Ռուստամ Գասպարյանին հետմահու շնորհվել է Արցախի հերոսի կոչում

Ազգային ժողովի նախկին պատգամավոր, «Սև հովազ» ջոկատի հրամանատար Ռուստամ Գասպարյանին հետմահու շնորհվել է Արցախի հերոսի բարձրագույն կոչում: Կոչումն Արցախի նախագահ Արայիկ Հարությունյանը Գասպարյանի հարազատներին է հանձնել Արմավիրում դեկտեմբերի 25-ին տեղի ունեցած հիշատակի միջոցառման ընթացքում:

«Նախագահ Արայիկ Հարությունյանը ազատամարտիկ, «Սև հովազ» ջոկատի հրամանատար Ռուստամ Գասպարյանին հայրենիքի պաշտպանության ու անվտանգության ապահովման գործում Արցախի Հանրապետությանը մատուցած բացառիկ ծառայությունների, ցուցաբերած քաջության ու անձնական արիության համար հետմահու շնորհեց «Արցախի հերոս» բարձրագույն կոչում՝ հանձնելով «Ոսկե արծիվ» շքանշան»,- ասված է Արմավիրի մարզպետարանի տարածած հաղորդագրությունում:

Արցախի Պաշտպանության բանակի N զորամասի հետախուզական վաշտի հրամանատար, ավագ լեյտենանտ Միհրան Ավդալյանին 2020 թվականի սեպտեմբերի 27-ին հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած բացառիկ քաջության և արիության համար Արցախի նախագահը հիշատակի ցերեկույթի ընթացքում հետմահու պարգևատրել է «Մարտական խաչ» 1-ին աստիճանի շքանշանով:

«Մարզպետ Համբարձում Մաթևոսյանը ԱՀ նախագահ Արայիկ Հարությունյանի հետ այցելել է նաև Սարդարապատ համայնք՝ Արցախյան պատերազմում զոհված, «Արցախի հերոս» բարձրագույն կոչմանն արժանացած Դավիթ Գրիգորյանի ընտանիքին: Ցավոք, հերոս Դավիթի կյանքն ընդհատվել է պատերազմում, և այսօր, ԱՀ նախագահն անձամբ շքանշանը հանձնել է Դավիթի ծնողներին: Նրանք՝ հարգանքի տուրք մատուցելով հերոսի հիշատակին, ծաղիկներ են խոնարհել շիրիմին ու խնկարկել»,- նշված է հաղորդագրությունում:

Դեկտեմբերի 25-ին Ռուստամ Գասպարյանին հետմահու շնորհվել է նաև Արմավիրի պատվավոր քաղաքացու կոչում:

Ազատամարտիկ, «Սև հովազ» ջոկատի հրամանատար Ռուստամ Գասպարյանը սեպտեմբերի 27-ից Ադրբեջանի սանձազերծած Արցախյան պատերազմում ստացած ծանր վիրավորումից մահացել է հոկտեմբերի 17-ին:

Այս թեմայով Պայքարում ենք Հայաստանի լինել-չլինելու համար. պատերազմենք, որ զորացնենք. Սերոբ Գասպարյան (տեսանյութ) Արա Աբրահամյանը Արմավիրի մարզում էր. ծաղիկներ խոնարհեց «Սև հովազի» և մյուս նահատակների շիրիմներին (տեսանյութ, լուսանկարներ) Ի՞նչ արյուն է հոսում քո մեջ․ լավ հիշիր Նիկոլ, գալու է մի օր, որ հնձելու ես ցանածդ․ Սերոբ Գասպարյան Քննարկել եմ հրամանատար Ռուստամ Գասպարյանին Արմավիրի պատվավոր քաղաքացու կոչում շնորհելու հարցը. Դավիթ Խուդաթյան Հետեւից մեր հրետանին էր խփում մեզ, դեմից՝ թուրքի. Սերոբ Գասպարյան. Aravot.am Սև հովազի՝ Ռուստամ Գասպարյանի եղբայրը Նիկոլ Փաշինյանին 3 օր ժամանակ է տալիս. «Հրապարակիր ցուցակը, ձերբակալիր, եթե ոչ, ուրեմն դու ես դավաճանը» Ռուստամ Գասպարյանի վիճակը գնահատվում է ծանր Ռուստամ Գասպարյանի որդին զոհվել է. ինքն էլ ծանր վիրավոր է. Hraparak.am «Հրապարակ». Կամավորներ են հավաքագրում «Հրապարակ». Ռուստամ Գասպարյանին կհեռացնե՞ն ԵԿՄ-ից