Քաոսն ու կանեփը. որո՞նք են ՔՊ-ականների առաջնահերթությունները

Հայաստանի Ազգային ժողովը հերթական նստաշրջանն է գումարել և շատերը հույս ունեին, որ գոնե այս անգամ հայրենի ազգընտիրների ուշադրության կենտրոնում և, համապատասխանաբար, ԱԺ նիստերի օրակարգում կլինեն պատերազմի հետևանքների վերացմանը, առաջնահերթ լուծում պահանջող խնդիրներին նվիրված հարցերը: 

Սակայն, ինչպես տեսնում ենք, ՔՊ-ական պատգամավորները Հայաստանում ունեն լրիվ այլ առաջնահերթություններ: Մասնավորապես, պատերազմից հետո գումարված նիստերի օրակարգում են հայտնվում կամ տեսներորդական կարևորության հարցեր, կամ  օրինագծեր, որոնք այս կամ այն չափով հեշտացնելու են իշխող քաղաքական թիմի կյանքը:

Օրինակ, կանեփ աճեցնելու թեման պատգամավորների համար շատ ավելի կարևոր և արդիական է, քան գերիների վերադարձի հարցը: Հանրային խորհրդի մասին օրենքում փոփոխությունը, տուրքերի և վճարների մասին օրենքում փոփոխությունը շատ ավելի կարևոր է: Կարևոր է նաև հիմնադրամների մասին օրենքում փոփոխություն անելը, քրեական օրենսգրքում և հարկային օրենսգրքում համապատասխան փոփոխություններ անելը, որպեսզի ավելի հեշտ լինի, օրինակ, ընդդիմադիրներին կալանավորել կամ քերել բնակչության գրպանի վերջին պարունակությունը:

Կարևոր է նաև դատարանները կոմպլեկտավորել յուրային դատավորներով և այդ նպատակով հապճեպ դատական օրենսգիրք փոփոխել: Կարևոր է նախկին զինդատախազին ԲԴԽ կազմում տեղավորելը, ինչպես նաև «Հայաստանի Հանրապետության պետական պարգեւների եւ պատվավոր կոչումների մասին» օրենքում փոփոխություն կատարելը: Իսկ  «Լեզվի մասին» օրենքում փոփոխություն եւ լրացում կատարելու մասին օրենքի նախագիծը, ինչ խոսք, այս պահին ամենաարդիական և առաջնահերթ լուծում պահանջող խնդիրն է:

Փոխարենը` հայրենի երեսփոխանները ընդամենը մեկ անգամ ձևական նիստ գումարեցին քննարկելու համար Ադրբեջանում գտնվող հայ ռազմագերիներին առնչվող հարցերը: Ձևական, որովհետև իրականում այդ քննարկումը ոչինչ չտվեց և չէր էլ կարող տալ: Պատգամավորներին չի հուզում նաև սահմանամերձ համայնքների բնակիչների խնդիրները, այն որ Հայաստանի տարածքային ամբողջականությունը վտանգված է, իսկ հարևան երկրները այս պահին պատերազմի են նախապատրաստվում՝ լայնածավալ զորավարժություններ անելով:

Սա, թերևս, այն ամենն է, ինչ պետք է իմանալ ՔՊ-ական պատգամավորների քաղաքական առաջնահերթությունների և պետականամետության մասին...

Այս թեմայով Կոչ եմ անում բանակի բոլոր զորագնդերին՝ կանգնեք ժողովրդի կողքը, ոչ մի քայլ հետ չգնաք. Մահապարտների ջոկատի հրամանատար «Նիկոլ դավաճան», «Քայլ արա, մերժիր գժին» վանկարկումներ՝ Նոյեմբերյանում «Ողջունում ենք, կարևոր քայլ է». Բլինկենը՝ Հայաստանի ու Ադրբեջանի միջև համաձայնության մասին «Ժողովուրդ». Օրինապահից դեպի «բարձր ռիսկային խումբ» մեկ քայլ է Հայաստանը Ռուսաստանի հետ հարաբերություններում ոչ մի սխալ քայլ չի արել. Փաշինյան Գերմանիան Բունդեսվերի բրիգադ է ուղարկել Լիտվա՝ դա անվանելով կարևոր քայլ ՆԱՏՕ-ի համար Ֆրանսիական քաղաքի քաղաքապետի տանը 70 կիլոգրամ կանեփ է հայտնաբերվել «Իմ Քայլ»-ի բարեգործական ընթրիքը նպատակ ունի աջակցել կին գործարարների գործունեության ընդլայնմանը Որևէ մտահոգիչ քայլ չի արվում. ՊՆ փոխնախարարը՝ Տավուշին հարակից գյուղերի մասին Եթե մեր քայլից հետո Ադրբեջանը ընդառաջ քայլ չանի, ուրեմն կմտնենք տուպիկ. Աղազարյան