Ավտոմատացված տեղեկատվական համակարգ՝ ընդդեմ կեղծ և անորակ դեղերի․ ՊԵԿ-ը գործարկել է «Վիրտուալ պահեստ»

Պետական եկամուտների կոմիտեն, հանրապետություն ներմուծվող և շուկայում փորձաքննություն չանցած կեղծ և անորակ դեղերի ու դեղանյութերի շրջանառությունը կանխելու նպատակով, գործարկել է «Վիրտուալ պահեստ» համակարգը: Դեղերի ներմուծման և իրացման փուլերի համար ստեղծված մի շարք տեղեկատվական համակարգերը սպասարկվում են հենց ՊԵԿ-ի կողմից և ավտոմատացված «Վիրտուալ պահեստը» ևս կոմիտեի նախաձեռնությամբ համատեղ նախագծել են Պետական եկամուտների կոմիտեի և Առողջապահության նախարարության փորձագետները:

Նոր համակարգն անցել է թեստային բոլոր փորձարկումները և պատրաստ է իրական միջավայրում ներդրմանը։ «Վիրտուալ պահեստը» ներկայացվել է դեղերի ներմուծմամբ և վաճառքով զբաղվող տնտեսավարողներին: Շնորհանդեսին մասնակցել են նաև ՊԵԿ նախագահի տեղակալ Աշոտ Մուրադյանը, Անվտանգության խորհրդի, Առողջապահության նախարարության ներկայացուցիչները և ոլորտի մասնագետները: Միջոցառմանը դիտարկվել են համակարգի առանձնահատկությունները։ Ծրագրային լուծումներով նոր համակարգը լիարժեք հսկողություն կապահովի դեղերի շրջանառության նկատմամբ ամբողջ շղթայում՝ ներմուծումից մինչև սպառում: Այն կապ է հաստատում դեղերի ներմուծման և իրացման ամբողջ ցիկլի ընթացքում կիրառվող համակարգերի միջև և համադրելով այդ համակարգերի
տվյալները, տնտեսվարողին թույլատրում կամ մերժում է դեղի իրացումը ներքին շուկայում:

Իրացումից առաջ՝ պիտակավորման փուլում, տնտեսվարողը մուտքագրում է նաև «Ազգային մեկ պատուհանում» ստացված ներմուծման հավաստագիրը, ինչով փաստում է, որ դեղը փորձաքննություն է անցել և համապատասխանում է անվտանգային չափանիշներին: Տեղեկատվական համակարգում ստուգվում է նաև տնտեսվարողների մոտ դեղերի մնացորդների փաստացի առկայությունը: Պիտակավորումը թույլատրվում է միայն փորձաքննություն անցած քանակների սահմաններում:

Այս թեմայով «Ազատություն քաղբանտարկյալներին», «ընդդեմ երկակի ստանդարտների». ակցիա ԵՄ պատվիրակության գրասենյակի դիմաց Իշխանության կողմից մեծաքանակ կեղծ լուրերի դաշտ նետելը ցույց է տալիս իրենց ներսում առկա խորը մտահոգությունը. Աբրահամյան Կներդրվի գազավորված և չգազավորված ջրերի` նույնականացման միջոցներով դրոշմավորման համակարգ Վահան Կոստանյանը հանդիպում է ունեցել Սաուդյան Արաբիայի տեղեկատվական տեխնոլոգիաների նախարարի տեղակալ Ահմադ Ալ-Սայանի հետ ՈւՂԻՂ. ՄԱԿ-ի դատարանում ընթանում են Հայաստանն ընդդեմ Ադրբեջանի լսումներ Կներդրվի բուժաշխատողների լիցենզավորման համակարգ Ինչպես ներկայացնել եկամուտների հայտարարագիր, ինչպես մուտք գործել համակարգ․ ՊԵԿ իրազեկումը Հերթական կեղծ հակադրումն ու արհեստական «օրակարգը». «Փաստ» Գործ ունենք համակարգված տեղեկատվական ահաբեկչության հետ․ Գոռ Ծառուկյանը՝ Երևանի դպրոցներում ահաբեկչություն ծրագրելու լուրերի մասին Երևանի դպրոցներում ահաբեկչության մասին կեղծ լուրերի հետևում այլ երկրների հատուկ ծառայություններն են