Ադրբեջանը հրավիրվել է G-20 գագաթնաժողովին Իտալիայի կողմից. Նիկոլը, ԱԳՆ-ն լռում են. Միքայել Մինասյան

Միջազգային ահաբեկիչների ներգրավմամբ Արցախում հերթական պատերազմ սանձազերծած ագրեսորը, հազարավոր կորած և խեղված կյանքերի համար պատասխանատու ռազմական հանցագործը՝ Ադրբեջանը, հրավիրվել է G-20 գագաթնաժողովին։ Հրավիրվել է՝ ուշադրություն՝Իտալիայի կողմից: Իտալիան, որը G20-ում իր նախագահության ընթացքում ինքն է ընտրում եւ գագաթնաժողովին հրավիրում իր համար կարեւոր պետություններին: Իտալիայի՝ երբեմնի Հայաստանի բարեկամ երկրներից մեկի, կողմից։ Որը միշտ մեր կողքին էր, և վշտի մեջ, և՝ ուրախության։ Այս մասին ՀՀ նախկին դեսպան Միքայել Մինասյանը գրում է Տելեգրամ ալիքում:

Որը Հայաստանին վերաբերող հարցերում առնվազն հավասարակշռված մոտեցումներ ուներ։ Հրավիրելով արյան մեջ թաթախված Ադրբեջանին G-20-ի գագաթաժողովին՝ Իտալիան նույնիսկ չէր էլ անհանգստանում ապահովել հավասարության սկզբունքը՝ գագաթնաժողովին հրավիրելով նաև Հայաստանին։ Նիկոլը, ԱԳՆ-ն, պաշտոնական գործիչները, և ընդհանրապես ողջ հասարակությունը ձևացնում են, թե ոչ մի սարսափելի բան տեղի չի ունեցել։ Մենք որոշեցինք, որ ամեն ինչ ետևում է և նոր առաջնայնություններ դրեցինք, այնպես որ, օրինակ, իտալացիներն ինչո՞ւ պետք է լինեն Հայաստանի ավելի մեծ հայրենասերներ, քան մենք՝ հայերս։

Վերը ասվածը հերթական վառ երևույթն է, և դրանից էլ ավելի դառը, ապացույցն է այն բանի, որ մեր դիվանագիտությունը, արտաքին քաղաքականությունը և պետական ինստիտուտները ջախջախված են և անգործունակ։ Նիկոլիզմը ներսից փլուզեց մեր պետությունը և զրոյացրեց Հայաստանի ազդեցությունը նրա սահմաններից դուրս։ Մենք կորցնում ենք արժանապատվությունը, մեր վրա սրբում են ոտքերը։ Եվ քանի դեռ մենք թույլ ենք տալիս, որ այդ դավաճանները ներկայացնեն Հայաստանը, աշխարհի արձագանքը չի կարող լինել (և չի էլ լինի) այլ։

Քանի դեռ մենք ինքներս մեզ չենք հարգում, ուրիշները մեզ հարգելու առիթ չունեն։

Այս թեմայով Ադրբեջանը կանգ չի առնում, որովհետև կա անպատժելիության մթնոլորտ․ Ժան- Լյուկ Մելանշոն Արհեստածին Ադրբեջանը ստեղծել են, որպեսզ շարունակեն և ավարտեն հայերի ցեղասպանությունը Օսմանյան Թուրքիայից դուրս. Լարիսա Ալավերդյան (տեսանյութ) Սա երբևէ ամենախայտառակ տեքստն էր Ցեղասպանության օրվա առթիվ` արված Հայաստանի ղեկավարի կողմից. թուրքագետ Հայատան-Ադրբեջան շփման գծի մի փոքր կտոր դարձավ բոլորի կողմից ճանաչված սահման. Իոանիսյան ՈՒՂԻՂ․ Գնդապետ Միհրան Մախսուդյանը հրավիրվել է ՔԿ Հայոց ցեղասպանության թանգարան-ինստիտուտը խորապես ուսումնասիրում է Ադրբեջանի կողմից արցախահայության դեմ ուղղված բռնությունները Ադրբեջանը Ռուսաստանի մեծ բարեկամն ու դաշնակիցն է. Պեսկով Դեռ ժամանակ կա, շատ բան կարող է փոխվել. ՀԱՊԿ գլխավոր քարտուղարը՝ գագաթնաժողովին Փաշինյանի մասնակցության մասին Ովքեր և ինչու ողջունեցին կամ չողջունեցին Տավուշում Հայաստանի կողմից զիջումների գնալու որոշումը. Անդրանիկ Թեւանյան Իշխանության կողմից մեծաքանակ կեղծ լուրերի դաշտ նետելը ցույց է տալիս իրենց ներսում առկա խորը մտահոգությունը. Աբրահամյան