Խնդիրը պետք է լուծել վերջնականապես. հնարավոր է՝ գերեվարման նոր դեպքեր լինեն. Սյունիքից ընտրված պատգամավոր

Անվտանգության խնդիր հիմա կա ոչ միայն Սյունիքում, այլև ՀՀ ցանկացած անկյունում, անգամ Երևանում: Այս մասին ԼՈՒՐԵՐ.com-ի հետ զրույցում ասաց «Լուսավոր Հայաստան» խմբակցության պատգամավոր Սրբուհի Գրիգորյանը՝ հավելելով, որ այդ խնդիրները ներկայիս իշխանությունները դեռևս չեն կարողանում լուծել:

«Սոցիալական ծրագրեր որքան ուզում է՝ անենք, բոլոր խնդիրները ածանցյալ են անվտանգության խնդրին: Եթե ՀՀ-ում անվտանգության խնդիրը չի լուծվել, ոչ մի բարեփոխում՝ տներ կառուցել, դրամական օգնություն ցուցաբերել, փոխհատուցում տրամադրել, տեղին չէ: Կարող ենք ժամանակավոր օգնել, բայց կառավարությունը օր առաջ պետք է լուծի անվտանգության խնդիրը, եթե, իհարկե կարողանա»,- նշեց պատգամավորը:

Օրերս Խնձորեսկում ադրբեջանցիները հովվի հոտից 173 գլուխ ոչխար էին տարել, այնուհետև բանակցություններից հետո վերադարձրել էին: Պատգամավորը շեշտում է, որ այս պատմությունը մեկ անգամ ևս ապացուցեց, որ իշխանությունն այդ ուղղությամբ ոչինչ չի արել:

«Գյուղատնտեսական խնդիրների մասին խոսել եմ դեռ փաստաթղթի ստորագրման հաջորդ օրը, այսինքն՝ ես, լինելով սյունեցի, տեսել եմ այդ խնդիրները և շատ լավ պատկերացրել եմ, թե ինչ է լինելու հետո: Հիմա էլ գյուղացիները կորցրել են իրենց խոտհարքերը, դաշտավարության հետ կապված խնդիրներ ևս կան»,- նկատում է Գրիգորյանն ու հավելում.՝ «Եթե այս ամենն այսպես մնա, չի բացառվում, որ հետագայում նույնպես գերեվարման դեպքեր ունենանք, որովհետև հովիվները սահմանները հստակ չգիտեն, ադրբեջանցիների դիրքերն էլ շատ են մոտեցել մեր համայնքներին»:

Պատգամավորը մտահոգված է՝ եթե խնդիրն այս պահին լուծվում է՝ չի բացառվում, որ հետագայում նույն խնդիրը չի առաջանա:

«Խնդիրը պետք է լուծել վերջնականապես, եթե այստեղից անցնող հովիվը սահմանին լավ ծանոթ չլինի, որովհետև մարդիկ իներցիայով տանելու են արոտավայրեր, և ինչ-որ խնդիր առաջանա, նրան պետք է զգուշացնեն, որ հետ գա, ոչ թե գերեվարեն: Անցած տարի Ներքին Խնձորեսկում ունեցանք նման դեպք, երբ Նախիջևանի հատվածում գերեվարվել էր 30-ամյա տղամարդը, հետևաբար, հնարավոր է՝ նորից լինեն նման դեպքեր և միանշանակ, չենք կարող բացառել»,- եզրափակեց ԼՀԿ-ական պատգամավորը:

Արփինե Հակոբյան

Այս թեմայով Քանդվելու են նաև Կիրանցի դպրոցն ու եկեղեցին. պատգամավոր Չորս գյուղ իրական Հայաստանից դարձավ պատմական Հայաստան․ պատմաբան Կա՞ն մարդիկ, ովքեր ցանկանում են ապրել այնպիսի Հայաստանում, որտեղ չեն ընդունում պատմական Հայաստանը․ Խոջաբաղյան ԵՄ փոխդեսպանին են ներկայացվել մարդու իրավունքների ոլորտում Հայաստանում գնալով ահագնացող խնդիրները Կոչ ենք անում ԵԽ–ին և ԵԱՀԿ-ին՝ դատապարտել խոսքի ազատության ճնշումը Հայաստանում․ EFJ Հայաստանն առաջին անգամ օգնություն կստանա ԵՄ Խաղաղության հիմնադրամից․ ԶԼՄ Հայաստան մտնող ցորենի 99%-ը ներկրվում է ՌԴ-ից, պարենային անվտանգության հարցերի մասին պիտի խոսե «Հրապարակ». Ե՞րբ Հայաստան կայցելի Քըլըչը «Հայաստան» և «Պատիվ ունեմ» խմբակցությունները համատեղ հայտարարություն են տարածել Հայաստանի ժողովրդավարությանն անհրաժեշտ է, որ Եվրոպան, ԵՄ-ն ուս ուսի կանգնած լինեն մեր կողքին. պատգամավոր