PR` ուրիշների հաշվին. իշխանությունները Սյունիքից «ձեռքերը լվացել են»

Իշխանության ներկայացուցիչներն առանց միմյանց հերթ զիջելու հայտարարում են, որ ամեն ինչով կանգնած են սյունեցու կողքին, իսկ պետությունը անում է ամեն բան, որպեսզի Սյունիքի մարզի բնակիչները ստեղծված իրավիճակում հնարավորինս քիչ վնասով դուրս գան:

Իրականում, սակայն, իրավիճակը այնպիսինն է, որ իշխանությունները կողմնակի դիտորդի դեր են գրավել՝ սյունեցուն և մարզը մատնելով բախտի քմահաճույքին: Դեռ մի կողմ դնենք այն հանգամանքը, որ պատերազմից հետո բանավոր պայմանավորվածություններով ադրբեջանցիները սանտիմետր առ սանտիմետր զավթում են Սյունիքի մարզի բարձրադիր դիրքերը, իսկ Կապան-Ճակատեն հատվածում նրանց առաջխաղացումը կանխում են միայն ռուս խաղաղապահները: 2021 թվականի բյուջեով Սյունիքի մարզին նույնքան սուբսիդիա է հատկացվել, որքան նախորդ տարի: Կառավարությունը անգամ հարկ չի համարել ստեղծված իրավիճակում ավելացնել մարզին հատկացվող գումարները՝ բյուջեում վերաբաշխում անելով:

Սյունեցիները իշխանությունների ապիկարության հետևանքով կորցրել են իրենց մշակելի հողատարածքները և արոտավայրերը: Կառավարությունը ոչինչ չի անում այդ վնասը փոխհատուցելու համար, վարկերը մարելու կամ մարման ժամկետները հետաձգելու մասին նույնպես խոսք անգամ չկա: Սյունիքի մարզը Հայաստանի տուրիստական թիվ մեկ ուղղությունն էր, որը այսօր դառնում է խիստ վտանգավոր և ոչ այնքան գրավիչ թե տեղացիների, թե արտասահմանցիների համար: Հետևաբար տուրիզմի ոլորտը նույնպես հսկայական հարված է ստացել, որը սակայն  իշխանություններին բնավ չի հետաքրքրում:

Իսկ այ փիառվել ուրիշ արածով իշխանությունները կարող են: Մասնավորապես՝ փոխվարչապետ Տիգրան Ավինյանն էր հայտարարել, որ Շուռնուխում նոր առանձնատներ են կառուցվում՝ իր պայմանավորվածությունների համաձայն: Ավինյանին հերքել էր Գորիսի համայնքապետարանը, որը հայտարարեց՝ առանձնատները կառուցում են բարերարների աջակցությամբ, իսկ պետությունը դրա հետ որևէ կապ չունի: Այսքան խնդիրների ֆոնին Սյունիքի նորանշանակ մարզպետը, այլ կարևոր գործ չգտնելով, այցելում է դպրոցներ կամ պատվոգրեր է հանձնում ոստիկաններին: Ինչ խոսք, դա էլ է կարևոր, բայց ոչ ավելի, քան սեփական մարզի բնակիչների անվտանգության ապահովումը, որը այսօր ամբողջությամբ իրականացվում է ռուս խաղաղապահների միջոցով: Ռուսական կողմը սահման է պահում, բարերարները օգնում են սյունեցիների խնդիրների լուծմանը: Իսկ պետությունը ինչպես միշտ իր տեղում չէ:

Այս թեմայով ՌԴ-ն՝ ՀՀ անվտանգության միակ գարանտ. Արևմուտքի հեղինակավոր պարբերականների «անկեղծացումը» Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով