրողին, բայց խմբակցության ներսում տրամադրություններն այլ են: «Իրատեսը» օրեր առաջ գրել էր, որ իշխող մեծամասնության ներսում մեկ տասնյակից ավելի մանդատավոր պահանջում է Փաշինյանի հրաժարականը, բայց դրան նպաստող գործողությունները որեւէ կերպ տեսանելի չեն:

Թեեւ մեր զրուցակիցը վստահեցնում էր, որ սուր հարցեր են բարձրացնում, ու խմբակցությունից դուրս չգալն իրենց բնավ չի կաշկանդում, բայց պարզից էլ պարզ է՝ խմբակցության ղեկավարները բոլորի առջեւ հստակ պահանջ են դրել՝ կա՛մ մանդատը վայր են դնում ու տեղը զիջում նոր՝ թիմին դեմ չգնացող հերթական քայլականին, կա՛մ համակերպվում իրողություններին: «Իրատեսի» հետ զրույցում իշխանական պատգամավորներից մեկն անկեղծացավ. «Իսկ այդ մանդատն ո՞վ է տվել, իրե՞նք են վաստակել:

Գրեթե բոլորը դա ուղղակի նվեր են ստացել Փաշինյանից: Նրա անվան տակ են քվե ստացել, նրա անվան տակ՝ քարոզարշավ իրականացրել, մարդկանց ասել՝ ընտրելով մեզ՝ Նիկոլին եք ընտրում: Հիմա ինչպե՞ս են ասում, թե մարդիկ իրենց ճանաչելով են հօգուտ «Իմ քայլի» քվեարկել: Դա ուղղակի աբսուրդ է: Գնում են, բարով գնան, բայց խմբակցությունից դուրս գալն ուղղակի դավաճանություն է թե՛ թիմի, թե՛ վարչապետի նկատմամբ: Ես եղել եմ ու մնալու եմ նրա կողքին, մի տոկոս անգամ չեմ երկմտում»:

Այս թեմայով «Ժողովուրդ». Աննախադեպ երեւույթ «բարեգործությունների» պատմության ընթացքում. ինչ է արել «իմ քայլը» հիմնադրամը Փաշինյանական «բուտերբրոդ». երկու շերտ սուտ, մեկ շերտ՝ կեղծիք․ «Փաստ» «Առաջին քայլը իշխանության փոփոխությունն է, նրանց հրաժարականի պահանջը». ինչպիսի՞ն էր 2023-ը, և ի՞նչ տնտեսական կանխատեսումներ կան 2024-ի համար․ «Փաստ» «Հրապարակ». «Իմ քայլը» հիմնադրամը որոշել է տեղեկատվությունը չհրապարակե՞լ, թե՞ «մուծվողներն » են պակասել «ՀՀ-ում արցախցիների մնալուն ուղղված առաջին քայլը պետք է լինի մշտական տանիքով ապահովելու ծրագրերը» Հաջորդ քայլը լինելու է «Զանգեզուրի միջանցքը»․ ռուս քաղաքագետ Այս փաստաթղթով ՀՀ ում մահապատժի ամբողջական և վերջնական վերացման քայլը կանենք փոխնախարար Ինտեգրվելու հաջորդ քայլը լինելու է հայկականության ամեն տարրի իսպառ ոչնչացումը, լեզուն կլինի միայն ադրբեջաներեն. Դանիելյան Միայն Հայաստանի հետ պետք է լինի մեր կապը․ Արցախում մեկնաբանել են Ասկերան-Աղդամ ճանապարհը փակելու քայլը Երեւանի ավագանու «Իմ քայլը» խմբակցությունից Անուշ Քլոյանի մանդատը տրվել է Արևիկ Ավետիսյանին