Սուրեն Պապիկյանը ներկայացրել է Շիրակի նորանշանակ մարզպետին

ՀՀ տարածքային կառավարման և ենթակառուցվածքների նախարար Սուրեն Պապիկյանը Շիրակի մարզպետարանում մարզպետարանի աշխատակազմին, համայնքապետերին, ԱԺ պատգամավորներին, հանրապետական գործադիր մարմինների տարածքային կառույցների ներկայացուցիչներին է ներկայացրել Շիրակի նորանշանակ մարզպետ Հովհաննես Հարությունյանին: Հանդիպման մասնակիցները մեկ րոպե լռությամբ հարգել են պատերազմում զոհված հայ քաջորդիների հիշատակը։

 ՀՀ տարածքային կառավարման և ենթակառուցվածքների նախարարը շնորհակալություն է հայտնել նախկին  մարզպետ Տիգրան Պետրոսյանին բարեխիղճ աշխատանքի համար և ներկաների ուշադրությունն է հրավիրել այն հանգամանքի վրա, որ նորանշանակ մարզպետն իր պաշտոնը ստանձնում է երկրի և մարզի համար մարտահրավերներով լի ժամանակաշրջանում: «2020 թ․ իրադարձությունները որոշակի փոփոխություններ պետք է մտցնեն մի շարք հարցերում խնդիրների լուծման նկատմամբ մեր մոտեցումներում: Այս դժվարին փուլում առաջնահերթ է մարզում միասնության, համերաշխության մթնոլորտի ձևավորումը: Առաջիկայում այս ուղղությամբ կարևոր անելիքներ ունենք»,-ընդգծել է նախարար Պապիկյանը:

Նախարարն առանձնահատուկ երախտագիտությամբ կարևորել է Շիրակի բնակչության և համայնքապետերի դրսևորած հայրենանվեր վարքագիծը ռազմաճակատում և թիկունքում տարվող աշխատանքներում:

Իր խոսքում նախարար Պապիկյանն անդրադարձել է նաև 2020 թ. մարզում իրականացված աշխատանքներին և 2021 թ․ ենթակառուցվածքների վերականգնման ուղղությամբ սպասվող աշխատանքներին: Նախարարը հաջողություն է մաղթել Հովհաննես Հարությունյանին մարզում մեկնարկած բարեփոխումների շարունակականությունն ապահովելու հարցում:

Շիրակի նորանշանակ մարզպետ Հովհաննես Հարությունյանը շնորհակալություն է հայտնել բարձր վստահության համար և նշել, որ ամեն ինչ անելու է հարազատ մարզի առջև ծառացած հիմնահարցերի լուծման ուղղությամբ․ «Հարգելի ներկաներ, պարոն նախարար, ԱԺ պատգամավորներ, համայնքապետեր, պետական մարմինների ղեկավարներ, ողջունում եմ Ձեզ, ինձ համար պատիվ է նման բարձր վստահության արժանանալ։ Նախ ուզում եմ խոնարհվել մեր հերոսների հիշատակի առջև, շուտափույթ առողջացում եմ մաղթում մեր վիրավորներին, իսկ գերիներին՝ բարի վերադարձ։ 2020 թվականն իրապես ծանր տարի էր, հիմա մենք լուրջ խնդիրների առաջ ենք կանգնած, դրանց լուծման ճանապարհները մենք պետք է համատեղ աշխատանքով գտնենք։ Ակնկալում եմ համագործակցություն և այդ դեպքում վստահ եմ, որ կհասնենք այն օրվան, որ ինչքան էլ 2020-ը ցավոտ մնա պատմության մեջ, 2021 ու հաջորդող տարիները կլինեն զարգացման ու վերածննդի տարիներ»։

Այս թեմայով Porsche-ն ներկայացրել է ավելի քան 15 000 դոլար արժողությամբ էլեկտրական հեծանիվ (լուսանկարներ) Սարգիս Խանդանյանն ընդունել է մեր երկրում Հարավային Աֆրիկայի նորանշանակ դեսպանին Արթուր Մարտիրոսյանը ներկայացրել է ՀՀ-ում իրականացվող բարեփոխումները Պապիկյանը հետևել է ԶՈՒ բարձրագույն և ավագ սպայական կազմերի ատեստավորման գործընթացի կրակային պատրաստության քննությանը Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան ԲՏԱ նախարարն այցելել է «Հայաստանի հեռուստատեսային և ռադիոհաղորդիչ ցանց», ներկայացրել նորանշանակ գլխավոր տնօրենին Սուրեն Պապիկյանը հետևել է զինծառայողների ֆիզիկական պատրաստություն առարկայի քննությանը ՔԿ-ն մանրամասներ է ներկայացրել ՊՆ մեքենայի՝ մահվան ելքով վթարից Սուրեն Պապիկյանը հետևել է սպաների շարային և ֆիզիկական պատրաստության ստուգման գործընթացին Պապիկյանը տեսակցել է ապրիլի 12-ին վթարի հետևանքով մարմնական վնասվածքներ ստացած զինծառայողներին