5 հազար զոհի, գերիների ու բողոքի ցույցերի ֆոնին, ՊՆ-ն մարտի 8-ի քեֆի համար արդեն 7-8 մլն է հատկացրել. Yerevan Today

Այս օրերին, երբ թշնամին Նիկոլ Փաշինյանի հետ բանավոր փոխըմբռնմամբ գյուղ առ գյուղ զավթելով հասնում է Գորիս, ճանապարհին Ադրբեջանի ցուցանակ է դնում, իսկ անհետ կորածների ծնողները թշնամուն հանձնած տարածքների դաշտերով մեկ ընկած փնտրում են իրենց որդիներին, Հայաստանի ՊՆ պաշտոնյաները, պարզվում է, անվրդով պատրաստվում են ռեստորանային կերուխումի:

Yerevan.Today-ի ձեռքի տակ են հայտնվել  պետգնումներից խիստ ուշագրավ փաստաթղթեր, որոնցից պարզվում է՝ նախարարության մի խումբ աշխատակիցների այս օրերին հանձնարարված է  250 հոգանոց քեֆի ցուցակ կազմել, մշակել նախընտրելի «բլյուդների» մենյուն․․․ (թանկարժեք  ալկոհոլային խմիչքներ, բուժինինա ու ռոքֆոր, 5-6 տեսակի պանրի ճոխ ընտրանի, աղցաններ) և անպայմանորեն չմոռանալ 10 կգ անանասի, 20 տարի հնեցմամբ «Նաիրի» կոնյակների մասին:

Իսկ ամենազավեշտալին ՊՆ քեֆի  ցուցակը ամփոփող համերգային ծրագիրն է. պատվիրվել է  8 մենակատար՝ երգիչ-երգչուհիներով 2 ժամով համերգային ծրագիր, որպեսզի զվարճացնեն ՊՆ 250 հոգանոց աշխատակազմին:

ՊՆ-ում, փաստացի, պատերազմի հետևանքները չեն առաջացրել ծանր տրամադրություններ․ հակառակը, այստեղ պաշտոնյաները մտածում են ճոխ կերակուրներով քեֆ ուրախության մասին և սա  այն դեպքում, երբ պատերազմը փաստացի ավարտված չէ, գերիների անհետ կորածների, Սյունիքում սահմանազատման լրջագույն խնդիրը կա ու դեռևս շատ մեծ՝ անլուծելի թվացող բեռ կա այս գերատեսչության ուսերին:

Հրապարակված պետգնումներով պատվիրակված ծառայությունը կմատուցի երևանյան ռեստորաններից մեկը՝ մարտի 8-ի առթիվ, մոտավոր՝ 7-8 մլն դրամով, 31 սեղան։ Փաստացի գնումն իրականացվել է, և շուտով Yerevan.Today-ը կհրապարակի փաթեթը շահող ռեստորանի անունը։

Ընդ որում՝ խիստ պայման է դրված կորոնավիրուսի հարցում․ 31 ճոխ սեղաններից օգտվելու իրավունքը կվաստակեն թեստավորումով զտված 250 առողջ ՊՆ ծառայողները․ սա որպես նախապայման՝  ընդգծվում է պետգնումների փաստաթղթում, բայց  չի հստակեցնում՝ արդյո՞ք թեստավորումը ևս  իրականացվելու է ՊՆ-ի բյուջեի հաշվին: Ի դեպ, հաջորդ կտրուկ պայմանը, որ դրվել է ռեստորանատիրոջ վրա, ՊՆ փարթին սպասարկող 10 մատուցողների բուժզննում անցած լինելն է։

Ի՞նչ խոսք, 250 հոգանոց քեֆ-ուրախության սցենարը ի սկզբանե պարտավոր էր մերժել նախարար Վաղարշակ Հարությունյանը, եթե անգամ ավանդույթի ուժով այն նշվել է այս ճոխությամբ։ Բայց նա չի արել, փոխարենը, նախարարի բարեհաճությունից օգտվելով, նրա ենթակաները քեֆի ցուցակ են կազմել և անցկացրել պետգնումներով։ Մինչդեռ, այդ 7-8 մլն դրամը պարզապես մեկ հրամանով պետք էր կտրել և ուղղել հենց Արցախում զոհված կամ վիրավորում ստացած զինծառայողների սգավոր մայրերին, քույրերին ու կանանց:

Այս թեմայով Մայիսի 15-ին ստորագրվելու է 4 գյուղերի հանձնման պայմանագիրը. պայմանավորվել են այսօր սահմանազատման համար հանդիպած կողմերը Հայաստանում մի շարք ծառայություններ ամբողջ բնակչության համար պետպատվերով են․ ԱՆ Մանկապարտեզում այսուհետ երկարօրյա խումբ կբացվի նույնիսկ մեկ երեխայի համար Ստեղից էթալու եմ, ինձ պետք ա՞ էս երկիրը, 2 երեխա եմ մեծացնում, փողոցային առևտրի համար տուգանում են «Ժողովուրդ». 46 մլն 236 հազար դրամ «գործ տալու» «Ազդարարի՛ր» հարթակի համար` արդյունքում 176 հաղորդում 12 ամսում Ավետիք Չալաբյանը 1 մլն դրամ է փոխանցել Սամվել Վարդանյանի գրավի համար Սամվելի դեպքը այլանդակության գագաթնակետն է, աղմուկը շատ էր, դրա համար կալանք չկիրառվեց ԼՂ-ից բռնի տեղահանված ուսուցիչների համար նախատեսված հատկացումները կբաշխվեն ըստ մարզերի Արթուր Վանեցյանը 1 մլն դրամ է փոխանցել Սամվել Վարդանյանի գրավի համար Մոսկվայում ադրբեջանցին, իրեն նկատողություն անելու համար, սպանել է տղամարդուն