Արտահերթ. Անձնական խուճապ եւ խաբեություն թիմին. Էլինար Վարդանյան

Արտահերթ ընտրությունների գաղափարը, որոնց միջոցով Փաշինյանը ցանկանում է ինքնամաքրվել, ընդամենը երկրում քաոս է մտցնելու՝ իր բոլոր աղետալի հետեւանքներով։ Այս մասին իր հոդվածում նշել է Այլընտրանքային նախագծեր խմբի անդամ Էլինար Վարդանյանը:

Նա, մասնավորապես, նշել է. «Բոլոր՝ քաղաքական, անվտանգային, տնտեսական, բարոյական վնասներից բացի,տեխնիկական առումով եւս հնարավոր ընտրությունները ունեն «հետաքրքիր» կանխատեսելի հետեւանքներ.

Դարձյալ անազնիվ քայլ

Սահմանադրական մեխանիզմը, որ ենթադրում է արտահերթ ընտրությունների անցկացում, սահմանում է վարչապետի հրաժարականի դեպքում յոթնօրյա ժամկետում նոր թեկնածուի առաջադրում։ Մենք արդեն մեկ անգամ 2018թ. դրա միջով անցել ենք, եւ բոլորը լավ հիշում են այդ փուլը։ Եթե Փաշինյանը հրաժարական ներկայացնի տարեվերջում, ապա յոթնօրյա ժամկետը կհամապատասխանի ոչ աշխատանքային օրերի հետ, եւ երկրում քաղաքական պրոցեսներ չեն գնա։ Նա էլի´ իր անձնական շահը վեր է դասում ամեն ինչից։ Հարյուր հազարավոր մարդիկ այդ օրերին իրար են այցելելու՝ ցավակցությունների համար, իսկ Փաշինյանը օգտագործում է հենց այդ օրերը, որ իրեն անվտանգ զգա։ Սա է այս մարդը։

Փաշինյանը խաբեց իր խմբակցությանը

Ինչպես եւ սպասվում էր՝ Փաշինյանը «քցեց» իր խմբակցությանը։ «Իմ քայլը», որը նախորդ ընտրությունների արդյունքում կարողացել էր ստանալ 88 տեղ, որեւէ պարագայում չի ունենալու նույն թվով պատգամավոր։ Հասկանալի է, որ Իմ քայլը, որքան էլ օգտագործի վարչական ռեսուրսները, իսկ Եռաբլուր երթից հետո որեւէ կասկած չի մնում, որ այդպես էլ լինելու է, չի հավաքելու այդքան թվով ձայներ։ Այսօրվա իմքայլական պատգամավորներից առնվազն 50-60-ը չեն վերընտրվելու, որովհետեւ Իմ քայլը որեւէ պարագայում չի ստանալու 70.40 տոկոս։

Շատ կարեւոր է հասկանալ նաեւ, որ Ազգային Ժողովն այս անգամ ունենալու է 101 պատգամավոր, ոչ թե այսօրվա 132-ը, իսկ դա ամբողջությամբ փոխելու է պատկերը։ Մենք զգուշացրել էինք իմքայլական պատգամավորներին, որ նրանք ունեն հնարավորություն՝ փրկել երկիրը Նիկոլից եւ հանգիստ շարունակել իրենց գործունեությունը մինչեւ ԱԺ գումարման ավարտը, եւ զգուշացրել էինք, որ հակառակ դեպքում Նիկոլը ձեզ «քցելու» է։

Արտահերթը ԲՀԿ-ի համար

ԲՀԿ-ն 2018թ. ընտրություններին հավաքել էր ձայների 8.26 տոկոսը, որը հետագայում Սահմանադրական կարգավորումներին համապատասխան՝ դարձավ 26 մանդատ։ Եթե նույնիսկ ԲՀԿ-ն հավաքի կրկնակի կամ ավել ձայն, միեւնույն է, այսօրվա պատգամավորների զգալի մասը դուրս կմնա Ազգային Ժողովից, որովհետեւ չի գործելու հաշվարկի նախկին մեխանիզմը։

Արտահերթը Լուսավոր Հայաստանի համար

Այս դեպքում նույն իրավիճակն է, ինչ ԲՀԿ-ի պարագայում։ 2018թ. ԼՀԿ-ն հավաքել էր ձայների 6.37տոկոսը, որը հետագայում դարձավ 18 մանդատ։ Այս դեպքում եւս «Լուսավոր Հայաստան» խմբակցության բազմաթիվ պատգամավորներ դուրս են մնալու Ազգային Ժողովից, նույնիսկ՝ նախորդից ավելի շատ ձայն ստանալու դեպքում։ Ըստ էության լինելու է 1 տոկոս/1 մանդատ հաշվարկ։

Ամփոփում

«Իմ քայլից» դուրս մնացող նվազագույնը 50-60 եւ ավել պատգամավորներն ունեն հակաքայլ։ Նրանք դեռ հնարավորություն ունեն խոսել, բանակցել ԱԺ մյուս խմբակցությունների պատգամավորների հետ, անվստահություն հայտնել վարչապետին, ընտրել նոր վարչապետ եւ շարունակել աշխատել գուցե 1-2 տարի։ Հակառակ դեպքում նրանց կյանքի միակ իմաստը դառնալու է մինչեւ վերջին օրը Փաշինյանին սպասարկելը՝ այն Փաշինյանին, որը պատրաստ է հեշտությամբ դուրս «շպրտել» նրանց Ազգային Ժողովից, միայն թե կարողանա ժամանակ շահել՝ իր անձնական հաշվարկների համար։

Փակ Հայաստան

Փաշինյանը չի՞ հասկանում, որ իր համար փակ է Հայաստանը, այնպես, ինչպես փակ էր Սյունիքը։ Նա ոչ մի տեղ չի կարողանալու նախընտրական հանդիպումներ անել, նրա եւ «Իմ քայլի» համար փակ են լինելու բոլոր մարզերը, գյուղերը, դահլիճները, կոլեկտիվները, բուհերը։ Փաշինյանը հասկանում է, իսկ «Իմ քայլը»՝ արդեն կասկածելի է։

Այս թեմայով Ձեզ ի՞նչ կա, ձեզ մնա՝ վաղը իմ պայուսակից մասսայական ոչնչացման զենք կգտնեք. Քրիստինե Վարդանյան Պետք է ձերբազատվենք միֆերից, թե ինչ-որ մեկը մեզ ինչ-որ բան է պարտք. Ոչ ոք մեզ ոչինչ պարտավոր չէ. Ռ.Վարդանյան Շրջափակված Արցախում ամբողջական շրջափակման պայմաններում ծնվել է 338 երեխա․ նրանցից 2-ը «Սերունդ» հիմնադրամի շահառուներ են․ Վարդանյան Պատերազմից առաջ հայկական կողմին զգուշացվել էր առաջիկա էսկալացիայի մասին և առաջարկվել համատեղ զորավարժություն անցկացնել` ՀԱՊԿ զորքերի ներգրավվածությամբ․ Տիգրան Վարդանյան Լևանդովսկի. մարդիկ կարծում են, որ ֆուտբոլիստները պարզապես ապրանք են և որ մենք անձնական կյանք չունենք Ես չեմ ուզում լինել այն սերնդի ներկայացուցիչը, որը կորցնում է Արցախը․ Ռուբեն Վարդանյան․ «Հրապարակ» «Սա մեզ համար պատմական ու ճակատարգրական պահ է»․ Ռուբեն Վարդանյան Պարզվում է, 2022 թ․ առաջին կիսամյակում Հայաստանից Թուրքիա արտահանվել է 20 միլիոն 167 հազար ԱՄՆ դոլարի ոսկու հումք․ Վարդանյան Վստահ եմ, որ մեր առջև ծառացած բազմաթիվ խնդիրները չեն կարող լուծվել միայն պետության միջոցով․Վարդանյան Գյուրջինյանի դեմ որևէ անձնական բան չունեմ․ ռեկտորի ապօրինի ընտրություն չպետք է լինի, դա է մեր ուզածը