Ով դեմ է եկեղեցուն` հայ կոչվելու իրավունք չունի. Գորիսի քաղաքապետ
ԲլոգոսֆերաԳորիսի քաղաքապետ Առուշ Առուշանյանը Ֆեյսբուքի իր էջում գրել է.
«Պատմությունից հայտնի է, որ երբ թշնամին նպատակ է ունեցել թուլացնելու մեր երկիրը, իր հարվածն ուղղել է հայոց ինքնության հենասյուների՝ մեր եկեղեցու, մեր պետության, մեր լեզվի դեմ:
Եկեղեցին ինձ համար հոգևոր կենտրոն լինելուց բացի՝ ունի նաև ազգային նշանակություն: Հայ Առաքելական Սուրբ Եկեղեցու և ազգային արժեքների դեմ ցանկացած ոտնձգություն ուղիղ հարված է մեր պետությանն ու ժողովրդին, ազգային անվտանգությանը։ Նա, ով իր կռիվը հայոց եկեղեցու դեմ է ուղղում, կնշանակի` պայքարի է դուրս եկել հայ տեսակի դեմ, հետևաբար, ով դեմ է եկեղեցուն հայ կոչվելու իրավունք չունի»։