Արցախի խորհրդարանը հավանություն է տվել նոր նախարարության ստեղծման օրինագծին

Արցախի խորհրդարանը հունվարի 22-ին քվեարկել և ընդունել է օրենք համաձայն որի Արցախի Հանրապետության արտակարգ իրավիճակների պետական ծառայությունը և ոստիկանությունը ներառելու են  մեկ միասնական մարմնի՝ Ներքին գործերի նախարարության կազմում. այս մասին տեղեկացնում են Ազգային ժողովից:

Խորհրդարանի հունվարի 22-ի արտահերթ նիստում ի թիվս օրակարգային այլ հարցերի, քննարկվել է  «Արցախի Հանրապետության արտակարգ իրավիճակների պետական ծառայության մասին» օրենքում փոփոխություններ կատարելու մասին», «Ոստիկանության մասին» օրենքում փոփոխություններ և լրացումներ կատարելու մասին» և «Ոստիկանությունում ծառայության մասին» օրենքում փոփոխություններ և լրացումներ կատարելու մասին» օրենքների նախագծերի փաթեթը:

 Արցախի Հանրապետության Նախագահի պաշտոնական ներկայացուցիչ, արդարադատության նախարար Կարեն Դանիելյանի խոսքով՝ օրենքի նախագծի փոփոխությունը պայմանավորված է 2020 թվականի պատերազմական գործողություններից հետո ստեղծված իրավիճակում պետական կառավարման համակարգի օպտիմալացման և արդյունավետության ու հաշվետվողականության բարձրացման հետ:

«Օրինագծով նաև  առաջարկվում է, որպեսզի  Արցախի Հանրապետության արտակարգ իրավիճակների պետական ծառայության,  ոստիկանության անմիջական ղեկավարումն իրականացնեն համապատասխանաբար՝  արտակարգ իրավիճակների պետական ծառայության տնօրենն ու ոստիկանության պետը, իսկ ընդհանուր ղեկավարումը՝ Արցախի Հանրապետության ներքին գործերի նախարարը:

Նախքան հարցի քվեարկությանն անցնելը «Հայ հեղափոխական դաշնակցություն» խմբակցության ղեկավար Արթուր Մոսիյանը   հայտարարել է, որ խմբակցությունը դեմ է քվեարկելու օրինագծերի փաթեթին, իսկ Արցախի ժողովրդավարական կուսակցություն» խմբակցության ղեկավար Գեղամ Ստեփանյանը հայտարարել է, որ խմբակցությունը ձեռնպահ է քվեարկելու:

Նոր նախարարության ստեղծման վերաբերյալ օրինագիծը Արցախի խորհրդարանն ընդունել է  16 կողմ, 4 դեմ, 8 ձեռնպահ ձայների հարաբերակցությամբ:

Այս թեմայով Ղրղզստանի նախագահն ու Ալիևը կայցելեն օկուպացված Արցախ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար