Պաշտպանության նախարար Դավիթ Տոնոյանին այդ պաշտոնում առաջարկել է հենց Արարատ Միրզոյանը, ում մեղադրում են Թուրքիայի գործակալ լինելու մեջ

«Այլընտրանքային նախագծեր» խումբը ներկայացնում է Գեղամ Նազարյանի հոդվածը, որում հեղինակն անդրադառնում է երկրում ստեղծված ներքաղաքական իրավիճակին, հետպատերազմական իրավիճակում իշխանության քայլերին։ Հոդվածն ամբողջությամբ՝ ստորև․

Մաս առաջին. Թուրքիայի վտանգը

Թուրքիան և Ադրբեջանը փետրվարի 1-12-ը Կարսում համատեղ զորավարժություն կանցկացնեն՝ Հայաստանի արևմտյան սահմանների անմիջական մատույցներում, Գյումրիին շատ մոտ: Անցած տարի, երբ թուրքերն ու ադրբեջանցիները զորավարժություններ անցկացրին Նախիջևանում, ինչպես նաև Հայաստանի արևելյան սահմանների մոտ և ադրբեջանցի զինվորների շարքերով գրեցին՝ հաջորդ կանգառը Շուշի, հասարակությունը և իշխանությունն անտարբեր եղան, իսկ մի խումբ փորձագետների, քաղաքական գործիչների ահազանգերը տեղ չհասան:

Երբ Ադրբեջանն ու Թուրքիան անթաքույց, ցուցադրաբար պատրաստվում էին պատերազմին, Փաշինյանի իշխանությունը զբաղված էր ընդդիմադիր գործիչների դեմ քրեական գործեր հարուցելով, Արցախն ազատագրած քաղաքական և զինվորական գործիչների դատավարությամբ: Կարող եք կրկին ուշադրություն չդարձնել Կարսի զորավարժություններին: Կարող եք կառչած մնալ իշխանությունից: Կարող եք շարունակել խաբել հանրությանը, բայց դրանից իրականությունը չի փոխվում, Հայաստանի գլխին կանգնած վտանգը չի մեղմվում։ Կարսը Գյումրիից հեռու է ընդամենը 65 կմ-ով, իսկ Կարսի գավառը՝ իլը, Շիրակի մարզից բաժանում է ընդամենն Ախուրյան գետը։ Եվ չնայած այս փաստին, վարչախումբը Գյումրիում զբաղված է Վազգեն Մանուկյանի դեմ սադրանք կազմակերպելով։

Մաս երկրորդ. «Թուրքիայի գործակալի» վտանգը

Մի քանի օր է՝ ամբողջ Հայաստանը քննարկում է Արարատ Միրզոյանի մասին արված բացահայտումը։ Չկա մի տուն, որտեղ դա չքննարկվի։ Բայց պետական ինստիտուտների կողմից չկա համարժեք արձագանք: ԱԱԾ-ի հերքումը թերի էր. մեծ հաշվով, մեղադրանքը պետք է հերքեին թուրքական հատուկ ծառայությունները, քանի որ նրանց գործակալ լինելու մեջ էր Արարատ Միրզոյանը մեղադրվում։ Ի դեպ, Արարատ Միրզոյանը պատերազմի օրերին եղել է հրամանատարական բունկերում։ Ընդգծենք նաև, որ պաշտպանության նախարար Դավիթ Տոնոյանին այդ պաշտոնում առաջարկել է հենց Արարատ Միրզոյանը՝ 2018-ի հեղափոխության օրերին՝ ՖԲ-ով, հապճեպ, ափալ-թափալ, երբ դեռ իշխանության չէին եկել։

Մաս երրորդ. Շուշին հանձնողները դատում են Շուշին ազատագրողներին

Շարունակվում է «Մարտի 1»-ի գործով դատական աբսուրդը։ Պատերազմ հրահրողները, պատերազմն ամեն գնով չկանգնեցնողները, կապիտուլյացիայի խայտառակ հայտարարություն ստորագրողները, Շուշին և Հադրութը հանձնողները, Հայաստանի սահմանները զիջողները, 5 հազարից ավելի զոհերի և տասնյակ հազարից ավելի վիրավորների և հաշմանդամ դարձածների համար պատասխանատուներն ու մեղավորները դատում են Շուշին ազատագրողներին։ Պատերազմում խայտառակ պարտված իշխանությունը դատում է Ռոբերտ Քոչարյանին, Սեյրան Օհանյանին, Յուրի Խաչատուրովին։ Իսկ այս ամենին հետևում են Կարսում զորավարժությունների կազմակերպիչները։ Հետևանքները կարող են շատ ծանր լինեն։

Այս թեմայով Դավիթ Տոնոյանը կշարունակի մնալ կալանքի տակ. դատարանը մերժել է միջնորդությունը Կառավարությունը հաստատեց Դավիթ Գյուրջինյանին Բրյուսովի համալսարանի ռեկտորի պաշտոնում Դավիթ Ամալյանը՝ իշխանությունների, նրան սատարողների ու լափամանի համար կռիվ անողների մասին «Ապրելու ուժ տվեց Դավիթիս երազանքի իրականացումը՝ Դադիտան կառուցումը». Դավիթ Ուզունյանն անմահացել է հոկտեմբերի 1-ին Եղնիկներում. «Փաստ» Միրզոյանն ու Խալեդ ալ-Էնանին մտքեր են փոխանակել համագործակցության հեռանկարների շուրջ (տեսանյութ) «Ժողովուրդ». Արտասովոր խառնաշփոթ դատարանում. Արարատ Միրզոյանի դատն է եղել Հայաստանը սահմանազատման բանակցություններում կարող է առաջնորդվել միայն լեգիտիմության հիմքերի վրա. Միրզոյան (տեսանյութ) Ազատություն Բաքվի բանտերում ապօրինաբար պահվող բոլոր հայ պատանդներին. Դավիթ Խաժակյան (տեսանյութ) Միրզոյանը Մարտին Վասալին ներկայացրել է Հայաստանի և Ադրբեջանի միջև վերջին շրջանի քննարկումները Միրզոյանը չի մասնակցելու Մինսկում կայանալիք ԱՊՀ ԱԳ նախարարների խորհրդի նիստին․ խոսնակ