Լինենք միասնական, լինենք ուժեղ ու նայենք հետ՝ դասեր քաղելու եւ չմոռանալու համար. Էդմոն Մարուքյան

«Լուսավոր Հայաստան» կուսակցության նախագահ Էդմոն Մարուքյանը ուղերձ է հղել, որոըմ ասվում է.

«Սիրելի՛ հայրենակիցներ,

Անցնող տարին մեր պատմության ամենադաժան էջերից էր. հետեւանքները դեռ երկար ժամանակ զգալու եւ փորձելու ենք հաղթահարել։

Նախ, կորոնավիրուսի համավարակը խլեց մեր բազմաթիվ հայրենակիցների կյանքերը ու դեռ շարունակում է տարածվել՝ թուլացնելով նաեւ տնտեսության առանց այդ էլ խարխուլ հիմքերը։

Այնուհետեւ, տարիներ անց մեր ժողովուրդը կրկին ստիպված եղավ ուղիղ նայելու պատերազմի անողոք աչքերին՝ ընդունելով մարտահրավերը եւ զոհելով ամենաթանկը՝ իր հազարավոր զավակների կյանքն ու առողջությունը։

Սիրելի՛ ժողովուրդ, այս արյունալի փուլում մենք կրկին միասնական էինք ընդդեմ արհավիրքի, ընդդեմ թշնամու, ընդդեմ մահի։

Այժմ էլ պետք է լինենք միասին՝ մեզ բաժին մնացած հողի վրա կառուցելու համար երկիր, որտեղ ապահով ու երջանիկ կապրեն մեր զավակները։ Դա կլինի լավագույնը, որ կարող ենք անել թե՛ նրանց, թե՛ անձամբ մեզ համար՝ դուրս գալով փոխադարձ մեղադրանքների եւ ատելության այս փակ շրջանից։

Մխիթարանքի խոսքեր չկան ասելու որդեկորույս մայրերին, ամուսին ու ծնող կորցրած ընտանիքներին, անհետ կորած մեր որդիների ընտանիքներին, աննկարագրելի է գերի ընկած մեր զինծառայողների եւ քաղաքացիների ընտանիքների սպասումը։ Նրանց բոլորի հետ սպասում ենք բոլորս, ուրախանում ենք բոլորս, սգում բոլորս…

Սիրելիներս, կոչ եմ անում այս Նոր տարի առանձնակի ուշադիր լինել ու աջակցել զոհված, վիրավոր, գերի ընկած կամ անհետ կորած մեր զինծառայողների եւ մյուս հայրենակիցների ընտանիքներին։ Նրանք տվել ու կորցրել են ավելին, քան մեզանից յուրաքանչյուրը, եւ այդ ընտանիքների հոգսը հոգալը, ցավի հետ միայնակ չթողնելը նվազագույնն է, որ կարող ենք անել իրենց կյանքը, առողջությունն ու ազատությունը զոհած մեր եղբայրների համար։

Իհարկե այս դժվարին ժամանակներում, երբ շատերիս հնարավորությունները սուղ են, դժվար է անել այն ամենը, ինչ մեր սրտի ցանկությունն է։

Սակայն իմ անձնական խնդրանքն է մեր բոլոր հայրենակիցներին, որ հիմա, ինչպես երբեք, լինենք միասնական, լինենք ուժեղ ու նայենք հետ՝ դասեր քաղելու եւ չմոռանալու համար, նայենք առաջ՝ մեր ընտրած ճանապարհով արժանի լինելու մեզ համար իրենց զոհաբերած մեր լույս զավակների սխրանքին։

«Լուսավոր Հայաստանը» եւս այս օրերին կատարելու է այն, ինչ այժմ առաջարկում եմ բոլորին։

Աստված պահապան Հայ Ժողովրդին։

Այս թեմայով Ադրբեջանական զինուժը ՀՀ ինքնիշխան տարածքում ԱԹՍ-ով հարձակվում է հայ զինվորների վրա. Մարուքյան Ադրբեջանը վերահաստատում է, որ ԼՂ-ն գտնվում է խորը հումանիտար ճգնաժամի մեջ. Էդմոն Մարուքյան «Փաստորեն Ադրբեջանը կրակում է ՀԱՊԿ-ի վրա, բայց, թե ինչ ասելիք ունի ՀԱՊԿ-ն, կտեսնենք այսօր» Ադրբեջանի բանակի հարձակումները ՀՀ տարածքի վրա լավ փաստագրված են ԵՄ մոնիտորինգային կարողությունների կողմից. Մարուքյան Ալիևը խոստովանեց, որ իր երկիրը սկսել է ԼՂ երկրորդ պատերազմը՝ չնայած նախկինում հակառակն էր պնդում. Մարուքյան «Խաղաղության պայմանագիրը ստորագրելիս Հայաստանին անհրաժեշտ են երաշխավորներ առնվազն ՄԱԿ ԱԽ-ից» Հուսով ենք՝ ՌԴ-ն կպաշտպանի իր առաջարկները, և Ադրբեջանը համաձայնություն կտա այդ առաջարկներին. Մարուքյան «Եթե չեք ծրագրում նոր ագրեսիա, ինչո՞ւ եք այդքան նյարդայնանում ՀՀ-ում սպասվող միջազգային ներկայությունից» Ո՛չ գրավոր, ո՛չ բանավոր Հայաստանը միջանցք տրամադրելու պարտավորություն չի ստանձնել. Էդմոն Մարուքյան Ալիևը արևմտյան մայրաքաղաքներում բողոքում է Ռուսաստանից, իսկ ԱՊՀ տարածք վերադառնալիս՝ Արևմուտքից. Էդմոն Մարուքյան