Ալիևը կարողացավ օգտվել Հայաստանի իշխանությունների թույլ տված ողբերգական սխալներից․ Le Monde

Նոյեմբերի 9-ին ունեցած հաղթանակից հետո, որը ձեռք բերվեց 44-օրյա մարտերից հետո, Իլհամ Ալիևի ժպիտը չի հեռանում դեմքից: Երկար ժամանակ չվայելելով համաժողովրդական սեր, 2003 թվականին իշխանություն ժառանգելով իր հորից և ապրելով շքեղության մեջ՝ նա վայելում է այս անձնական, համբերատարորեն նվաճած հաղթանակը: 2005 թվականից սկսած՝ նա ադրբեջանական նավթադոլարները վերածեց ռուսական, իսրայելական և թուրքական զենքի՝ անօդաչու թռչող սարքերի, զրահամեքենաների և էլեկտրոնային պատերազմի համակարգերի մեծածավալ մատակարարումների՝ շատ ավելի ժամանակակից, քան Հայաստանին հասանելի կարող էր լինել, գրում է Le Monde֊ն։

«Ալիևը կարողացավ օգտվել Հայաստանի իշխանությունների թույլ տված ողբերգական սխալներից, մասնավորապես, 2020 թվականի հուլիսին, երբ ՀՀ վարչապետ Նիկոլ Փաշինյանը Շուշիում ասաց. «Ղարաբաղը Հայաստան է, և վերջ»՝ առաջացնելով ադրբեջանական հասարակության զայրույթը: Ալիևը նաև հմտորեն օգտվեց ԱՄՆ նախագահի նախընտրական արշավի համաշխարհային ուշադրության կենտրոնում լինելուց:

Միևնույն ժամանակ, Թուրքիան, հաղթահարելով Ռուսաստանի հանդեպ վախը, առաջին անգամ իր ռազմական օգնությունն առաջարկեց Ադրբեջանին, որի շնորհիվ ձեռք բերվեց օդային առավելություն: Տեղում, իր հերթին, Անկարայի կողմից վարձված սիրիացի վարձկանների օգտագործումը հայկական ճակատը ճեղքելու համար՝ որպես թնդանոթի կեր էր ծառայում Բաքվի համար: Այնուամենայնիվ, Ալիևը կատարեց իր  հիմնական խնդիրը՝ ավարտվեց Հայաստանի ռազմական գերազանցության առասպելը: 

Տարածքը զավթելուց հետո հայաֆոբիան արդեն մշակութային յուրացման տեսք է ստացել: Ադրբեջանի մշակույթի նոր նախարար Անար Քարիմովը քարոզարշավ է իրականացնում Լեռնային Ղարաբաղում քրիստոնեական ժառանգության հայկական ծագումը ժխտելու համար: Ըստ պաշտոնական վարկածի՝ բոլոր եկեղեցիներն ու վանքերն իբր կառուցվել են «Կովկասյան Ալբանիա» կոչվող հնագույն թագավորության կողմից, որն անհետացել է 8-րդ դարում: Այս ժառանգությունը, ըստ Բաքվի, իրավացիորեն պատկանում է ուդիններին՝ քրիստոնեական էթնոսին, որը կազմում է շուրջ 4 հազար մարդ Ադրբեջանում: Նրանց քրիստոնեական հավատքը թույլ է տալիս ռեժիմին խուսափելու մեղադրանքներից, թե իբր «կրոնական պատերազմ» է մղում: Պաշտոնյաները, պատմաբանները և իշխանություններին մոտ կանգնած լրագրողները հայերին անվանում են խաբեբաներ և առասպելագործներ: Արտասահմանում գտնվող ոչ մի պատմաբան չի հաստատում այս տեսությունը, և, այդպիսով, ռեժիմը միայն կարող է խորացնել իր մեկուսացումը միջազգային ասպարեզում:

Մեկ այլ տագնապալի ազդանշան է այն, որ 2021 թվականի փետրվարի 1-12-ը Ադրբեջանի և Թուրքիայի միջև համատեղ զորավարժություններ պետք է անցկացվեն Թուրքիայի սահմանին գտնվող Կարս նահանգում: Սրանք երկու երկրների կողմից երբևէ անցկացված ամենակարևոր զորավարժություններն են, գրում է պարբերականը։

Այս թեմայով Ալիևը նորից «Զանգեզուրի միջանցք» է պահանջել Ադրբեջանը չի կարող ձեռքերը ծալած սպասել, մինչ Ֆրանսիան, Հնդկաստանը և Հունաստանը զինում են Հայաստանին․ Ալիև Հայկական կողմը համաձայնել է ԼՂ-ի մասին դրույթ խաղաղության համաձայնագրում չներառել․ Ալիև Բաքուն համաձայնել Է Հայաստանի և Ադրբեջանի ԱԳ նախարարների հանդիպմանը. Ալիև Շատ բան է կախված մեր երկրների փոխգործակցությունից․ Ալիևը՝ Պուտինին ԱՄՆ մի խումբ կոնգրեսականներ Ալիևի վարչակազմի դեմ պատժամիջոցների օրինագիծ են ներկայացնում Բաքուն գոհ է, թե ինչպես են լուծվում տարածաշրջանում անվտանգության հարցերը․ Ալիևը՝ Պուտինին Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն