«Ժողովուրդ». Քարվաճառի ճանապարհով Արցախ մեկնելը պետք է հնարավոր լինի. շրջափակումն անթույլատրելի է

«Ժողովուրդ» օրաթերթը զրուցել է ԱԺ անկախ պատգամավոր Թագուհի Թովմասյանի հետ:

–Տիկին Թովմասյան, Դրմբոն համայնքի բնակիչները երեկ բողոքի ակցիա էին կազմակերպել` պահանջելով հնարավորություն տալ Վարդենիս-Մարտակերտ ճանապարհահատվածից օգտվել:

Դուք, լինելով Գեղարքունիքի մարզից ընտրված պատգամավոր, ինչ տեղեկություն ունեք, ի՞նչ է կատարվում եւ ի՞նչ հնարավորություններ կան` Քարվաճառի ավտոճանապարհի վերագործարկման մասով:

– Անկեղծ ասեմ` ինձ շատ ոգեւորեց արցախցիների այդ քայլը, քանի որ մարդիկ, հետեւելով նոյեմբերի 9-ին ստորագրված փաստաթղթի տրամաբանությանը, պահանջում են Արցախի ապաշրջափակում: Եթե մենք պատերազմից հետո խոսում ենք շրջափակումը վերացնելու, ազատ տնտեսական հարաբերությունների հնարավորությունների մասին, ուրեմն պետք է Արցախը եւս շրջափակումից դուրս գա ու չմնա միայն Լաչինի նեղլիկ միջանցքի հույսին:

Ասեմ, որ Վարդենիսում եւ հարակից համայնքներում, Ճամբարակում, Մարտունիում կան բազմաթիվ մարդիկ, որոնք աշխատում են Արցախում ինչպես հանքարդյունաբերության (այդ թվում եւ Դրմբոնում գտնվող հանքավայրի), այնպես էլ շինարարության ոլորտում եւ հիմա ստիպված են լինում իրենց աշխատանքի վայրը հասնելու համար նախկին մոտ 80 կմ ճանապարհի փոխարեն կտրել մի քանի հարյուր կիլոմետր` Գորիսի-Լաչին հատվածքով Արցախ հասնելու համար:

Շատերն են ինձ ասում` ի՞նչ անենք տիկին Թովմասյան, մե՞նք էլ դնենք ուրիշ ճանապարհներ փակենք, որ մեր ձայնը լսեն: Ես խնդրել եմ իմ հայրենակիցներին` կտրուկ քայլերի չդիմել, սպասել, քանի որ ինքս հարցը քննարկել եմ ամենաբարձր մակարդակով եւ սպասում եմ արձագանքների:

– Դուք հավատո՞ւմ եք, որ հնարավոր կլինի գործարկել Արցախի Վարդենիս-Մարտակերտ ավտոճանապարհը:

– Անձամբ ես ընթերցելով հրադադարի ու մեր հայրենիքի մի մասը խաղաղ պայմաններում Ադրբեջանին հանձնելու փաստաթուղթը՝ մարդկային ողբերգություն եմ ապրել ու չեմ հավատացել, որ այլեւս հնարավոր կլինի ինչ որ բան փոխել: Բայց երբ նոյեմբերի 10-ից հետո հանդիպեցի ՀՀ վարչապետի, ՀՀ նախագահի, ՀՀ-ում Ռուսաստանի դեսպանի եւ այլ բարձրաստիճան պաշտոնյաների հետ, անխտիր բոլորի մոտ բարձրաձայնել եմ Քարվաճառի ավտոճանապարհի գործարկման օրհասական անհրաժեշտությունը:

Ու պնդել եմ, որ եթե կա թեկուզ մի կետ, որից մենք կարող ենք օգտվել ու ապաշրջափակել Արցախը, պարտավոր ենք դրա մասով անհապաղ սկսել երկխոսություն երկկողմ, եռակողմ ձեւաչափով:

Այդ ավտոճանապարհը պետք է գործի թեկուզ ռուս խաղաղապահների ուղեկցությամբ: Նրանց դերը Արցախի անվտանգության ու Արցախ մեկնողների անվտանգության երաշխավորման հարցում խիստ կարեւոր է»:

Այս թեմայով Միջազգային քրեական դատարանը մեկ շաբաթից զեկույց կներկայացնի Արցախում Ադրբեջանի ցեղասպանության վերաբերյալ Սա շրջափակում չէ, սա ցեղասպանություն է․ պահանջում ենք՝ աշխատել արցախցի փոքրիկների հարցով․ Ալավերդյան Ոչ մի շրջափակում ի զորու չէ կոտրել մեր կամքը, ստիպել, որ դադարեցնենք մեր ծրագրերը․ Ռուբեն Վարդանյան Արցախի շրջափակման պատճառով 5100 մարդ կորցրել է աշխատանքը Արցախցիները Մարտակերտում փակել են ճանապարհը` թույլ չտալով թշնամուն Ակնայից գնալ Քարվաճառ․ Գագիկ Հարությունյան Հանձնվողին ոչ ոք չի օգնում, բայց շրջափակում են. Տարոն Սիմոնյան Իմ տեսած ու եղած խելքը գլխին երկրներում վթարների վայրերը ոստիկաններն անմիջապես շրջափակում են, որ ով ասես քիթը չխոթի Շենք չենք շրջափակում, թող պատգամավորները մտնեն՝ հարցեր ուղղեն նախարարներին. Սաղաթելյան Ադրբեջանի ԶՈՒ ԳՇ պետը Քարվաճառում ստուգել է զորամասերի մարտական ​​պատրաստվածությունը (լուսանկարներ) Ադրբեջանի Պաշտպանության նախարար Զաքիր Հասանովն այցելել է Քաշաթաղ և Քարվաճառ (լուսանկարներ)