Սոցաջակցություն ստացող սահմանամերձ համայնքների ցանկում ավելանում է ևս 30 բնակավայր

Հայաստանում սոցիալական աջակցություն ստացող սահմանամերձ համայնքների ցանկանում ավելացվում է ևս 30 բնակավայր:

«Արմենպրես»-ի հաղորդմամբ՝ այս մասին ԱԺ ֆինանսավարկային և բյուջետային հարցերի մշտական հանձնաժողովի նիստում ասաց ՀՀ աշխատանքի և սոցիալական հարցերի փոխնախարար Դավիթ Խաչատրյանը՝ պատգամավոր Արտակ Մանուկյանի հեղինակած նախագծի քննարկման համատեքստում, որով առաջարկվում է ընդլայնել Հայխնայբանկում ներդրած ավանդների փոխհատուցման հնարավորություն ունեցողների ցանկը և որպես շահառու դարձնել նաև ՀՀ պաշտպանության մարտական գործողությունների մասնակից կամ մարտական գործողությունների հետևանքով չօգտագործվող և հակառակորդի կողմից հողատարածքների գնդակոծման դեպքեր ունեցող` ՀՀ սահմանամերձ համայնքներում 2014 թվականի օգոստոսի 1-ի դրությամբ հաշվառված անձանց:

«Փետրվարի 3-ին շրջանառության մեջ ենք դրել Սահմանամերձ համայնքներին տրվող սոցիալական աջակցության ենթակա ծավալների, փոխհատուցման կարգի և փոխհատուցում ստացող համայնքների ցանկի փոփոխության՝ կառավարության որոշման նախագիծը»,-ասաց փոխնախարարը:

Նրա խոսքով՝ դրանով, ի թիվս 4 մարզերում սահմանամերձ համայնքների 38 բնակավայրերի, ավելանում է 30 բնակավայր՝ պայմանավորված պատերազմի հետևանքներով: Դա մասնավորապես Սյունիքի մարզն է:

Խաչատրյանի խոսքով՝ 2014-ից մինչև դեկտեմբերի 20-ի դրությամբ գործող՝ սահմանամերձ համայնքների 38 բնակավայրերի մասով այդ հոդվածով շուրջ 2.4 մլրդ գումար արդեն փոխհատուցվել է: Շահառուների թիվը կազմել է մոտ 17 հազար: Մեկ շահառուի գծով միջինում 140 հազար փոխհատուցում է եղել: Սահմանամերձ բնակավայրերի թիվը,նրա խոսքով, կոպիտ հաշվարկով, ավելանում է 75 տոկոսով: Այսպիսով, շատ կոպիտ հաշվարկով կստացվի, որ կունենան ևս 1.8 մլրդ դրամի ենթակա փոխհատուցման գումար:

Նա հորդորեց պատգամավոր Մանուկյանին հետաձգել նախագիծը, հեղինակը համաձայնեց երկու ամսով հետաձգել քննարկումը:

Այս թեմայով «Տավուշի մարզից ոչ մի բնակավայր չի հանձնվելու. դրանք ՀՀ-ինը չեն». Ղալումյան Սահմանամերձ բնակավայրերում մեկ ընտանիքին կարող է տրամադրվել մինչև 60 մլն դրամ աջակցություն Բելգորոդի դպրոցներում սահմանամերձ շրջաններում հեռավար ուսուցում կմտցվի Պետդումայում հայտնել են՝ որ դեպքում Ալլա Պուգաչովան կներառվի օտարերկրյա գործակալների ցանկում Շուրջ 900 անուն դեղեր չեն ներառվելու էլեկտրոնային դեղատոմսերով բաց թողնվող դեղերի ցանկում Գնել Սանոսյանը մասնակցել է «Համայնքների ավագանիների անդամների կարողությունների զարգացում» ծրագրի մեկնարկի միջոցառմանը Հայաստանը տարածաշրջանի ամենաերջանիկ երկրների ցանկում է. World Happiness Report Ինչպե՞ս կարող եք սահմանամերձ բնակավայրում կառուցել ձեր տունն ամբողջությամբ պետության ֆինանսավորմամբ 2024 թ. հունվար ամսին եկամուտ ստացող աշխատատեղերի թվաքանակը կազմել է 713 715․ ՊԵԿ 10 մլն դրամի բեռ է ավելանում պետության վրա. ինչպե՞ս կհաշվարկվի դատավորների կենսաթոշակի չափը