700 հոգանոց զինված խմբեր՝ Երևանի փողոցներում. ովքեր և ինչու են հավաքագրել նրանց

Ոստիկանության բարեփոխումների համատեքստում ստեղծվելիք Պարեկային ծառայությունում աշխատելու համար հավաքագրվել են շուրջ 700 քաղաքացիներ:

Նման որոշում մեկ տարի առաջ կայացրել է ՀՀ կառավարությունը: «Իրազեկ քաղաքացիների միավորում» ՀԿ ղեկավար Դանիել Իոաննիսյանը, որի ղեկավարած ՀԿ-ն իր մասնակցությունը ևս ունեցել է քաղաքացիների ընտրման և հավաքագրման հարցում, ԼՈՒՐԵՐ.com-ի հետ զրույցում նշեց, որ 700 քաղաքացիներից շուրջ 200-ը Ոստիկանության ծառայողներ են, 500-ը՝ քաղաքացիական անձինք, որոնցից մոտավորապես 50-ը՝ իգական սեռի ներկայացուցիչներ:

«Իրենք ընտրվել են բավականին երկար մրցույթից հետո, այսինքն՝ եղել է փաստաթղթերի ստուգում, որն իրականացրել է Ոստիկանության ակադեմիան, առողջական ստուգում, որն իրականացրել է Ոստիկանության ռազմաբժշկական հանձնաժողովը, ֆիզկուլտուրայի ստուգում, որն իրականացրել է Ոստիկանության ակադեմիան, այնուհետև թեսավորմամբ՝ IQ, որը կրկին Ոստիկանության ակադեմիան է իրականացրել: Այնուհետև եղել է հարցազրույցի փուլ, որն իրականացրել են հարցազրույցի համար կազմված 7 հանձնաժողովները: Ամեն հանձնաժողովում եղել է մեկ ներկայացուցիչ միջազգային այն կազմակերպություններից, որոնք ֆինանսավորում են այս ռեֆորմը, մեկ ներկայացուցիչ Քաղացիական հասարակության կազմակերպություններից, մյուսները ՀՀ պետական հիմնարկներից՝ Արդարադատության նախարարություն, Ոստիկանություն, Ոստիկանության ակադեմիա: Քաղհասարակության 7 տեղերից 2-ը եղել են «Իրազեկ քաղաքացիների միավորման» ներկայացուցիչներ, 2-ը՝ Հելսինկյան քաղաքացիական ասամբլեայի Վանաձորի գրասենյակից, 2-ը՝ Իրավաբանների հայկական ասոցիացիայից և 1-ը «Վարորդի ընկեր» հասարակական կազմակերպությունից»,- մանրամասնում է Իոաննիսյանը:

Գործընթացը ղեկավարում է Ոստիկանության բարեփոխումները համակարգող խորհուրդը, որի ղեկավարը վարչապետն է. «Ամռանը բաց մրցույթով ընտրվել են ՀԿ-ների ներկայացուցիչներ և այդ համակարգող խորհրդում 4 ներկայացուցիչ կա, որոնք, բնականաբար, փոքրամասնություն են»:

Ըստ Իոաննիսյանի՝ նախագծով լինելու են Ոստիկանության ծառայողներ, որոնց համար առաջնայինը լինելու է օրենքի պահպանումը և քաղաքացիներ, որոնք փոխելու են ոստիկանների նկատմամբ վերաբերմունքը:

«Հիմա մենք ունենք վերաբերմունք, որտեղ ոստիկանը ընկալվում է որպես պատժող և դրա համար մայրուղիներին, երբ վարորդները ՃՈ տեսուչներ են տեսնում, լուսարձակներով հասկացնում են միմյանց, որ զգուշանան, այսինքն՝ ոստիկանը ընկալվում է որպես թշնամի: Այս նոր նախաձեռնությամբ՝ քաղաքացիները ոստիկանին կընկալեն որպես ընկեր, մարդ, որ ճանապարհին է ոչ թե տուգանելու, այլ օգնելու և աջակցելու համար»,- կարծում է Իոաննիսյանը:

Նախկին փոխոստիկանապետ Հովհաննես Քոչարյանը հակադարձում է Իոաննիսյանին՝ քաղաքացին ոստիկանին գործընկեր չի դիտարկելու այնքան ժամանակ, քանի դեռ չկա ֆունկցիոնալ փոփոխություն. «ՀՀ-ն պետք է ունենա 24-ժամյա պարեկային ծածկվածություն, այսինքն՝ ահազանգի ստացումից 2-4 րոպե հետո, եթե չկան օբյեկտիվ խոչընդոտներ, պարեկային ծառայողը պիտի լինի դեպքի վայրում: Ծառայությունը պետք է ունենա պրոֆեսիոնալ ոստիկանությանը բնորոշ ֆունկցիաներ: Իսկ, եթե ծրագիրը չի իրականացնելու նշված կետերը, ապա արդյունավետությունը լինելու է մեկշաբաթյա: Պարեկային ծառայությունը պետք է լինի Ոստիկանության ամբողջ սպայակազմի կադրային էլիտայի սինթեզման օղակը, իսկ դա շարքային ոստիկանի աշխատանք է: Իհարկե, տեսանելի կլինի, աչք շոյող կլինի, արտասահմանյան պարեկային ծառայություններիի նման կլինի, բայց բովանդակային առումով  փոփոխության չի նկատվի»:

«Պետության նկատմամբ հանրային նոր վերաբերմունքի ձևավորման գործընթացը» տեսնելու ենք հունիսից, սակայն, ըստ Քոչարյանի, նոր Պարեկային ծառայությունը ՀՀ անվտանգության երաշխիքը չէ. «Այս 700 քաղաքացիները լուծելու են  հասարակական անվտանգության ապահովման խնդիրները: Անվտանգություն ասելով՝ պետք է հասկանալ նաև արտաքին-քաղաքական անվտանգությունը, որն այս պարագայում բացառված է»:

Նախկին փոխոստիկանապետի համոզմամբ՝ նոր Պարեկային ծառայությունը ոչ թե ամբողջովին, այլ մասամբ պիտի փոխարինի ՃՈ-ին. «Երևան քաղաքում անպայման պետք է լինի ՃՈ մասնագիտացված ստորաբաժանում, որովհետև դեպքերն ու պատահարները շատ են և պարեկներին չպիտի ծանրաբեռնեն ՃՏՊ-ների գործերի քննությամբ: Լիարժեք պարեկային ծառայությունը պահանջում էր 50 մլն դոլարից ավելի: Եթե անցել են մասնակի լուծումների, դա այն պարեկային ծառայությունը չէ, որի մասին խոսվել է շուրջ 2.5 տարի: Կարելի է ստեղծել շարային ստորաբաժանում, տալ պարեկային ֆունկցիաներ, և ասել՝ պարեկային նոր ծառայություն կա՝ նոր համազգեստով և նոր մեքենայով»:

Նշենք, որ Երևանից բացի նոր Պարեկային ծառայություն նախատեսվում են նախ Շիրակի և Լոռու մարզում, որից հետո ամբողջ Հանրապետությունում:

Արփինե Հակոբյան

Այս թեմայով Թքեմ Նիկոլի առաջ․ ի՞նչ ճանճ ձկան վրա․ քաղաքացի Լֆիկի շուկան խի՞ չես ստուգում, բա ու՞ր էիր 2 տարի առաջ. քաղաքացին՝ քաղաքապետարանի աշխատակցին Վայոց ձորում իրանական համարանիշերով բեռնատարը կողաշրջվել է Աբու Դաբի-Երևան չվերթի օդանավը հրաշքով է փրկվել կործանվելուց (տեսանյութ) Այստեղ պայքար է, որ հողերը չհանձնվեն․ քաղաքացի ՃՏՊ Հայկավան-Բամբակաշատ ավտոճանապարհին. կա արգելափակված քաղաքացի Մեկնարկել է Երևան-Գառնի-Գեղարդի վանք ճանապարհի մի հատվածի հիմնանորոգումը ԼՂ բռնի տեղահանվածները որևէ իրավունքից չեն զրկվի, եթե դառնան ՀՀ քաղաքացի. Խաչատրյան Ահազանգ ենք ստացել Գյումրիում ՌԴ քաղաքացի Անատոլի Շչետինին առևանգելու եւ ռազմաբազայում ապօրինի պահելու մասին. ՀՔԱՎ Շահումյան գյուղի սկզբնամասում տեղի է ունեցել ՃՏՊ. կա արգելափակված քաղաքացի