Ես չեմ հրաժարվի ժեխ բառն օգտագործելուց․ Նաիրա Զոհրաբյան

Ես հասկանում եմ, որ երբեմն էմոցիաները խտանում են, իրավիճակներ են ստեղծվում, երբ չես կարողանում մնալ ադեկվատ լեքսիկոնի շրջանակում, բայց քաղաքական գործիչներից համար ինչքան էլ, որ սադրանքները լինեն անհանդուրժելի, պիտի չտրվենք սադրանքների։ Այս մասին այսօր՝ հունվարի 19-ին ԱԺ-ում լրագրողների հետ զրույցում ասաց «Բարգավաճ Հայաստան» խմբակցության պատգամավոր Նաիրա Զոհրաբյանն՝ անդրադառնալով օրերս «Հայրենիքի փրկության շարժման» վարչապետի թեկնածու Վազգեն Մանուկյանի հայտարարությունը, որով նա մի շարք գյումրեցիների հասցեին վիրավորական արտահայտություն էր թույլ տվել՝ ասելով «բոմժ»։

Ի դեպ, Վազգեն Մանուկյանի հայտարարությանն արձագանքել էր նաեւ ԲՀԿ ղեկավար Գագիկ Ծաուկյանը, ով եւս քննադատել էր այդ։

Հարցին, թե Դուք այլեւս «ժեխ» բառը չեք օգտագործելո՞ւ,  Նաիրա Զոհրաբյանն ասաց. «Ես չեմ հրաժարվի ժեխ բառն օգտագործելուց, իմ կոնտեքստն այլ է եղել, ես ասել եմ՝ բոլոր նրանք, ովքեր արդարացնում են դավաճանությունը, ովքեր ասում են, որ լավ է եղել, որ 5000 եւ ավելի երեխա է սպանվել, ժեխ են»։

Անդրադառնալով ռազմագերիների վերադարձման հարցին,  Նաիրա Զոհրաբյանն արձանագրեց, որ ստեղծվել է այնպիսի իրավիճակ, երբ Ադրբեջանը հրաժարվում է վերադարձնել մեր ռազմագերիներին։

«Նոյեմբերի 9-ից հետո գերեվարվածներին նրանք համարում են դիվերսանտներ եւ միջազգային բոլոր կառույցները ողողել են հայտարարություններով, որ նրանք ահաբեկիչներ են, ոչ թե ռազմագերիներ ու իրենք հակաահաբեկչական գործողություններ անելիս են նրանց գերեվարել, եւ ես չեմ տեսնում, որ մեր Արտաքին գործերի նախարարությունը կամ որեւէ կառույց բացի ՄԻՊ գրասնեյակից՝ ադեկվատ կարողանա գործել ստեղծված իրավիճակում»,- ասաց Զոհրաբյանը։

Ըստ ԲՀԿ-ական պատգամավորի՝ հունվարի 11-ի Մոսկվայի հանդիպումը Հայաստանի համար շանս էր, որպեսզի գերիների հարցը լուծվեր, բայց չհաջողվեց։

«Ես առավել քան վստահ եմ, որ եթե Նիկոլ Փաշինյանը կտրուկ եւ չոր նախապայման դներ ռազմագերիների հարցով, եւ ասեր, որ մինչեւ չվերադարձնեն ռազմագերիներին, ու չստորագրեր Ադրբեջանի համար կենսական նշանակության այդ թուղթը, Ադրբեջանը կգնար այդ տարբերակին եւ այդ նախապայմանը կընդունվեր»,- ասաց նա։

Այս թեմայով Նաիրա Պետրոսյանը որոնվում է որպես անհետ կորած Առաջիկայում շատ լուրջ քաղաքական գործընթացներ են սպասվում․ Նաիրա Զոհրաբյան Արևմտյան դեմոքրսիի լայն ապտակը Նիկոլին․ Նաիրա Զոհրաբյան Նիկոլն իր թիմակիցներին ասաց՝ դուք զրո եք, ոչինչ չեք որոշում. Նաիրա Զոհրաբյան «Չեմ զարմանա, որ մի սիրուն օր էլ Նիկոլն ինքը հարցնի՝ «всё-таки, ո՞վ բերեց Նիկոլին»․ Նաիրա Զոհրաբյան «Ոչ մեկդ չեք մարսելու». Նաիրա Զոհրաբյանը՝ Աշոտյանի գործով նիստի ժամանակ (տեսանյութ) Քաղաքական նեխահոտը պետք է փոխվի քաղաքական ռեստարտով․ անհրաժեշտ է ձևավորել երրորդ ուժ․ Նաիրա Զոհրաբյան Արմեն Աշոտյանին սպանում են. Նաիրա Զոհրաբյան Քիչ մարդիկ են իրենցից հետո ժպիտ թողնում. Նաիրա Զոհրաբյանը՝ Ռիտա Սարգսյանի մասին Մարդասպանները, ռեցեդեվիստներն ազատվելու են բանտից՝ Սյունիքում բնակություն հաստատելու դիմաց