Հեղափոխությունից հետո որքա՞ն բիզնես է բացվել և փակվել Հայաստանում

Հեղափոխությունից հետո Նիկոլ Փաշինյանը ամենպատեհ և անպատեհ առիթներով սիրում էր հիշատակել իր կառավարության ակտիվ ջանքերի շնորհիվ բացված 50 հազար նոր աշխատատեղերի մասին: Փորձագետները, տնտեսագետները շատ արագ կոտրեցին այդ տնտեսական բումի միֆը` ապացուցելով, որ Փաշինյանը մանիպուլացնում է այդ թիվը և իրականում 50 հազարի կեսից ավելին ընդամենը ստվերից դուրս եկած բիզնեսներն էին:

Օրեր առաջ ՊԵԿ-ը հաստատեց, որ 2020 թվականի ընթացքում Հայաստանում փակվել է 22 հազար աշխատատեղ՝ 50 տոկոսով ավել քան 2019 թվականին: Դրան զուգահեռ աշխատաշուկայում 2020 թվականի 10 ամիսների կտրվածքով աշխատանք փնտրողների թիվն աճել է 3000-ով՝ հասնելով 88356 մարդու, որոնցից գործազուրկի կարգավիճակ է ունեցել 60668-ը: Վիճակն այնքան էլ բարվոք չէ քաղաքացիների տնօրինվող եկամուտների առումով, քանի որ կորոնովիրուսի համավարակի հետևանքով առաջացած տնտեսական դժվարությունները նվազեցրել են քաղաքացիների եկամուտները և այս առումով 2020 թվականի առաջին 10 ամիսների կտրվածքով միջին անվանական աշխատավարձը 191 հազար դրամից դարձել է 181 հազար, այսինքն կրճատվել է մոտ 5 տոկոսով: 

2020 թվականի ապրիլին, երբ մեր երկրում կորոնավիրուսի հետեւանքով հանրային կյանքի տարբեր ոլորտներ ամբողջությամբ արգելափակված էին, ավելի քան 74000 գրանցված աշխատողներ կամ աշխատողների մոտ 12 տոկոսը կորցրել են իրենց աշխատանքը:

Այսինքն, ստացվում է, որ եթե անգամ միֆոլոգիական 50 հազար նոր աշխատատեղերի կեսը առնվազն իրոք բացվել էին՝ այսօր դրանք փակվել են: Իսկ ստեղծված իրավիճակում միակ մեղավորը ՀՀ կառավարությունն է իր ապաշնորհ տնտեսական քաղաքականությամբ, կորոնավիրուսի համավարակի օրերին բիզնեսին ցույց տված գրեթե զրոյական աջակցությամբ, ոչ թիրախային ծրագրերով, բիզնեսի ներկայացուցիչներին ասֆալտին փռելով ու պատերին ծեփելով, կոռուպցիան չվերացնելով: Փաստորեն, կարող են ասել, որ Նիկոլ Փաշինյանի իշխանության օրոք Հայաստանում ավելի շատ բիզնես  է փակվել, քան բացվել է և ավելի շատ բիզնես է բռնել սնանկացման ցավոտ ճանապարհը, մինչդեռ հեղափոխությունից անմիջապես հետո Հայաստանում սպասվում էին տրամագծորեն հակառակ պրոցեսներ...

Այս թեմայով ՌԴ-ն՝ ՀՀ անվտանգության միակ գարանտ. Արևմուտքի հեղինակավոր պարբերականների «անկեղծացումը» Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով