Շներին իր բակից հանելու հարցով վեճի պահին 74-ամյա վանաձորցին դանակահարել է համաքաղաքացուն

ՀՀ քննչական կոմիտեի Լոռու մարզային քննչական վարչությունում ավարտվել է դիտավորությամբ ուրիշի առողջությանը ծանր վնաս պատճառելու դեպքի առթիվ հարուցված քրեական գործի նախաքննությունը:

Քննությամբ պարզվել է, որ Լոռու մարզի  Վանաձոր քաղաքի 74-ամյա բնակիչը, 2020թ. մայիսի 7-ին՝ ժամը 11:30-ի սահմաններում,  իր առանձնատան հետնամասի հարակից տարածքում նկատելով 64-ամյա համաքաղաքացուն ու նրան պատկանող շներին, ցանկացել է կենդանիներին դուրս հանել իր տարածքից: Սակայն նշված հարցի շուրջ համաքաղաքացիների  միջև վիճաբանություն է առաջացել, որի ընթացքում 74-ամյա տղամարդը  դիտավորությամբ, դանակի գործադրմամբ հարվածել է համաքաղաքացու կրծքավանդակի աջ կեսի շրջանին՝ վերջինիս առողջությանը պատճառելով կյանքին վտանգ սպառնացող ծանր վնաս:

Բացի այդ, 74-ամյա տղամարդն իր  առանձնատանն ապօրինի կերպով պահել է նետողական պայթուցիկ նյութերի շարքին դասվող անծուխ վառոդ, որը հայտնաբերվել և առգրավվել է 2020թ. մայիսի 7-ին՝ վերոնշյալ առանձնատան խուզարկությամբ:

Մինչդատական վարույթում ձեռք բերված ապացույցների հիման վրա՝ Վանաձորի 74-ամյա բնակչին մեղադրանք է առաջադրվել՝ ՀՀ քրեական օրենսգրքի 112-րդ հոդվածի  (դիտավորությամբ առողջությանը ծանր վնաս պատճառելը) 1-ին մասով և 235-րդ հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասով: Վերջինիս նկատմամբ որպես խափանման միջոց է ընտրվել ստորագրություն՝ չհեռանալու մասին:

Նախաքննությունն ավարտվել է, և քրեական գործը, մեղադրական եզրակացությամբ, ուղարկվել դատարան:

Այս թեմայով Երևանում 25-ամյա վարորդը «Hyundai»-ով վրաերթի է ենթարկել հետիոտնին․ նա տեղում մահացել Արթիկում 16-ամյա պատանին դանակահարել է 45-ամյա համաքաղաքացուն (տեսանյութ) Անչափահաս աղջկա նկատմամբ սեռական բռնություն կատարած 74-ամյա և 66-ամյա տղամարդկանց հայտնաբերել են Վարդենիսում 13-ամյա աղջկա են բռնաբարել «Լունապարկում» 1-ամյա երեխան ընկել է ատրակցիոնից Լոռու մարզում 93-ամյա կնոջ սպանության դեպքի առթիվ նախաքննությունն ավարտվել է Արմավիրում 37-ամյա ամբաստանյալը հայհոյել է դատավորին, սպառնացել, ու ինքնավնասում կատարել Երևանում 9-ամյա երեխան խաղալու ժամանակ քարերով վնասել է 2 մեքենա` պատճառելով մոտ 1 մլն դրամի վնաս Պաշտպանի ներկայացուցիչներն այս պահին գտնվում են Ոստիկանության ձերբակալվածներին պահելու վայրում՝ Սամվել Վարդանյանին տեսակցելու նպատակով Բերման է ենթարկվել Հակոբ Ասլանյանի հետ վեճի բռնված երիտասարդը՝ Սամվել Վարդանյանը