ԱԺ-ի մոտ տեղի ունեցած միջադեպի առթիվ քրգործ է հարուցվել. կա ձերբակալված. Ոստիկանություն

Մի խումբ անձինք, նախնական համաձայնությամբ, դեկտեմբերի 28-ին առերևույթ ՀՀ Ազգային ժողովի բնականոն աշխատանքի խոչընդոտման դիտավորությամբ, կոպիտ կերպով խախտելով հասարակական կարգը և անտեսելով հասարակական համակեցության կանոնները, բացահայտ անհարգալից վերաբերմունք դրսևորելով հասարակության նկատմամբ և ընդգծված արհամարհական պահվածք՝ Ազգային ժողովի պատգամավորների նկատմամբ, նախապես իրենց հետ բերելով և Երևան քաղաքի Դեմիրճյան փողոցում կայանելով հավկիթներով լցված ավտոմեքենա, իրենց լիազորությունների իրականացման կապակցությամբ վեճի են բռնվել ԱԺ պատգամավորներ Սիսակ Գաբրիելյանի և Անդրանիկ Քոչարյանի հետ, հավկիթներով հարվածել նրանց ավտոմեքենաներին և Սիսակ Գաբրիելյանին:

Ոստիկանությունից հայտնում են՝ միջադեպի ընթացքում նաև գործադրվել է բռնություն:

«Փաստի առթիվ ոստիկանության Արաբկիրի բաժնում ՀՀ քրեական օրենսգրքի 258-րդ հոդվածի 3-րդ մասի 1-ին կետի հատկանիշներով հարուցվել է քրեական գործ։ Հանցագործության կատարման կասկածանքով բերման է ենթարկվել 15 անձ: Քաղաքացի Ա. Ս.-ն ձերբակալվել է ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված արարք կատարելու կասկածանքով։ Ոստիկանության Արաբկիրի բաժին է բերվել նաև հավկիթներով լցված ավտոմեքենան։

Ոստիկանությունը վերստին նախազգուշացնում է, որ ՀՀ Սահմանադրության 44-րդ հոդվածով ամրագրված՝ հավաքներին ազատորեն մասնակցելու և դրանք կազմակերպելու իրավունքը բացարձակ իրավունք չէ, և բոլոր այն դեպքերում, երբ այդ իրավունքի իրացումը դրսևորվում է հանցակազմի հատկանիշներ պարունակող արարքների միջոցով, ապա յուրաքանչյուր նման դեպքում ոստիկանության արձագանքը կլինի համարժեք»,- հայտնում են Ոստիկանությունից:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով

Այս թեմայով «Աստված տա, դուք էլ 300 հազար դոլար գումար ունենաք, տանեք կանխիկ պահեք». Գաբրիելյանը՝ Գալստյանին «Սիսա՛կ, իմպիչմենտ հայտարարիր դավաճանին». ծիծակներով ու ձվերով ակցիա` պատգամավորի շենքի մոտ Սասուն Խաչատրյանի «նվերը» իմքայլական պատգամավորին «Ֆեյքերի քֆուրների համար պատասխան ես տալու». Մհեր Մկրտչյանը՝ Սիսակ Գաբրիելյանին «Իմ քայլի» պատգամավոր Սիսակ Գաբրիելյանը տուժող է ճանաչվել ԱԺ-ի դիմաց տեղի ունեցած միջադեպի գործով. News.am Աշոտ Սիմոնյանն ազատ արձակվեց 3 տարով կազատվեն հողի և գույքի հարկը վճարելուց․ նոր աջակցության ծրագրեր՝ սահմանամերձ համայնքների բնակիչների համար Ձեր խմբակցության մի մասը վարակակիր է, ինչո՞վ է պայմանավորված այս նախագծերի հրատապությունը․ Գորգիսյանը՝ Գաբրիելյանին Մոտավոր հաշվարկով 261 պատգամավոր կլինենք էս սցենարով. «Իմ քայլի» պատգամավորը՝ Մարուքյանին Հերթական անտեղի փոթորիկը․ Սիսակ Գաբրիելյան