Ուենդի Մորթընը բացելու է Բրիտանական դեսպանատան նոր գրասենյակը Երևանում

Մեծ Բրիտանիայի եւ Հյուսիսային Իռլանդիայի Միացյալ Թագավորության արտաքին գործերի, համագործակցության եւ զարգացման նախարարության Եվրոպական հարեւանության եւ Ամերիկայի հարցերով նախարար Ուենդի Մորթընը փետրվարի 16-ին առաջին անգամ կայցելի Հայաստան` պատմական մայրաքաղաք Երեւան եւ Վանաձոր:

Իր երկօրյա այցի ընթացքում նախարար Մորթընը ՀՀ արտաքին գործերի նախարարի տեղակալ Ավետ Ադոնցի հետ պաշտոնապես կբացի Բրիտանական դեսպանության նոր գրասենյակը Երեւանում՝ ի նշան Միացյալ Թագավորության եւ Հայաստանի ժողովուրդների միջեւ ամրապնդվող կապերի։

Նախարարը նաեւ կողջունի Միացյալ Թագավորության, ՅՈՒՆԻՍԵՖ-ի եւ ՄԱԿ-ի Զարգացման ծրագրի միջեւ նոր համագործակցությունը, որի միջոցով խթանվում է Վայոց ձորի, Գեղարքունիքի եւ Սյունիքի մարզերի՝ կորոնավիրուսային վարակի (COVID-19) եւ հակամարտության հետեւանքով տուժած խոցելի համայնքների տնտեսական եւ սոցիալական կայունությունը։ Միացյալ Թագավորությունն ակնկալում է, որ այս համագործակցությունը հնարավորություն կընձեռի ուղիներ գտնել այդ համայնքներում երկարաժամկետ կայունություն ապահովելու համար:

Այցին ընդառաջ՝ ՄԹ արտաքին գործերի, համագործակցության եւ զարգացման նախարարության Եվրոպական հարեւանության եւ Ամերիկայի հարցերով նախարար Ուենդի Մորթընն ասել է.

«Միացյալ Թագավորությունը հանձնառու է Հայաստանի հետ տեւական բարեկամությանը: Ես անհամբերությամբ սպասում եմ Արտաքին գործերի նախարար Այվազյանի եւ Նախագահ Սարգսյանի հետ հանդիպումներին՝ քննարկելու մեր երկրների միջեւ ավելի սերտ կապեր ստեղծելու եւ գլոբալ մարտահրավերների, ներառյալ՝ կլիմայի փոփոխության եւ COVID-19-ի դեմ պայքարի ուղղությամբ միասին աշխատելու բազմաթիվ հնարավորությունները:

Միացյալ Թագավորությունը պատրաստ է աջակցել COVID-19-ի եւ հակամարտության հետեւանքներից Հայաստանի «կանաչ» վերականգնմանը։ Մենք ողջունում ենք ջերմոցային գազերի արտանետումների կրճատման ուղղությամբ Հայաստանի ստանձնած հավակնոտ պարտավորությունները եւ ակնկալում օգնել Հայաստանին իրացնել իր ներուժը՝ որպես կլիմայի փոփոխության դեմ պայքարի առաջատար՝ Կլիմայի փոփոխության մասին շրջանակային կոնվենցիայի կողմերի 26-րդ համաժողովին (COP26) ընդառաջ»:

Միացյալ Թագավորությունն ուրախ է, որ աջակցություն է ցուցաբերել վերջին տարիներին ժողովրդավարական եւ տնտեսական բարեփոխումների ոլորտում եւ կոռուպցիայի դեմ պայքարում Հայաստանի տպավորիչ առաջընթացին: Այցի ընթացքում նախարար Մորթընը կքննարկի, թե մեր երկրներն ինչպես կարող են համագործակցել՝ խթանելու հետագա առաջընթացը, այդ թվում՝ օգնելով փոքր բիզնեսի զարգացմանը եւ աջակցելով Հայաստանի Ազգային ժողովին՝ որպես ավելի ժամանակակից եւ թափանցիկ կառույց կայացման ճանապարհին:

Նախարար Մորթընը հանդիպում կունենա Արտաքին գործերի նախարար Այվազյանի հետ եւ կվերահաստատի Միացյալ Թագավորության աջակցությունը ԵԱՀԿ Մինսկի խմբի համանախագահների աշխատանքներին` Լեռնային Ղարաբաղում իրական եւ տեւական խաղաղության հաստատման ուղղությամբ: Հայաստանը հնարավորություն ունի ամուր եւ տեւական խաղաղություն հաստատելու Կովկասյան տարածաշրջանում` նաեւ խաղաղության հաստատմանն ուղղված նախաձեռնություններում կանանց ներգրավվածության մեծացման միջոցով:

Քաղաքականության մեջ եւ գործարար աշխարհում կանանց մասնակցության ամրապնդումը կենսական նշանակություն ունի Հայաստանի զարգացման եւ բարգավաճման համար: Նախարարը կայցելի Վանաձորի տեխնոլոգիական կենտրոն՝ հանդիպելու  բիզնեսի ու նորարարության մեջ ներգրավված կանանց եւ կին ձեռներեցների հետ, որոնց Միացյալ Թագավորությունն աջակցել է իր «Լավ կառավարման հիմնադրամի» միջոցով:

Այս թեմայով Կան և՛ հակասություններ, և՛ փոխադարձ պահանջներ․ Հայաստանում ՌԴ դեսպանատուն «Ժողովուրդ». Հայաստանի իշխանությունները չեն գնացել ՌԴ դեսպանատուն, չեն ցավակցել ԱՄՆ դեսպանատունը և Մեծ Բրիտանիայի ԱԳՆ-ն զգուշացրել են Մոսկվայում հնարավոր ահաբեկչությունների մասին ՀՀ–ում ՌԴ դեսպանատան դիմաց կազմակերպվել է մոմավառություն՝ ի հիշատակ Նավալնու (տեսանյութ) «Ի՞նչ սկզբունքով են Մոսկվայում ՀՀ դեսպանատանը մարդկանց հրավիրել Հայոց բանակի օրվան նվիրված ընդունելությանը» ՀՀ իշխանություններից ակնկալում ենք իրավական գնահատական․ ՌԴ դեսպանատունը՝ վանդալիզմի դեպքի մասին Գիտե՞ք, թե ինչի համար են նախատեսված նկարում պատկերված պարանները. Ճապոնիայի դեսպանատուն Եմենին ԱՄՆ-ի ու Մեծ Բրիտանիայի հարվածներից հետո Նյու Յորքում և Վաշինգտոնում բողոքի ցույցեր են տեղի ունեցել ԱՄՆ-ն ու Մեծ Բրիտանիան հարվածել են Եմենին․ հութիներն արժանի պատասխան են խոստացել (տեսանյութ) Կանադան դեսպանատուն է բացում Հայաստանում, ինչը խոսում է երկրների հարաբերությունների խորացման մասին. Հակոբ Արշակյան