«Ամբողջ Եռաբլուրում անհետ կորածների արտաշիրիմում կլինի ու նորից ԴՆԹ կպահանջեմ». անհետ կորածի ծնողը սպառնում է առողջապահության նախարարությանը

Ինչպես հայտնել էինք, փետրվարի 12-ին Արցախի նախագահ Արայիկ Հարությունն առաջին անգամ հանդիպել է Ադրբեջանի պաշտոնական ներկայացուցչի հետ։ Հանդիպման ընթացքում քննարկվել են գերիների վերադարձի, անհայտ կորածների որոնմանը առնչվող և հումանիտար հարցեր։ ԼՈՒՐԵՐ.com-ը կապ հաստատեց անհետ կորած զինծառայողների հարազատների հետ՝ պարզելու՝ արդյոք այս հանդիպումը որևէ դրական տեղաշարժ գրանցել է իրենց խնդրում:

«Ես տեղյակ չեմ այդ հանդիպումից և չգիտեմ էլ, թե ինչ են քննարկել հանդիպման ժամանակ: Կարծում եմ, որ այս 2 օրվա ընթացքում այդ հանդիպումից դեռ ոչինչ չպետք է սպասենք, պետք է որոշ ժամանակ անցնի»,- ասաց անհետ կորած զինծառայողի հարազատ Արսեն Ղուկասյանը:

Թեև այդ հանդիպումը իր դրական արդյունքները դեռ ցույց չի տվել, Արսեն Ղուկասյանը հավատով սպասում է լավ լուրի. «Կարծում եմ, որ այդ հանդիպումից հետո դրական լուրեր կստանանք, նոր մեխանիզմներ կլինեն մեր երեխեքին գտնելու»,- ընդգծեց անհետ կորածի հարազատը:

Վերջինս, խոսելով իրենց հետագա քայլերի մասին, նշեց, որ կարևոր են համարում հասարակական կազմակերպություն ստեղծելը. «Ցանկանում ենք ստեղծել հասարակական կազմակերպություն, որով արդեն հանդես կգանք մեր գործողություններով: Այդ գործողությունները արդեն կլինեն օրենքի դաշտում»,- եզրափակեց Արսեն Ղուկասյանը:

Վերոնշյալ թեմայով զրուցեցինք նաև անհետ կորած քիմիկների հարազատներից մեկի հետ, որը չցանկացավ` իր անունը հրապարակվի: Նա նշեց, որ այդ հանդիպումից տեղյակ չէ, բայց գիտի մեկ բան... «Մենք դեռ չգիտենք, թե ինչի սպասենք, և թե ինչ է տեղի ունենում, բայց կարող եմ հստակ մեկ բան ասել` եթե առողջապահության նախարարությունը հանկարծ փորձի հատուկ քիմիկների մասով սայթաքի, էդ կլինի իրենց բոլորի վերջը»,- ասաց նա:

Վերջինս մտավախություն հայտնեց, որ քիմիկների ԴՆԹ-ի անալիզները կեղծվում են. «Հիմա ամբողջ քիմիկներիս մեջ խառնաշփոթ իրավիճակ է, բայց հանկարծ իրենք չմտածեն տենց բան անել, եթե իրանց մտքի ծայրով անցկացնեն, թե կրակի հետ են խաղում, ապա ԱՆ-ն թող գիտակցի, որ կրակի հետ չէ, այլ լավայի հետ է խաղում. կրակը էլի կարան հանգցնեն, բայց լավան՝ ոչ»,- ընդգծեց մեր զրուցակիցը:

Անհետ կորած քիմիկներից մեկի ծնողը զգուշացրեց առողջապահության նախարարությանը, որ հանկարծ չսայթաքի, այլապես պատասխանը շատ ցավոտ կլինի. «Ոնց որ վրիպեցին քիմիկներին մարտի դաշտ տանելով ու նույն ձևով էլ վրիպեն ԴՆԹ-ի պատասխանները հայտնելով` ես նենց կանեմ, որ ամբողջ Եռաբլուրում անհետ կորածների արտաշիրումում կլինի ու նորից ԴՆԹ կպահանջեմ: Մեր հետագա քայլերը կարան լինեն շատ դառն ու ցավալի»,- եզրափակեց անհետ կորած զինծառայողի մայրը:

Զվարթ Պետրոսյան

Այս թեմայով Հայ ժողովուրդը կրկին պայքարում է ատելության դեմ. Ուրուգվայի Ներկայացուցիչների պալատի նախագահ Սա է պատերազմից խուսափելու լավագույն միջոցը. Ֆինլանդիայի նախագահ ՀՀ 3-րդ նախագահ Սերժ Սարգսյանը թոռան հետ ծաղիկներ խոնարհեց Ցեղասպանության զոհերի անմար կրակի մոտ Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Մինչև այսօր չունենք Արցախի ցեղասպանությունը վկայող փաստաթուղթ. Գեղամ Ստեփանյան (տեսանյութ) Երևանում կորած համարվող Ջաթին Շարման հայտնաբերվել է Իրանի նախագահ Էբրահիմ Ռաիսին ժամանել է Պակիստան