Նախկինում հեղափոխական, այսօր ընդդիմադիր. ովքեր են երաշխավորել Բադասյանին կալանքը փոփոխելու համար

Հայաստանի Հանրապետության Ժողովրդական արտիստ, օպերային երգչուհի Հասմիկ Պապյանը և նկարչուհի, հասարակական գործիչ Զարուհի Մուրադյանը անձնական երաշխավորություններ են ներկայացրել Վահան Բադասյանի կալանքը փոփոխելու համար։ Այս մասին ԼՈՒՐԵՐ․com-ի հետ զրույցում ասած Վահան Բադասյանի փաստաբանը՝ Արայիկ Պապիկյանը։

Վերջինս նշեց, որ օրենքը սահմանում է կալանավորված անձի խափանման միջոցի փոփոխություն, որի ձևերից մեկն էլ անձնական երաշխավորությունն է․ «Դրա վերաբերյալ որոշում կայացնում է դատախազը, ով կարող է բավարարել կամ մերժել։ Մենք հույս ունենք, որ դատախազությունը այդ անձանց հեղինակությունը և խոսքը կհարգի և կկայացնի դրական որոշում»,- ընդգծեց Վահան Բադասյանի փաստաբանը։

Արայիկ Պապյանը ասաց, որ բազմաթիվ այլ հարգարժան անձինք ևս այդպիսի ցանկություն են հայտնել․ «Անհրաժեշտության դեպքում, նրանց երաշխավորությունները ևս  կներկայացնենք»,- ասաց մեր զրուցակիցը։

Մեր այն հարցին, թե Հասմիկ Պապյանից և  Զարուհի Մուրադյանից բացի էլ ովքեր են իրենց անձնական երաշխավորությունը հայտնել, փաստաբանը, չցանկացավ անուններ շեշտել՝ հավելելով․ «Այս պահին չեմ կարող նշել․ նախ վախենամ որևէ մեկի անունը մոռանալ, և հետո, նրանց թիվը անընդհատ ավելանում է։ Ամեն դեպքում առաջիկայում կփորձենք նրանց բոլորի մասին հանրությանը հայտնել»,- եզրափակեց Արայիկ Պապյանը։

Նշենք, որ Վահան Բադասյանին ԱԱԾ-ն ձերբակալել էին «Եռաբլուր» զինվորական պանթեոնում լրագրողների հետ զրույցում հնչեցրած իր արտահայտությունների համար։

Հիշեցնենք նաև, որ 2018 թվականին Վահան Բադասյանը թավշյա հեղափոխության ակտիվ մասնակից էր, որը ևս իր լուման է  ունեցել Նիկոլ Փաշինյանին իշխանության բերելու հարցում։ Իսկ հիմա ակտիվ հեղափոխականը կալանավորված է։

Զվարթ Պետրոսյան

Այս թեմայով Հայտնի բժիշկ Արայիկ Ղարիբյանը լքեց ԵԿՄ շարքերը Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է Վահան Կոստանյանը հանդիպում է ունեցել Սաուդյան Արաբիայի տեղեկատվական տեխնոլոգիաների նախարարի տեղակալ Ահմադ Ալ-Սայանի հետ Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան Վահան Քերոբյանի նկատմամբ կիրառված տնային կալանքը երկարաձգվել է ևս 2 ամսով. պաշտպան Ադրբեջանցիները տեսանյութ են հրապարակել Ստեփանակերտում Արայիկ Հարությունյանին պատկանող գինու և կոնյակի գործարանից Արայիկ Հարությունյանը հանդիպել է Ֆրանկոֆոնիայի միջազգային կոմիտեի տնօրեն Զեյնա Մինայի հետ Արայիկ Հարությունյանն անդրադարձել է վարչապետ Նիկոլ Փաշինյանի` ապրիլի 5-ի բրյուսելյան այցին Հիբրիդային գործիքներով փորձելու են նոր ճգնաժամեր հարուցել․ Արայիկ Հարությունյան