Մենք ունենք առաքելություն՝ հետ բերելու մեր զինվորներին, վերականգնելու մեր հայրենիքը

Մենք ունենք առաքելություն՝ հետ բերելու մեր զինվորներին, հողին հանձնելու զոհերի մարմինները, բուժելու վիրավորներին, վերականգնելու մեր հայրենիքը, վերամիավորվելու և կերտելու ուժեղ ապագա: Այս մասին ֆեյսբուքյան իր էջում գրել է Սուրբ Աթոռում ՀՀ նախկին դեսպան Միքայել Մինասյանը: Գրառումն ամբողջությամբ՝ ստորև.

«Սուրբ ծննդյան խոհեր

Քրիստոսը ծնվեց և աշխարհ եկավ ի պատասխան չարի։ Նա լույսը բերեց ընդդեմ խավարի: Ընդհանրապես Քրիստոսի ծնունդը խորհրդանշում է Աստծո և մարդկանց պայքարը ընդդեմ սատանայի ու չար ուժերի։ Հետևաբար, քրիստոնեության խորհուրդը նաև աննահանջ պայքարն է։ Մենք ապրում ենք մի ամբողջ քրիստոնեական կյանք իմանալով ու գիտակցելով, որ այն բաղկացած է լինելու միայն պայքարից։

Քրիստոնեությունը նաև ուժ է։ Խաչակիրները խաչով ու սրով պաշտպանում էին այն, ինչին հավատում էին, ազատագրում էին նրանց, ովքեր կալանված էին՝ նախապաշարումներով, վախով, հուսահատությամբ։

Քրիստոնեությունը նաև միավորող ուժ է, երբ Գևորգ Ե Կաթողիկոսը համախամբեց աշխարհիկներին, զինվորականներին և ժողովրդին՝ առաջնորդելով դեպի հաղթանակ:

Այս հունվարի 6-ը մեզ համար հենց այդպիսի խորհուրդ ունի։ Մեր խաչը ծանր է, մեր գործը՝ բարդ, մեր առաքելությունը՝ արդար:

Աստված չի ուղարկում անհնարին առաքելություն, նա մեզ չի դատապարտում անկարելիության։ Այն ինչ պիտի անենք՝ հնարավոր է, այն ինչին պիտին հասնենք՝ իրական է ու այն, ինչ դժվարությամբ պիտի անցնենք՝ տանելի է։

Մենք ունենք առաքելություն՝ հետ բերելու մեր զինվորներին, գտնելու անհետ կորածներին, հողին հանձնելու զոհվածների մարմինները, բուժելու վիրավորներին, թիզ առ թիզ վերականգնելու մեր հայրենիքը, վերանվաճելու պետություն ունենալու մեր իրավունքը, վերամիավորվելու՝ համերաշխությամբ և կերտելու ոչ թե փխրուն, այլ կուռ, ուժեղ, անքակտելի, անսակարկելի այնպիսի ապագա, որ ոչ մեկ չկարողանա այն խլել մեր երեխաներից:

Մեր խաչը մեր ուժն է, մեր թուրը՝ հավատով օծված։

Քրիստոս ծնվեց ու հայտնվեց։

Մեզ և Ձեզ մեծ Ավետիս»։

Այս թեմայով Ներկայում մոտ 900 անձի նկատմամբ կիրառվել է տնային կալանք և վարչական հսկողություն․ Մինասյան Ոչ մեկ չի կարող թաքնվել կեղծ հրահանգների հետևում. Մինասյան ՀՀ-ի իրականացրած հակակոռուպցիոն բարեփոխումները արժանացել են միջազգային բարձր գնահատականի․ Մինասյան 900 հոգի չի հայտնվել բանտում, որովհետև դատարանն արդեն կարողանում է տնային կալանք տալ. Մինասյան Յուրի Մինասյանի սպանության մեջ մեղադրվող անձը հայտնաբերվել է․ մանրամասներ Փաշինյանը տարօրինակ զուգադիպությամբ սկսել է հենց իր ծննդավայրից՝ Տավուշից․ Գագիկ Մինասյան Համախմբվենք ու՞մ շուրջ․ թշնամու օրակարգը սպասարկող խմբի շու՞րջ․ Արծվիկ Մինասյան Օրվա իշխանության կողմից հաճախ հանդիպում ենք նման մոտեցման՝ կապ չունի՝ դրական եզրակացություն է, թե ոչ՝ չենք ուզում ու վերջ․ Արծվիկ Մինասյան 2018-ից հետո հետևողականորեն քանդվեց այն ամենը, ինչի համար Վազգենը տառապել ու աշխատել էր․ Գագիկ Մինասյան Գրիգոր Մինասյանը անդրադարձել է Եվրոպական հանձնաժողովի փաստահավաք առաքելության՝ ՀՀ այցի արդյունքներին