Ճապոնիայում ուժեղ երկրաշարժ է տեղի ունեցել. տուժել է 20 մարդ (տեսանյութ)
ԱշխարհՃապոնիայում 7,1 մագնիտուդ ուժգնությամբ երկրաշարժ է տեղի ունեցել: Ինչպես փոխանցում է ТАСС գործակալությունը, երկրի ազգային օդերևութաբանական վարչության տվյալներով՝ երկրաշարժի էպիկենտրոնը գտնվել է հյուսիս-արելյան հատվածում՝ Ֆուկուսիմա պրեֆեկտուրայի շրջանում: Նախնական տվյալներով` երկրաշարժի հետևանքով տուժել է 20 մարդ:
Հաղորդվում է, որ ցունամիի վտանգ չկա։ Այս պահի դրությամբ նման տեղեկություններ չկան, բայց հաղորդագրություններ են ստացվում բռնկումների մասին։ Հաղորդվում է նաև սողանքների մասին։
Բնակիչները սոցցանցերում տեսանյութեր են հրապարակել՝ ներկայացնելով ցնցումների ժամանակ տեղի ունեցած ավերածությունները: Ստորգետնյա ցնցումները շարունակվել են ավելի քան 1 րոպե: