Պաշտպանեք լրագրողի աշխատանքը պատգամավորների միջամտությունից․ Սամսոնյանը դիմել է Միրզոյանին

«Սույն թվականի հունվարի 26-ին ԱԺ աշխատակազմը արգելել է «Yerevan Today» լրատվամիջոցի լրագրողին մուտք գործել Ազգային ժողով։ Լրագրող Սյուզի Բադոյանին տրամադրվել էր պատգամավորի գրությամբ անցաթուղթ վերջինիս հետ հարցազրույց իրականացնելու համար, որովհետև ԱԺ աշխատակազմը մերժել է հավատարմագրել լրագրողին «Իմ քայլը» պատգամավոր Հայկ Սարգսյանի հետ միջադեպից հետո։

Զանգվածային լրատվության մասին օրենքի համաձայն լրատվական գործունեություն իրականացնողները եւ լրագրողները գործում են ազատորեն՝ իրավահավասարության, օրինականության, խոսքի (արտահայտվելու) ազատության եւ բազմակարծության սկզբունքների հիման վրա:

Արգելվում է՝ լրագրողի մասնագիտական օրինական գործունեությանը խոչընդոտելը։ Ինչպես նաև՝ որեւէ մարմնում հավատարմագրված բոլոր լրագրողների համար աշխատանքի պայմանները պետք է լինեն նրանց աշխատանքին նպաստող եւ ոչ խտրական՝ ողջամտության սահմաններում:

Լրագրողների մասնագիտական գործունեությունը ունի նաև միջազգային իրավական պաշտպանություն, որը պարտավորություններ է ստեղծում պետական կառույցների համար։

ԶԼՄ Օրենքի Հոդված 6-ը հստակ ամրագրում է, որ լրագրողի հավատարմագրումը կարող է դադարեցվել նրան հավատարմագրման ներկայացրած լրատվական գործունեություն իրականացնողի դիմումով: Նշեմ նաև, որ պետական մարմիններում լրագրողների հավատագրման կարգը միայն տեխնիկական պահանջներ է ներկայացնում լրատվական գործունեություն իրականացնող իրավաբանական անձին հավատարմագրելու համար և լրագրողներին մերժելու կամ հաստատելու որևէ չափանիշներ նշված չեն և չեն կարող լինել։

Հետևաբար լրատվամիջոցի կողմից ներկայացված լրագրողին չհավատարմագրելը ոչ իրավաչափ որոշում է և պետք է անվավեր ճանաչվի։ Դիմում եմ ՀՀ ԱԺ նախագաh Արարատ Միրզոյանին՝ ապահովելու լրատվամիջոցների անխոչընդոտ գործունեությունը և պաշտպանելու լրագրողների աշխատանքը պատգամավորների ապօրինի միջամտությունից և կամայականություններից՝ պայմանավորված վերջիններիս խտրական և քմահաճ վերաբերմունքով։

ԱԺ նախագահին դիմել եմ նաև գրավոր։

Հարգանքով՝ ՀՀ ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահի տեղակալ ԱՆԻ ՍԱՄՍՈՆՅԱՆ»:

Այս թեմայով Ամոթ չունեն ճիշտ այնպես, ինչպես ամոթ չունի ռեժիմի պարագլուխը. Նարեկ Սամսոնյան Սամսոնյանի և Սաղաթելյանի պաշտպանները բողոքարկել են դատարանի որոշումը Մարդկանց 54%-ը կարծում է, որ ՀՀ-ում կան քաղբանտարկյալներ` Աշոտյան, Ասլանյան, Սամսոնյան Նարեկ Սամսոնյանի բաց նամակ-հարցումը Հայաստանում ԱՄՆ դեսպան Քրիստինա Քվինին Հայկական լեռնաշխարհը պատմականորեն եղել է համաշխարհային քաղաքակրթությունների խաչմերուկ. Խաչատուրյան (տեսանյութ) Նարեկ Սամսոնյանը կալանավորվեց 2 ամսով․ պաշտպան (տեսանյութ) Նարեկ Սամսոնյանին ձերբակալել են ազատ խոսքի իրավունքի համար (տեսանյութ) Նարեկ Սամսոնյանին կալանավորելու միջնորդությունը մակագրվել է Արտուշ Գաբրիելյանին Քիչ առաջ Արցախից Հայաստան եկող անցակետից ադրբեջանցիների կողմից գերեվարվել է գեներալ լեյտենանտ Լևոն Մնացականյանը. Նարեկ Սամսոնյան Փաշինյանների ընտանիքն իր ողջ կազմով, բացի նիկոլից, լքել են երկիրը. Նարեկ Սամսոնյան