Ռոբերտ Քոչարյանի գլխավոր մեսիջները՝ քաղաքական դաշտի խաղացողներին

Երկրորդ նախագահ Ռոբերտ Քոչարյանի երեկվա ասուլիսը լայն ռեզոնանսի առիթ է հանդիսացել, հանրությունը քննարկում է այն հիմնական մեսիջները, որոնք շուրջ մեկ ու կես ժամանոց ասուլիսի ընթացքում փոխանցեց Քոչարյանը: Որոնք՞ են դրանք:

Նախ և առաջ Քոչարյանը ի վերջո ձևակերպեց իր քաղաքական հայտը. նա մասնակցելու է արտահերթ խորհրդարանական ընտրություններին, անկախ նրանից՝ կմնա Փաշինյանը, թե ոչ: Միակ հարցը, թերևս, այն է, թե ինչ քաղաքական պլատֆորմով է երկրորդ նախագահը պատրաստվում իրացնել իր քաղաքական հայտը: Նա չբացառեց 17+ ի մեջ մտնող քաղաքական ուժերի հետ համագործակցությունը, ինչպես և գրել էինք օրեր առաջ՝ դա հավանական է, քանի որ այդ 17+ ի մեջ կան քաղաքական ուժեր, որոնք պատրաստակամ կլինեն Քոչարյանի հետ մեկ ֆորմատով հանդես գալ:

Երկրորդ մեսիջը վերաբերվում էր պատերազմի պայմանավորված բնույթին: Ըստ էության, Քոչարյանը ակնարկում է, որ հենց այդպես էլ եղել է , ընդ որում՝ պայմանավորվածության մաս են կազմել ինչպես Հայաստանի, այնպես էլ Արցախի իշխանությունները:

Երրորդ մեսիջը՝ հարցազրույցի ընթացքում մի քանի անգամ հնչեց փող տարածքների դիմաց բանաձևը, իսկ մենք գիտենք , որ այդ բանաձևի հեղինակը բոլորիս քաջ ծանոթ Ջոն Բոլթոնն է, իսկ բանաձևը հենց այդպես էլ կոչվում էր՝ Բոլթոնի պլան և ենթադրում էր Արցախի տարածքները հանձնելու դիմաց ֆինանսական աջակցություն: Քոչարյանը, հիշատակելով բանաձևը, ընդգծում է տեղի ունեցածում արևմտյան հետքը, զուգահեռներ անցկացնելով այն ջանասիրության հետ, որով Փաշինյանը կազմաքանդում էր ռազմավարական դաշնակից Ռուսաստանի հետ Հայաստանի հարաբերությունները՝ թուլացնելով Հայաստանի և Արցախի անվտանգային միջավայրը:

Չորրորդ մեսիջը վերաբերվում էր հենց Ռուսաստանին` ակնարկելով, որ Հայաստանը ռազմավարական դաշնակցից վեր է ածվել պրոտեկտորատի՝ Քոչարյանը, ըստ էության, ակնարկում է, որ Ռուսաստանի հետ հավասարը-հավասարին խոսելու հնարավորություն Հայաստանին կարող է լավագույն կերպով ընձեռել ինքը՝ ունենալով կապեր ռուսական քաղաքական դաշտում և բարեկամական հարաբերություններ ՌԴ նախագահ Պուտինի հետ: Ասվածից կարելի է եզրակացնել, որ ձևակերպելով քաղաքական հայտը` Քոչարյանը լծվելու է իր շուրջ պրո-ռուսական ուժերի համախմբմանը և ընտրություններին հանդես է գալու հենց այդ բևեռով...

Այս թեմայով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ) Փաշինյանը չի պատրաստվում գնալ արտահերթ խորհրդարանական ընտրությունների Էսօր ժողովրդի մեջ մեծ անվստահություն կա. բերքաբերցին Փաշինյանին առաջարկեց նոր ընտրություններ անցկացնել (տեսանյութ) Ես սա անում եմ, որ ՀՀ-ն ի վերջո դառնա անկախ պետություն, ոչ թե ֆորպոստ․ Փաշինյան (տեսանյութ) Քաղաքացիների իրական վերաբերմունքը` «հեղափոխականներին» Փաշինյանի որոշմամբ՝ սահմանվել է Մեծ Բրիտանիայում ՀՀ դեսպանությանը կից ռազմական կցորդի հաստիք Փաշինյանի անթաքույց վախը՝ «կոնսենսուս մինուս մեկից»․ ի՞նչ են մեզ հասկացնում Մեր խնդիրն էն ա, որ Ոսկեպարում, Բաղանիսում, Կիրանցում տասնյակ տներ կառուցվեն․ Փաշինյան (տեսանյութ) Մանդատները վայր դնելը և փողոց դուրս գալն անելու ենք երբ զգանք, որ դա կբերի իր տրամաբանական ավարտին․ Լևոն Քոչարյան (տեսանյութ) Նոր մանրամասներ Փաշինյանի՝ Տավուշ կատարած այցից․ ինչ է ասել տեղի բնակիչներին