Արցախում նոր շենքեր են կառուցվում, բնակարանների են վերափոխվում տարբեր շինություններ

Արցախում սկսվել է պատերազմի հետևանքով վնասված ընդհանուր առմամբ մոտ 453 բնակելի օբյեկտների վերականգնման շինարարական աշխատանքը, որից ավելի քան 250-ն ավարտված է: Այս մասին «Արմենպրես»-ի հետ զրույցում տեղեկացրեց քաղաքաշինության փոխնախարար Ազատ Համբարձումյանը:

«Վերականգնման շինաշխատանքներն ընթանում են երկու փուլով: Առաջին փուլում  վերանորոգվել են բնակելի տների տանիքները,  տեղադրվել՝  դռներ ու  պատուհաններ, ստեղծվել են ջեռուցման պայմաններ: Այս տարվա  հունվարից կատարվելու են ներքին հարդարման աշխատանքներ՝  վերջնական ավարտելով այդ բնակարանների վերականգնումը: Պատերազմի հետևանքով վնասված տների վերականգնումը շարունակվում է ըստ հերթացուցակների՝ առաջնահերթությունը տրվում է զոհվածների ու անհայտ կորածների ընտանիքներին»,- մանրամասնեց Համբարձումյանը:

Ըստ փոխնախարարի՝  մասնավորապես Ստեփանակերտում պատերազմի հետևանքով վնասված տների վերաբերյալ քաղաքաշինության նախարարությունը ստացել է ավելի քան 3680 դիմում, որից  ուսումնասիրված է մոտ 1500-ը: Վերականգնման աշխատանքներ են սկսվել  329 օբյեկտում, որից շինաշխատանքներն առաջին փուլով ավարտված են   211-ում, իսկ 118-ում՝ ընթացքում են:

«Մարտակերտի շրջանում ընդհանուր առմամբ վնասվել է 370 օբյեկտ, որից   320-ը Մարտակերտում, մյուսները գյուղական բնակավայրերում:  Առանձնապես տուժել են Աղաբեկալինջ, Մաղավուզ, Հոռաթաղ, Մեծ շեն գյուղերը:  Մարտակերտի շրջանում արդեն ուսումնասիրվել է  պատերազմի հետևանքով վնասված 62 օբյեկտ: Այնուհետև սկսվել է 32-ի վերականգնումը,  14-ն ավարտված է: Շուրջ 1300 տուն է վնասվել Մարտունու շրջանում:  Մասնավորապես շրջկենտրոն Մարտունիում պատերազմի հետևանքով վնասված 850 տնից, ուսումնասիրվել և գրանցվել է վերականգնման ենթակա մոտ 170 տուն: Վերականգնման աշխատանքները մեկնարկել են 64-ում, որից 12-ն ավարտվել է, իսկ 52-ն ընթացքում է:

Մարտունու գյուղերից հիմնականում տուժել են Թաղավարդը, Կարմիր շուկան, Սոսը, Հերհերը և Բերդաշենը:

Պատերազմի հետևանքով Ասկերանի շրջանում մեծամասամբ տուժել են  Շոշ և Սզնեք համայնքները: Շրջանում գրանցվել է արձանագրվել է 170 դիմում, որից հետո 28 վնասված տան վերանորոգման աշխատանքները սկսվել են: Դրանցից 14-ում առաջին փուլով նախատեսված վերականգնումն ավարտված է»,-տեղեկացրեց քաղաքաշինության փոխնախարարը: Նրա խոսքով, ընթանում են նաև բնակարանաշինական աշխատանքներ: Մասնավորապես՝ Ստեփանակերտի կաթնամթերքի կոմբինատի հարևանությամբ շարունակվում է 90 բնակարան ունեցող շենքի շինարարությունը, «Արցախ» թաղամասում կառուցվում է 9 բնակարան, իսկ   6-րդ մանկապարտեզի վերափոխման արդյունքում՝   նախատեսվում է այս տարվա մայիսին շահագործման հանձնել 30 նոր բնակարան:

«Մշակման փուլում են նաև բնակարանաշինական այլ ծրագրեր՝  Ստեփանակերտում և շրջաններում: Ֆինանսավորումն արդեն հաստատված է, որը կատարվելու է «Հայաստան» համահայկական հիմնադրամի կողմից»,-հավելեց Համբարձումյանը: 

Այս թեմայով Ինչ եղավ Արցախում, այսօր Տավուշում է լինում, կոմունիկացիաները կանցնեն թշնամու վերահսկողության տակ Բագրատ Սրբազանը հանուն հայրենիքի Արցախում էր, հիմա՝ Տավուշում Արցախում ռուս-թուրքական համատեղ մոնիթորինգի կենտրոնի գործունեությունը կդադարեցվի Հայաստանի բասկետբոլի տարբեր տարիքային թիմերը նոր գլխավոր մարզիչներ ունեն Հաստատվել են բնակարաններով ապահովման ծրագրի հավակնորդների ցանկը և բնակարանների ընտրության վերջնաժամկետը ՊԵԿ-ը տարբեր առաքանիներից հայտնաբերել է 1405 գրամ «հաշիշի յուղ» տեսակի թմրամիջոց Երուսաղեմի ստատուս քվոն փոխելու փորձեր են արվում, ինչի մասին ԱԳՆ-ն բարձրաձայնում է տարբեր հանդիպումների ժամանակ․ Կոստանյան Բացահայտվել է թմրամիջոցների շրջանառության հերթական դեպքը․ Արարատի մազի բնակիչը կալանավորվել է Ոչինչ չի ասվել Ալիևի ռեժիմի Արցախում և հայերի դեմ իրականացրած և շարունակվող հանցագործությունների մասին․ Բեգլարյան Այդ օրերին Արցախում էի և ադրբեջանական վայրագությունների ականատեսն եմ եղել․ Թաթոյանը՝ քառօրյայի մասին (տեսանյութ)