Կասկածներ կան, որ Ադրբեջանը մեր զոհերի մի մասին հուղարկավորել է․ Արտակ Բեգլարյան

Արցախը միանշանակ ունենալու է պաշտպանական ինստիտուտ։ Այլ հարց է՝ կկոչվի բանակ, պաշտպանական ուժեր կամ պաշտպանական զորքեր, բայց ֆունկցիոնալ առումով Արցախն ունենալու է բանակ, այս մասին «Հետք»-ի հետ զրույցում ասել է Արցախի նախագահի աշխատակազմի ղեկավար Արտակ Բեգլարյանը՝ նշելով, որ բանակն է ապահովելու Արցախի ժողովրդի անվտանգությունը ռուս խաղաղապահների անվտանգության երաշխիքներին զուգահեռ։

«Իհարկե, Ադրբեջանը շատ կուզեր, որ Արցախում ոչ մի զինված մարդ չլիներ, կարծում եմ՝ շատ կուզեր նաև, որ ռուս խաղաղապահ էլ չլիներ։ Ադրբեջանի ցանկությունն այս առումով որևէ նշանակություն չունի», - հայտարարել է Արտակ Բեգլարյանը։

Արցախի նախագահի աշխատակազմի ղեկավարի համար ակնհայտ է, որ նույնականացման ոլորտում մեծ խնդիրներ են եղել։

«Մարմինների հավաքագրման, դիահերձարան տեղափոխելու, դիահերձարանից մեկ այլ դիահերձարան տեղափոխելու ժամանակ տվյալների փոխանցումը ձգձգումով է եղել, բայց ամենամեծ խնդիրը եղել և մնում է ԴՆԹ հետազոտությունների անցկացումն ու տվյալների վերլուծությունը։

Հունվարին ԴՆԹ երկրորդ սարքի տեղադրմամբ մի փոքր արագացվեց գործընթացը, որը հնարավոր էր ավելի շուտ իրականացնել։ Հարյուրավոր մարմիններ դեռևս ճանաչված չեն», - ասել է նա:

Արտակ Բեգլարյանի խոսքով՝ Արցախում կասկածներ ունեն, որ զոհվածների մի մասին հուղարկավորել են:

«Ադրբեջանական կողմը թաղել է մարտական գործողությունների ժամանակ կամ դրանից հետո։ Կոնկրետ դեպքերում մասսայական գերեզմանները բացվել են, բայց դեռ այս ուղղությամբ աշխատանքներ կան կատարելու։

Զոհերի աճյունները և գերիներին վերադարձնելու գործընթացը Ադրբեջանը միտումնավոր ձգձգում է։ Ամենացավոտ հարցը գերիների վերադարձն է։ Ադրբեջանը թաքցնում է գերիների տվյալները», - ասել է Բեգլարյանը:

Այս թեմայով ՄԱԿ-ի հայաստանյան գրասենյակի ցանկապատից կախվել է Արցախի Հանրապետության 22 մետրանոց դրոշը (տեսանյութ) Պայքարը շարունակվում է, միացեք. Արտակ Բեգլարյան Դեկտեմբերի 16-ին՝ ժամը 15:00-ին, նոր հավաք կկազմակերպվի ՄԱԿ-ի գրասենյակի առջև. Արտակ Բեգլարյան Նույնիսկ ռուս խաղաղապահը հիմա ի վիճակի չէ բացել Լաչինի միջանցքը. Արտակ Բեգլարյան Որոշել եմ շարունակել իմ ծառայությունը պետությանն ու ժողովրդին՝ ընդունելով Ռուբեն Վարդանյանի առաջարկը. Արտակ Բեգլարյան ՀՀ իշխանությունների հետ տարաձայնությունները քիչ չեն. Արտակ Բեգլարյան (տեսանյութ) Ադրբեջանն այս գիշեր մեծացրել է հրադադարի խախտման տրամաչափը հայկական զինված ուժերի նկատմամբ Բեգլարյանը մի քանի կարևոր մեջբերում է արել Արցախի ԱԽ ընդլայնված կազմի հայտարարությունից Արտակ Բեգլարյանն անընդունելի է համարել տարբերակված մոտեցումը զոհվածների ընտանիքների փոխհատուցման գործընթացում Ադրբեջանի իշխանությունը շարունակում է Արցախից հայերին վտարելու քաղաքականությունը. Արտակ Բեգլարյան