ՀՀ գլխավոր դատախազն ընդունել է Հայաստանում Բելառուսի նորանշանակ դեսպանին

ՀՀ գլխավոր դատախազ Արթուր Դավթյանն այսօր ընդունել է Հայաստանի Հանրապետությունում Բելառուսի Հանրապետության արտակարգ և լիազոր դեսպան Ալեքսանդր Կոնյուկին: Այս մասին հյատնում է ՀՀ դատախազության հանրային կապերի բաժինը։

«Ողջունելով հյուրին՝ ՀՀ գլխավոր դատախազը նախ շնորհավորել է պարոն Կոնյուկին մեր երկրում ստանձնած առաքելության կապակցությամբ և մաղթել արդյունավետ, երկու բարեկամ երկրների շահերին նպաստող բեղմնավոր գործունեություն:

Արթուր Դավթյանը վստահություն է հայտնել, որ իր նախկին՝ Բելառուսի Հանրապետության գլխավոր դատախազի պաշտոնում պարոն Կոնյուկի աշխատանքային փորձառությունը, այդ համատեքստում երկու երկրների դատախազությունների միջև ծավալված երկկողմ և բազմակողմ գործակցությունը, միջանձնային ջերմ և անմիջական հարաբերությունները լուրջ նախադրյալներ են ստեղծում երկու կառույցների միջև համագործակցությանը նոր որակ հաղորդելու համար՝ միտված այն առավել սերտ, թիրախային դարձնելուն:

Շնորհակալություն հայտնելով ջերմ ընդունելության համար՝ Բելառուսի Հանրապետության նորանշանակ դեսպանն իր հերթին պատրաստակամություն է հայտնել արդեն իսկ առկա բազայի և իր համար տեսանելի ինստիտուցիոնալ կարիքների հիման վրա խթանելու իրավական ոլորտում երկու երկրների հարաբերությունների ընդլայնմանը, անդրազգային հանցագործությունների դեմ պայքարում երկու երկրների իրավապահ մարմինների ռեսուրսներն առավել նպատակային կիրառելուն ուղղված նախաձեռնությունները:

Հանդիպման ընթացքում քննարկվել են իրավական փոխօգնության ոլորտում գործակցությանը, երկու երկրների դատախազությունների միջև փորձի փոխանակմանը, դրանից բխող համատեղ ծրագրերին, հնարավոր ուղղություններին և մեխանիզմներին վերաբերող, ինչպես նաև փոխադարձ հետաքրքրություն ներկայացնող այլ հարցեր»,- նշված է հաղորդագության մեջ:

Այս թեմայով «Հրապարակ». ՊԵԿ նախկին փոխնախագահը հրավիրվել է դատախազություն Վլադիմիր Գասպարյանի դստերը շնորհված «փոխգնդապետի» կոչումն անվավեր է ճանաչվել․ Դատախազություն Տավուշի նախկին մարզպետ Հովիկ Աբովյանը հաշտության համաձայնություն է կնքել դատախազության հետ Դադարեցվել է Արաքս գետի հունը խախտած ընկերության ընդերքաօգտագործման իրավունքը 2023 թվականի ընթացիկ և ավարտված քրեական վարույթներով պետական բյուջե է վերականգնվել 32 մլրդ դրամ. Գլխավոր դատախազություն Աջափնյակի N 207 մսուր-մանկապարտեզը 2002-2003 թթ․ օրենքի խախտմամբ օտարվել է. նախաձեռնվել է քրեական վարույթ Առուշ Առուշանյանը հրավիրվել է Դատախազություն «Հրապարակ». Մանվել Գրիգորյանի նախկին օգնականն ու նրա հարազատները հրավիրվել են դատախազություն ԿԿՀ-ն կարգապահական վարույթ է հարուցել ավելի քան 15 դատավորի նկատմամբ, նույնքան էլ հաղորդում է ներկայացվել գլխավոր դատախազություն Կասեցվել են դեղատնային գործունեության լիցենզիաների գործողությունները. Դատախազություն