«Զանգեզուրի պղնձամոլիբդենային կոմբինատ»-ը վնասով չի աշխատում. ՊԵԿ հերքումը

Պետական եկամուտների կոմիտեն, մետաղական հանքարդյունաբերության ոլորտում թույլտվություն ստացած հարկ վճարողների գործունեության վերաբերյալ վերջին շրջանում ՀՀ Ազգային ժողովում և ԶԼՄ-ներում լայն հնչեղություն ստացած հրապարակումների առնչությամբ, անհրաժեշտ է համարում հայտնել հետևյալը.

«Հանքարդյունաբերության ոլորտում գործունեության թույլտվություն ունեցող 28 հարկ վճարողներից տվյալ ոլորտում փաստացի ակտիվ գործունեություն են ծավալում 2019 թվականին՝ 8, իսկ 2020 թվականին՝ 9 հարկ վճարողներ:

Չնայած այն հանգամանքին, որ նշված տնտեսվարող սուբյեկտներից ոչ բոլորն են աշխատում շահույթով, սակայն հանքարդյունաբերական գործունեությամբ զբաղվող ակտիվ (փաստացի գործունեություն իրականացնող) հարկ վճարողները 2018 թվականին հայտարարագրել են բոլոր հարկ վճարողների կողմից հայտարարագրված շահութահարկի 10,9, իսկ 2019 թվականին՝ 11,1 տոկոս շահութահարկի գումար: Իսկ 2020 թվականի համար տվյալներ չեն ներկայացվել, քանի որ նախորդ տարվա շահութահարկի հաշվարկը հարկ վճարողները ներկայացնում են մինչև 2021թ. ապրիլի 20-ը ներառյալ: Հաշվի առնելով այդ հանգամանքը, այս պահի դրությամբ շահութահարկի հաշվարկ ներկայացրել է միայն մեկ հարկ վճարող:

Ինչ վերաբերում է «Զանգեզուրի պղնձամոլիբդենային կոմբինատ» ՓԲԸ-ի վերաբերյալ ԶԼՄ-ների հրապարակումներին՝ ՊԵԿ-ն անհրաժեշտ է համարում տեղեկացնել, որ ընկերությունն ինչպես 2018 թվականին, այնպես էլ 2019թ. հանդիսացել է հանրապետության ամենամեծ շահութահարկի գումար հայտարարագրած հարկ վճարողը: Հետևաբար, ենթադրությունները, որ ձեռնարկությունն աշխատում է վնասով, չեն համապատասխանում իրականությանը»:

Այս թեմայով Հայաստանում «Զանգեզուր» անունով տարածք չկա, մենք Ադրբեջանին «միջանցքի» համաձայնություն չենք տալու Կովկասյան ընձառյուծը նկատվել է «Զանգեզուր» կենսոլորտային համալիրում (տեսանյութ) Սյունյաց լեռների պահապանը. «Զանգեզուր» կենսոլորտային համալիր»-ի տարածքում արձանագրվել է Կովկասյան ընձառյուծ (տեսանյութ) Սյունյաց լեռների պահապանը. «Զանգեզուր» կենսոլորտային համալիրում արձանագրվել է Կովկասյան ընձառյուծ «Զանգեզուր» արգելավայրում տեսախցիկը Հայկական մուֆլոնների է ֆիքսել Հաջորդ քայլով փախստականների են բերելու ու «Արևելյան Զանգեզուր» հայտարարեն. Արամ Օրբելյան Ալիևը կարծում է, որ Հայաստանն ի վիճակի չէ արգելափակել «Զանգեզուրի միջանցքը» «Զանգեզուր» պետական արգելավայրում կրկին արձանագրվել են հայկական մուֆլոններ «Զանգեզուր» արգելավայրում միասին նկատվել են հայկական մուֆլոններ և բեզոարյան այծեր Ադրբեջանցի պատգամավոր Գուդրաթ Հասանգուլիևն առաջարկել է խաղատներ բացել «Ղարաբաղում և Զանգեզուրում»