Ռուբեն Հայրապետյանի նկատմամբ ուղղորդված հանձնարարականների շքերթը շարունակվում է. Ամրամ Մակինյան

Փաստաբան Ամրամ Մակինյանը ֆեյսբուքյան էջում գրել է, որ Ռուբեն Հայրապետյանի նկատմամբ «ուղղորդված քրեաքաղաքական հանձնարարականների շքերթը» շարունակվում է, ապա մանրամասներ հայտնել:

«Մեր հավաստի տեղեկությունների համաձայն՝ հիմա էլ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունն է լծվել Հայրապետյանների գույքի օրինականության ծագումնաբանությունը պարզելուն, ուստի, օգտվելով առիթից, որպես Ռուբեն Հայրապետյանի իրավունքների և օրինական շահերի պաշտպան, հիշյալ վարույթով զբաղվող դատախազ Ա. Սարգսյանին միջնորդում եմ.

1. խորությամբ՝ սկսած 1980 ականների կեսերից, ուսումնասիրել Հայրապետյանների ընտանիքի կողմից տասնամյակներ շարունակ իրականացված ձեռնարկատիրական գործունեությունը,

2. պարզել և նաև պարտադիր հրապարակային ներկայացնել, թե մինչ օրս Հայրապետյանների ընտանիքին պատկանող ընկերությունների կողմից որքան հարկ է վճարվել պետական բյուջե,

3. որքան շահաբաժին են ստացել Հայրապետյաններն օրինական ձեռնարկատիրական գործունեությունից,

4. ընդհանուր առմամբ քանի անձ է աշխատել Հայրապետյանների ընկերություններում,

5. որքան աշխատավարձ են ստացել այդ անձինք,

6. որքան գումար է տրամադրվել բարեգործական նպատակներով և այլն…

Ակնհայտ է, որ այս հարցերից որևէ մեկի պարզելն ու հրապարակայնացնելը ձեռնտու չէ քաղաքական իշխանությանը, և դա է պատճառներից մեկը, որ դատախազությունը, ի թիվս այլնի, ձեռնամուխ է եղել ոչ թե իմ նշած հարցերի պարզմանը, այլ Ռուբեն Հայրապետյանի աշխատավարձի չափը պարզելուն և, դրանից ելնելով, քաղաքական իշխանությունների համար իբրև «գործ անելու» կեղծ օրակարգ ստեղծելուն…

Պարզ ասում եմ՝ իզուր ջանքեր են, թե՛ գույքն է օրինական, թե՛ եկամուտները… իսկ օրակարգը՝ կեղծ…

Եվ վերջում արժե, որ հիշեցնեմ Աստծո 10-րդ պատվիրանի մասին. ո՛չ քո մերձավորի տան, ո՛չ նրա ագարակի վրա աչք մի՛ ունեցիր…»,-գրել է նա:

Այս թեմայով Ոստիկանությունը վերածվել է քաղաքական վրեժխնդրության անպատժելի գործիքակազմի․ Ռուբեն Մելիքյան Խաղաղության Նոբելյան մրցանակը միջազգային օգնություն կդառնա Ռուբեն Վարդանյանի ազատ արձակման գործում. Սահակյան ՈՒՂԻՂ. Տավուշում բողոքը շարունակվում է Պանթուրիքիստական ծրագրերը շարունակվում են. ՀՀ-ում Սիրիայի դեսպան Ռուբեն Վարդանյանը Բաքվի բանտից զանգահարել է հարազատներին ու ասել՝ մենակ ճնշում են չափում (տեսանյութ) ՀԻՄԱ․ Ռուբեն Վարդանյանի ընկերներն ու գործընկերներն երթ են նախաձեռնել Հայրս հեռախոսազրույցի ընթացքում մի մտահոգիչ արտահայտություն արեց. Ռուբեն Վարդանյանի որդին հարցազրույց է տվել CNN-ին ՀԻՄԱ․ Կիրանց-Ոսկեպար ճանապարհն՝ այս պահին. պայքարը շարունակվում է Ռուբեն Վարդանյանի ընկերներն ու գործընկերներն ապրիլի 24-ին նախաձեռնել են երթ Ռուբեն Ռուբինյանն ընդունել է ՀՀ-ում Հունաստանի արտակարգ եւ լիազոր դեսպան Խրիստոս Սոֆիանոպուլոսին