Փաստորեն, հակասահմանադրական օրենսդրական նախագծերի շքերթը շարունակվում է․ Արթուր Հովհաննիսյան

Ազգային ժողով է ներկայացվել «Նորմատիվ իրավական ակտերի մասին» օրենքում փոփոխություններ կատարելու նախագիծ, որով սահմանվում է, որ ԵԱՏՄ հանձնաժողովի նորմատիվ բնույթի իրավական ակտերը ՀՀ տարածքում ենթակա են անմիջական կիրառության: Այս մասին Facebook-ի իր էջում գրել է ՀՀ Արդարադատության նախկին փոխնախարար Արթուր Հովհաննիսյանը:

Նա, մասնավորապես, նշել է.

1․ Սահմանադրության 5-րդ հոդվածով իրավական նորմերի աստիճանակարգության մեջ այս ակտերը ի՞նչ հարթության վրա են տեղավորված և առհասարակ արդյո՞ք այդ աստիճանակարգության մեջ մտնում են, թե ոչ: Օրինակ օրենքի կամ ենթաօրենսդրական նորմատիվ ակտի և ԵԱՏՄ հանձնաժողովի նորմատիվ բնույթի ակտի միջև հակասության դեպքում ո՞ր ակտն է գերակա:

2․ Եթե ԵԱՏՄ ակտը հակասում է օրենքին, կարո՞ղ ենք ԵԱՏՄ նորմատիվ բնույթի ակտի իրավաչափությունը վիճարկել Վարչական դատարանում:

3․ Եթե դատարանի կողմից կիրառված ԵԱՏՄ ակտը հակասում է Սահմանադրությանը, կարո՞ղ ենք դիմել ՍԴ և հակասահմանադրական ճանաչել ԵԱՏՄ նորմատիվ բնույթի իրավական ակտը:

Իմ խորին համոզմամբ ԵԱՏՄ հանձնաժողովի նորմատիվ բնույթի ակտերը առանց Սահմանադրության մեջ փոփոխություններ կատարելու ՀՀ֊ում անմիջականորեն չեն կարող կիրառվել․ դա կհակասի Սահմանադրության 5-րդ և 6-րդ հոդվածներին: Դա էր նաև պատճառը, որ գործող «Նորմատիվ իրավական ակտերի մասին» օրենքը նախատեսում է այդ ակտերի՝ Կառավարության ենթաօրենսդրական նորմատիվ ակտով գործողության մեջ դնելու գործիքակազմը: Դրանով երկու հարց է լուծվում, նախ այդ ակտերը մեր ՀՀ իրավական աստիճանակարգության մեջ զբաղեցնում է ենթաօրենսդրական նորմատիվ ակտի հորիզոնականը, երկրորդ, հնարավորություն է տրվում այդ ակտի իրավաչափության հարց բարձրանալու դեպքում վիճարկել այն:

P.S. փաստորեն հակասահմանադրական օրենսդրական նախագծերի շքերթը շարունակվում է»:

Այս թեմայով ՈՒՂԻՂ. Տավուշում բողոքը շարունակվում է Պանթուրիքիստական ծրագրերը շարունակվում են. ՀՀ-ում Սիրիայի դեսպան 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան ՀԻՄԱ․ Կիրանց-Ոսկեպար ճանապարհն՝ այս պահին. պայքարը շարունակվում է Հայաստանի գործունեությունը կազմակերպությունում շարունակվում է. ՀԱՊԿ գլխավոր քարտուղար Փաստաթղթի նենգ ծնունդը վտանգավոր վիճակ է ստեղծել, միակ ելքը քաղաքական փոփոխություններն են. Հովհաննիսյան Աշխատանքային փորձի շեմը կնվազեցվի. կադաստրի կոմիտեն օրենսդրական փոփոխություններ է առաջարկում. «Փաստ» Շուրջ 2600 եզդի կանայք դեռ գերության մեջ են, ցեղասպանությունը շարունակվում է. Ռուստամ Բաքոյան ՈւՂԻՂ. Շարունակվում է Աշոտյանի գործով դատական նիստը Չի կարող Ադրբեջանի հետ սահմանազատման գործընթաց լինել՝ առանց իրավական հիմքերի․ Արթուր Հովհաննիսյան