Արցախի տարածքում մեկ շաբաթում արձանագրվել է հրդեհի 16 դեպք Արցախի ԱԻՊԾ

2021 թվականի փետրվարի 1-ից 7-ն ընկած ժամանակահատվածում Արցախի Ներքին գործերի նախարարության Արտակարգ իրավիճակների պետական ծառայության ճգնաժամային կառավարման կենտրոնում գրանցվել է 735 կանչ: Նախորդ շաբաթվա համեմատ զանգերի թիվը նվազել է 335-ով:

Անցած 7 օրերի ընթացքում ճանապարհատրանսպորտային պատահարների վերաբերյալ դեպք չի արձանագրվել, փոխարենն ավելացել է հրդեհների մասին կանչերը:

Փետրվարի 1-ից 7-ն ընկած ժամանակահատվածում Արցախի Հանրապետության տարածքում արձանագրվել է հրդեհի մասին 16 դեպք: Նախորդ շաբաթվա համեմատ ավելացել է 8-ով: Հրդեհները հիմնականում բռնկվել են բաց տարածքում, չոր խոտածածկույթում կամ աղբակույտերում: Սոցիալ-կենցաղային շինությունում գրանցվել է մեկ դեպք,ևս մեկը՝ բնակելի տարածում: Փրկարար ուժերի վարչության հրշեջ փրկարարական ջոկատները ժամանակին կատարել են հրդեհաշիջման աշխատանքներ: Տուժածներ չկան:

ԱԻ ծառայության սակրավորական ջոկատները, «Halo Trust» ոչ կառավարական կազմակերպությունը, «Հումանիտար ականազերծման կենտրոն» հիմնադրամը, ՌԴ ԱԻՆ և ՊՆ սակրավորական ջոկատները ամենօրյա աշխատանքով շարունակում են Հանրապետության տարածքը մաքրել պատերազմի հետքերից:

Անցած շաբաթվա ընթացքում զենք-զինամերքի մասով ահազանգման կենտրոնում գրանցվել է 45 կանչ: Չպայթած և վտանգ ներկայացնող զինատեսակների հայտնաբերման, պահեստավորման կամ ոչնչացման աշխատանքները կշարունակվեն նաև առաջիկա ամիսներին:

Նշենք, որ բնակավայրերում այդ աշխատանքները հիմնականում ավարտված են: Ինժեներահետախուզական գործընթացն այժմ շարունակվում է լեռնաանտառային գոտիներում, արոտավայրերում և գյուղատնտեսական նշանակության դաշտավայրերում:

Ստացվել է կենցաղային 20 կանչ: Ճգնաժամային կառավարման կենտրոնի հերթափոխերի ծառայողները բնակչության շրջանում իրականացրել են նաև հոգեբանական և անհատական խորհրդատվություններ:

Սկսած 2020 թվականի նոյեմբերի 13-ից ԱԻ ծառայության արագ արձագանքման հատուկ ստորաբաժանման օպերատիվ խմբերն Արցախի վերահսկողությունից դուրս գտնվող տարածքներում իրականացնում են զոհված կամ անհետ կորած զինծառայողների աճյունների որոնողական աշխատանքներ:

Ընդհանուր առմամբ հայտնաբերվել է 1357 աճյուն, որից 15-ը նախնական տվյալներով քաղաքացիական անձանց մարմիններ են:վ

Այս թեմայով Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Հրդեհ Ծաղկունք գյուղում Հրդեհ՝ վագոն-տնակում Հրդեհ՝ Սամվել Ալեքսանյանին պատկանող ձեթի գործարանում. հայտարարվել է հրդեհի վտանգավորության «ԲԻՍ 1» աստիճան Հրդեհ Գյումրիում. այրվել է բնակարանի հյուրասենյակը