Հատուկ առաքելություն. ի՞նչ նպատակով է վարչապետը Քյարամյանին «գործուղել» քննչական կոմիտե

ՊՎԾ և ԱԱԾ նախկին պետ Արգիշտի Քյարամյանը, ով պատերազմի օրերին հանրությանը անհայտ պատճառներով ազատվեց զբաղեցրած պաշտոնից, երեկ նշանակվել է քննչական կոմիտեի նախագահի տեղակալ: Շատերի համար այս նշանակումը զարմանալի էր, սակայն ամեն բան իր տեղն է ընկնում, երբ Քյարմյանի նշանակմանը նայում ենք Նիկոլ Փաշինյանի պրիզմայով:

Վերջին օրերին անգամ մամուլն էր գրում, որ վարչապետը այլևս չի վստահում քննչական կոմիտեի նախագահ Հայկ Գրիգորյանին և նույնիսկ բացահայտ իր դժգոհությունն է հայտնել վերջինիս՝ իր հրամանները կատարելու ընթացքում դրսևորվող էնտուզիազմից: Խոսքը, թերևս, ապօրինի հրամանների մասին է, իսկ որ այդպիսիք եղել են և կան` հաստատում է հենց քննչական կոմիտեի նախագահի տեղակալի հրաժարականը, որը տեղի ունեցավ օրեր առաջ: Վերջինս պարզապես չէր ցանկանում գործիք լինել ապիկար իշխանությունների ձեռքում: Հայկ Գրիգորյանի հանդեպ վստահության կորստով էլ պայմանավորված է Արգիշտի Քյարամյանի ներդնումը քննչական կոմիտե, այդպիսով Փաշինյանը հնարավորություն կունենա գործել յուրային մարդու միջոցով, ով պատրաստ է կատարել վարչապետի հրամանները: 

Մյուս կողմից` չմոռանանք, որ Արգիշտի Քյարամյանը պատերազմի ողջ ընթացքում գտնվել է Արցախում և, թերևս, ամենալավն է տիրապետում իրականությանը, հարկ եղած դեպքում էլ կարող է խոսել և այդ իրականության հետ առերեսել նաև հանրությանը, ինչը, իհարկե, Փաշինյանի պլանների մեջ որևէ կերպ չի մտնում: Այդ իսկ պատճառով անհրաժեշտ է Քյարամյանին պահել տեսադաշտում, միևնույն ժամանակ առանցքային պաշտոն տալով՝ ապահովել վերջինիս կողմից իշխանությունների համար այդքան թանկ լռությունը: 

Իսկ ահա հանրությունը Քյարամյանի հետ կապված բազմաթիվ հարցեր ունի, հարցեր, որոնք մինչ օրս մնացել են անպատասխան: Չմոռանանք, որ վերջինս համարվել է Փաշինյանի թիմի ամենահակառուսական կադրերից մեկը, նրա անվան հետ է կապվում Հարավկովկասյան երկաթուղիներում քննությունները, որոնք, ի դեպ, ոչինչ էլ չբացահայտեցին: Քյարամյանի անվան հետ է կապվում նաև ԱԱԾ պետ լինելու ընթացքում 1400 ադրբեջանցու հայկական անձնագրեր բաժանելու մասին տեղեկությունը, որը պատկան մարմինները շատ արագ ջրեցին: Նրա անվան հետ է կապվում հետախուզության և հակահետախուզության տոտալ տապալումը պատերազմի ընթացքում: 

Այս սկանդալները, սակայն, չեն խանգարում Փաշինյանին այսչափ կարճ ժամանակահատվածում Քյարամյանին ևս մեկ անգամ պաշտոնի նշանակել: Ինչպես երևում է` Փաշինյանը առաջնորդվում է ՀՀՇ-ական մի շատ հայտնի ասացվածքով… 

Այս թեմայով Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան «Ինչո՞ւ եք շարունակում մնալ ՀԱՊԿ անդամ»․ հարց՝ Փաշինյանին Հայաստանը չի պատրաստվում պատերազմ վարել Լեռնային Ղարաբաղի համար․ Փաշինյան (տեսանյութ) Տավուշի համայնքապետերը վերադարձել են կառավարության շենք եւ հանդիպում են Փաշինյանի հետ (տեսանյութ) Ադրբեջանը շատ ագրեսիվ է արձագանքում ՀՀ ԶՈւ բարեփոխումներին․ Փաշինյան Տավուշցիներից առաջ Փաշինյանի մոտ էին ԱԱԾ պետը, ոստիկանապետը, պաշտպանության նախարարը. «Հրապարակ» ՀՀ-ն ձեռք է բերում Ադրբեջանի գնած սպառազինության 15-20%-ը, չունենք համոզմունք, որ չեն հարձակվի․ Փաշինյան (տեսանյութ)