Մեծ Բրիտանիայի լորդերի պալատի անդամները հանդես են եկել հայտարարություններով՝ հաջակցություն Արցախի

Հունվարի 19-ին Մեծ Բրիտանիայի Լորդերի պալատում բանավոր հարցեր են հնչել Լեռնային Ղարաբաղի հակամարտության վերաբերյալ, որտեղ լորդերը հանդես են եկել՝ ի պաշտպանություն Արցախի՝ դեմ արտահայտվելով Ադրբեջանի կողմից իրականացվող ցեղասպանությանը, մշակույթի օբյեկտների ոչնչացումներին,  ռազմական հանցագործություններին, ռազմագերիների դեմ բռնությանը և այլն: Այս մասին հաղորդում է Tert.am-ը` վկայակոչելով Մեծ Բրիտանիայի Հայ դատի հանձնախմբի տարածած հաղորդագրությանը:

Առաջին հերթին, ի պաշտպանություն Արցախի, հանդես է եկել հայ ժողովրդի մեծ բարեկամ՝ բարոնուհի Քերոլայն Քոքսը:

«Գիտեք արդյո՞ք, որ չնայած հրադադարի ռեժիմին, դեռ կան հաղորդումներ ադրբեջանական ուժերի կողմից հայ ռազմական և քաղաքացիական գերիների դեմ կատարվող վայրագությունների մասին:

Իմ այցի ընթացքում և դրանից հետո ես տեսել եմ խեղումների, խոշտանգումների և սպանությունների տեսանյութեր և լուսանկարներ. այնտեղ հայերի գլխատումներ են իրականացվում: Լսել եմ, թե ինչպես են ադրբեջանցիները գերիներից վերցնում հեռախոսները, նկարահանում նրանց խոշտանգումներն ու սպանությունները և ուղարկում նրանց ընտանիքներին:

Արդյո՞ք Նորին մեծության կառավարությունը կգործի վճռականորեն՝ ապահովելու համար, որ Ադրբեջանը պատասխանատվություն կրի կատարված և լավ փաստաթղթավորված ոճրագործությունների համար, թե՞ Ադրբեջանին թույլ կտան շարունակել անպատժելիությունը», - մտահոգվել է նա:

Բարոնուհի Իթոնն իր հերթին է բարձրացրել արցախցիների ցեղասպանության հարցը.

«Համաձայն Genocide Watch-ի՝ նոյեմբերին լույս տեսած «ցեղասպանության գործընթացի 10 փուլերի»՝ Ադրբեջանն արդեն հասել է 9-ին, այն է՝ ոչնչացման, և 10-րդ-ին՝ հերքման: Ի՞նչ քայլեր է ձեռնարկելու Նորին Մեծության կառավարությունը վերջին պատերազմում Ադրբեջանի ցեղասպանական քաղաքականության զոհերին պաշտպանելու և նրանց մասին հոգ տանելու պարտականությունը կատարելու համար»,- հարցրել է նա:

Քովենթրիի լորդ եպիսկոպոսն էլ անդրադարձել է Արցախի մշակութային ժառանգության թեմային:

«Ինչպես արդեն նշվել է, հազարավոր հայկական հուշարձաններ և մշակութային ժառանգության օբյեկտներ այժմ գտնվում են Ադրբեջանի վերահսկողության տակ, ներառյալ հնագույն եկեղեցիները, վանքերը և հուշարձանային կառույցները: Կան ապացույցներ, որ Ադրբեջանն արդեն սկսել է հերքել այդ վայրերի հայկական ժառանգությունը: Ի՞նչ քայլեր է ձեռնարկում կառավարությունը`ՅՈՒՆԵՍԿՕ-ին աջակցելու համար ամենանշանակալի մշակութային հուշարձանների գույքագրում իրականացնելու հարցում, և արդյո՞ք բանակցություններ վարվել են Ադրբեջանի հետ` 1954 թ.-ին կնքված Հաագայի՝ զինված բախումների հետևանքով մշակութային արժեքների պաշտպանության մասին կոնվենցիային համապատասխան իր պարտավորությունների վերաբերյալ»,- շեշտել է հոգևորականը:

Այս թեմայով Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար Օկուպացված Քաշաթաղի շրջանում գտնվող Զորախաչ եկեղեցին՝ ադրբեջանական թիրախում Օկուպացված Արցախում բանվորներ տեղափոխող միկրոավտոբուս է շրջվել․ կա 9 վիրավոր