Ուշադիր եղեք. Բարեգործական նախաձեռնություններն ուղեկցվում են անձնական տվյալների հավաքագրմամբ

Անձնական տվյալների պաշտպանության գործակալությունը տեղեկացնում է․

«Վերջին օրերին տարբեր օգտատերեր Գործակալության ուշադրությունն են հրավիրում նրան, որ տարբեր կազմակերպությունների կողմից իրականացվող կամ իրականացվելիք բարեգործական, կրթական եւ այլ բնույթի նախաձեռնությունները հիմնականում ուղեկցվում են անձնական տվյալների (երբեմն նաեւ զգայուն տվյալների (օրինակ, առողջության կամ սոցիալական վիճակի մասին եւ այլն)) մշակմամբ՝ հավաքագրմամբ, պահպանմամբ եւ այլն, երբեմն ստեղծվում են շահառուների անձնական տվյաների բազաներ։

Վերոնշյալի կապակցությամբ խնդրում ենք ուշադրություն դարձնել անձնական տվյալների պաշտպանության խնդրին, չանտեսել մարդկանց անձնական տվյալների՝ հատկապես անձնական կյանքի եւ զգայուն այլ տվյալների պաշտպանության կարեւորությունը եւ

համոզվել, որ տվյալները մշակվում են օրինական եւ որոշակի նպատակով, սահմանված նպատակին հասնելու համար պիտանի, անհրաժեշտ եւ չափավոր միջոցներով, նպատակին հասնելու համար անհրաժեշտ նվազագույն քանակով եւ ժամկետվ,

շահառուներից ստանալ նրանց անձնական տվյալների մշակման համաձայնությունը` «Անձնական տվյալների պաշտպանության մասին» ՀՀ օրենքին համաձայն (բացառությամբ երբ տվյալների մշակումն ուղղակիորեն նախատեսված է օրենքով),

ձեռնարկել բավարար տեխնիկական եւ կազմակերպչական միջոցառումներ՝ անձնական տվյաների (տվյալների բազաների) պաշտպանվածությունն անօրինական միջամտությունից, այդ թվում՝ անօրինական արտահոսքից ապահովելու համար։

Ինչպես նաև հիշեցնում ենք, որ կենսաչափական կամ հատուկ կատեգորիայի անձնական տվյալներ մշակելու դեպքում նման մտադրության մասին անհրաժեշտ է համապատասխան ծանուցում ներկայացնել Անձնական տվյալների պաշտպանության գործակալությանը:

Կենսաչափական անձնական տվյալներ են անձի ֆիզիկական, ֆիզիոլոգիական և կենսաբանական առանձնահատկությունները բնութագրող տեղեկությունները

Հատուկ կատեգորիայի անձնական տվյալներ են անձի ռասայական, ազգային պատկանելությանը կամ էթնիկ ծագմանը, քաղաքական հայացքներին, կրոնական կամ փիլիսոփայական համոզմունքներին, արհեստակցական միությանն անդամակցությանը, առողջական վիճակին ու սեռական կյանքին վերաբերող տեղեկությունները

Անձնական տվյալների մշակման համաձայնությունը ստանալու պայմանը տես «Անձնական տվյալների պաշտպանության մասին» ՀՀ օրենքի 10-րդ հոդվածում 

Կենսաչափական կամ հատուկ կատեգորիայի անձնական տվյալներ մշակելու վերաբերյալ ծանուցման նմուշը կարող եք գտնել այստեղ 

Հարցերի դեպքում կարող եք դիմել մեզ նաև ոչ աշխատանքային ու տոնական օրերին` գրելով նամակ Գործակալության ֆեյսբուքյան էջին:

Այս թեմայով «Համոզված եղեք՝ խոշտանգումը նկարահանել են, որ տանեն, իրենց գլխավոր ստահակը հաճույք ստանա դրանից». Գագիկ Համբարձումյան Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ Ուշադիր եղեք այն ամենին, ինչ կտեսնեք առաջիկայում. Վլադիմիր Մարտիրոսյան Նախատեսվում է ԼՂ-ից բռնի տեղահանված անձանց վերաբերյալ ամբողջական վարչական տվյալների բազայի ստեղծում Պարոն Փաշինյա՜ն, ձեր անձնական վախերն եք գցել հայ հասարակության վզին. Լիլիթ Գալստյանը՝ վարչապետին ԱՄՆ-ից ժամանած փորձագետների հետ քննարկվել է փորձաբժշկական ԴՆԹ տվյալների բազայի զարգացման խնդիրը «Տարածվում են հետևյալ բովանդակությամբ կեղծ հայտարարություններ»․ Անձնական տվյալների պաշտպանության գործակալություն «Իմ Քայլ»-ի բարեգործական ընթրիքը նպատակ ունի աջակցել կին գործարարների գործունեության ընդլայնմանը Լրացնելով ձեր անձնական տվյալները՝ կդառնաք խաբեության զոհ․ ՆԳՆ -ն զգուշացնում է Ապրիլի 1-ից ֆիզիկական անձանց կողմից անձնական օգտագործման ապրանքների համար սահմանված առցանց անմաքս առևտրի արտոնության շեմը ենթարկվելու է փոփոխության