Հիմնադրամը նոր բրոնխոսկոպներ է հատկացրել «Էրեբունի» և «Գրիգոր Լուսավորիչ» ԲԿ-ներին

«Հայաստան» համահայկական հիմնադրամը «Սբ Գրիգոր Լուսավորիչ» և «Էրեբունի» բժշկական կենտրոններին տրամադրել է 2 բրոնխոսկոպ՝ տեղեկացնում է հիմնադրամի մամլո ծառայությունը:

Հայաստանում տրամադրվող բժշկական ծառայությունների որակը բարելավելու և համապատասխան սարքեր տրամադրելու նպատակով ԱՄՆ-ի «Հայաստան» հիմնադրամը նախաձեռնել էր առցանց ջազ համերգ-դրամահավաք, որից ստացված ամբողջ հասույթն էլ ուղղվել էր Հիմնադրամին՝ բրոնխոսկոպների ձեռքբերման նպատակով:

4-ժամյա բարեգործական ջազ համերգի վարումն ու համակարգումն իրականացրել է «Հայաստան» համահայկական հիմնադրամի բժշկական առաքելության անդամ, նյարդավիրաբույժ Միքայել Գրիգորյանը կնոջ՝ Լուսինե Միրզախանյանի հետ: Նրանք համերգն անցկացրել են Լոս Անջելեսի իրենց տան բակում:

ԲԿ-ներին տրամադրված նոր սերնդի, ժամանակակից բրոնխոսկոպիկ սարքերն այժմ հնարավորություն կտան ավելի ճշգրիտ և արդյունավետ իրականացնել շնչառական հիվանդությունների ախտորոշումն ու բուժումը:

«Էրեբունի» բժշկական կենտրոնի էնդոսկոպիկ ծառայության ղեկավար Արման Պետրոսյանը նշում է. «Նոր սարքը, շնորհիվ մոնիտորի և վիդեո համակարգի, այժմ հնարավորություն է տալիս HD որակով ստանալ ավելի հստակ պատկեր, կատարել ճշգրիտ բրոնխոսկոպիա և ախտորոշում: Սա կարևոր է հատկապես այսօր՝ Covid վարակի պայմաններում, ինչպես նաև թոքերի քաղցկեղի ժամանակին ախտորոշման ու կանխարգելման համար»: 

«Սբ Գրիգոր Լուսավորիչ» ԲԿ-ի կրծքային վիրաբուժության բաժանմունքի ավագ վիրաբույժ Տիգրան Խաչատրյանի հավաստմամբ էլ, երկրորդ սարքի կարիքը բժշկական կենտրոնում կար. «Երկրորդ բրոնխոսկոպի անհրաժեշտությունը կար, որովհետև նախկինում մեկ սարքը մինչև հաջորդ հիվանդի հետազոտությունը որոշակի ժամանակահատված ախտահանվում էր: Իսկ այժմ հնարավորություն ունենք միաժամանակ իրականացնել ավելի մեծ թվով հիվանդների դիագնոստիկ զննումը»: 

Նշենք, որ Միքայել Գրիգորյանը «Գլենդեյլ Ադվենտիստ» բժշկական կենտրոնի բարձրակարգ մասնագետների հետ միասին 2015 թվականից, «Հայաստան» համահայկական հիմնադրամի բժշկական առաքելության շրջանակում, անվճար բուժծառայայություններ է մատուցում Հայաստանում, իսկ 2018 թվականից՝ նաև Արցախում:

Այս թեմայով Կարճաժամկետ գործոնով պայմանավորված՝ 2024թ. փետրվարի տնտեսական ակտիվության աճը կտրուկ արագացել է. «ԼՈՒՅՍ» հիմնադրամ Հայաստանի 2024թ. տնտեսական ազատության ինդեքսը 2001թ.-ից ի վեր նվազագույնն է. «Լույս» հիմնադրամ Կառավարությունը հավանության է արժանացրել «Մշակույթի զարգացման» հիմնադրամ ստեղծելու որոշումը․ ԿԳՄՍ Մխիթար Հայրապետյանն այցելել է Հայաստանի գիտության և տեխնոլոգիաների հիմնադրամ Պետք է հաղթահարենք բոլոր ռիսկերը, որոնք սպառնում են Երուսաղեմի Հին քաղաքում հայկական ներկայությանը. «Թաթոյան» հիմնադրամ Ամարասի վանական համալիրի բակում հայտնաբերվել են անցյալ դարասկզբի հորիզոնական հորաններ. «Լույս» հիմնադրամ Նախագահ Խաչատուրյանն Բեռլինում այցելել է Ֆրիդրիխ Նաումանի անվան՝ «Հանուն ազատության» հիմնադրամ «Ակադեմիական քաղաք» հիմնադրամ ստեղծելու մասին որոշման նախագիծը դրվել է հանրային քննարկման «Հայաստան» հիմնադրամը 140 հազար ԱՄՆ դոլար նվիրաբերել է Սիրիայում գործող հայկական կրթօջախներին Ադրբեջանի նախագահը 2023թ. հունվարի 10-ի ելույթով զարգացնում է կեղծ թեզեր. «Թաթոյան» հիմնադրամ