Ադրբեջանցի փախստականների վերադարձ Արցախի վերահսկողության տակ գտնվող տարածքներ բացառվում է. Վահրամ Պողոսյան. 168.am

Արցախի կողմից վերահսկվող տարածքներում ադրբեջանցիների և արցախցիների համատեղ բնակեցման հնարավոր լինել-չլինելու շուրջ 168.am-ը զրուցել է Արցախի Հանրապետության նախագահի աշխատակազմի տեղեկատվության գլխավոր վարչության պետ Վահրամ Պողոսյանի հետ:

– Սոցցանցերում կրկին տեղեկություններ են շրջանառվում, որ Ստեփանակերտի հարակից բնակավայրեր հնարավոր է ադրբեջանցի փախստականների վերադարձ: Որքանո՞վ են իրականությանը համապատասխանում այդ լուրերը, արդյո՞ք քաղաքական օրակարգում նման հարց քննարկվում է:

– Բացարձակապես նման հարց չկա, և այդ մասին բոլոր ասեկոսեները քանիցս հերքվել են Արցախի իշխանությունների կողմից: Բայց կա տպավորություն, որ ոչ միայն ադրբեջանական կողմը, այլև ներքին ինչ-որ ապակառուցողական ուժեր հետևողական կերպով փորձում են հանրության մեջ խուճապ տարածել: Չենք բացառում նաև, որ նման աբսուրդ տեղեկատվական հոսքերն ուղղորդվում են ադրբեջանական հատուկ ծառայությունների կողմից: Ամեն դեպքում, այդ ապատեղեկատվության հարցն իշխանությունների ուշադրության կենտրոնում է, և Ազգային անվտանգության ծառայությունն այդ ուղղությամբ զբաղվում է:

– Այսինքն, կարո՞ղ ենք վստահ լինել, որ արցախցին չի ապրելու ադրբեջանցու հետ նույն քաղաքում և գյուղում:

– Հանրապետության նախագահի մակարդակով այդ հարցին արդեն տրվել է հստակ պատասխան. Արցախը երբեք Ադրբեջանի կազմում չի կարող լինել: Մենք շարունակելու ենք ռուսական խաղաղապահ զորակազմի անվտանգային երաշխիքներով կառուցել մեր անկախ պետականությունը: Իսկ ադրբեջանցի փախստականների վերադարձ մեր վերահսկողության տակ գտնվող տարածքներ պարզապես բացառվում է, և այդպիսի հարց մեզ հետ չի էլ քննարկվել:
Մենք շատ լավ հասկանում ենք դրա հետևանքները, և բացառվում է, որ Արցախի իշխանությունները նման բանի համաձայնվեն: Կրկնում եմ` նման հարց օրակարգում չկա և չի էլ կարող լինել, իսկ դիտավորյալ ապատեղեկատվություն տարածողները պարզապես զբաղված են հանցավոր գործունեությամբ:

Այս թեմայով Մինչ այս օդ կրակելու դեպքեր եղել են, սակայն ոչ դիրքերի ուղղությամբ, այսօր ունենք թիրախային կրակոց․ Վահրամ Պողոսյան. Tert.am Կարմիր շուկայի մասին ֆեյսբուքում տարածվող տեղեկատվությունը կեղծ է․ Վահրամ Պողոսյան Թե իբր Ադրբեջանի 12,024 քաղաքացի կբնակեցվի Ստեփանակերտում, բացարձակ հիմարություն է․ Վահրամ Պողոսյան Ղարաբաղում ռուսական խաղաղապահ առաքելության ընդլայնումը բխում է տարածաշրջանի անվտանգության շահերից․Վահրամ Պողոսյան Բաբայանը որոշել է հրաժարվել իր բաժին պատասխանատվությունից, ինչն առնվազն բարոյական չէ․ Վահրամ Պողոսյան. 168.am Քաշաթաղի և Շահումյանի շրջանների սիրելի՛ բնակիչներ, խնդրում եմ չհանել սեփական գույքը ձեր տներից. Վահրամ Պողոսյան Իմ էջը չեն կոտրել, դա իմ գրառումն է. Վահրամ Պողոսյան Շուշին թշնամու ճիրաններից փրկելու նպատակով շատերն արդեն Արցախ են շտապում. Պողոսյան Արայիկ Հարությունյանը քիչ հետո իր ֆեյսբուքյան էջով Շուշի քաղաքից հանդես կգա տեսաուղերձով. Վահրամ Պողոսյան Ադրբեջանի այն բնակիչներին, որոնց տներին մոտ են ռազմական օբյեկտները, հորդորում ենք հեռանալ. Պողոսյան