Փաշինյանն այդ փաստաթուղթը ստորագրել էր ավելի շուտ, քան Պուտինն ու Ալիեւը, որ ստորագրի եւ գնա պատսպարվի. Էդգար Ղազարյան
ԲլոգոսֆերաԲացի ուժային կառույցների կողմից Նիկոլ Փաշինյանին ցուցաբերվող անձնական ֆիզիկական պաշտպանությոան հանգամանքներից, գոյություն չունի երկրորդ գործոնը, որը կարող է նրան պահել իշխանության: Այս մասին, այսօր՝ փետրվարի 17-ին, մամուլի ասուլիսի ժամանակ նշեց ՍԴ աշխատակազմի նախկին ղեկավար Էդգար Ղազարյանը:
Նրա խոսքով, ամենից լավ դա հենց Նիկոլ Փաշինյանն է հասկանում. «Նա այդ փաստաթուղթը ստորագրել էր ավելի շուտ քան Ռուսաստանի եւ Ադրբեջանի նախագահները: Ես հասկանում եմ՝ ինչի համար, որ ստորագրի եւ գնա պատսպարվի: Կարծում եմ՝ մյուս կողմերը ընդառաջ էին գնացել նրան: Նա հասկացել է, որ եթե դա անի ուղիղ եթերում, ինչ հետեւանքներ դա կարող է ունենալ իր համար:
Նա մի քանի օր չէր հայտնվում, չէր հայտնում իր գտնվելու վայրը, անգամ նշվում էր, որ հանրապետությունն է լքել: Ես չեմ կարծում, որ նորմալ, տրամաբանական որոշում ընդունած որեւէ պաշտոնյա կարող է փախչել ու պատսպարվել: Նա այդ ռեժիմում գտնվում է մինչ օրս: Ճիշտ է, հիմա բունկերում չէ բայց անվտանգության բացառիկ միջոցառումներով իրականացվում է նրա կեցավայրի, աշխատավայրի անվտանգությունը: Գաղտնի են պահվում նրա մարզային այցելությունները, աշխատավայրից դուրս ցանկացած հանդիպումները»,-ասաց Ղազարյանը: