Արարատի մարզպետն ու պատգամավոր որդին հայտնվել են միջադեպի կենտրոնում. Yerevan.Today

Անցած ուրբաթ Արարատի  մարզպետ Ռազմիկ Թևոնյանը  ԱԺ պատգամավոր որդու՝ Սեդրակ Թևոնյանի հետ հայտնվել է ծեծկռտուքի կենտրոնում: Միջադեպը մարզպետի համար անսպասելի զարգացում է ստացել, ծեծկռտուքից  մարմնական վնասվածք ստացած արալեզցի բնակիչը  դիմել է հիվանդանոց, բանը հասել է  ոստիկանություն: Նյութեր են նախապատրաստվում, հայտնում է Yerevan.Today-ը` վկայակոչելով Ոստիկանության լրատվական ծառայությանը:

«Հատկանշական է, որ միջադեպի շարժառիթը հենց մարզպետ Թևոնյանն է եղել, ավելի ստույգ՝  նրա հանդեպ ցուցաբերված անհարգալից վերաբերմունքը՝ իր իսկ համագյուղացի Արմանի կողմից: Սա վիրավորել է իշխանական պատգամավորին ու նրա մարզպետ հորը այն աստիճանի, որ դարձել է մարնական վնասվածքների պատճառ:

Ընդգծենք, Yerevan.Today-ին այս միջադեպի մասին տարբեր աղբյուրներց միևնույն ձևով են ինֆորմացիան փոխանցել:

Ըստ նրանց՝ Արալեզ  գյուղում, որտեղ բնակվում է  Արարատի մարզպետը, անցած ուրբաթ՝ փետրվարի 12-ին մարզպետ Ռազմիկ Թևոնյանը, պատգամավոր որդու և  ներկայացուցչական պատվիրակության հետ միասին այցելում է դպրոց՝ մասնակցելու  գյուղի զինվորների հիշատակին նվիրված երեկոյին, սակայն երեկույթն ավարտվում է մեծ ծեծկռտուքով՝ հենց դպրոցի բակում:

Պարզվում է, միջոցառումից հետո, երբ մարզպետն իր  գլխավորած պատվիրակության հետ փորձում է դուրս գալ այնտեղից, դարպասների մոտ մեքենան կայանած համագյուղացին  մարզպետին տեսնելիս  հեռախոսն ակաջից չի իջեցնում  և մեքենան չի շարժում տեղից, որպեսզի հնարավորություն տա հյուրընկալ կողմին «բարձր մակարդակով» ուղեկցել արալեզցի բարձր պաշտոնյա ընտանիքին: Մարզպետին անհարմար դրությունից փրկելու համար առաջ է նետվում համագյուղացի Արտյոմ Ավետիսյանը:  Կարատեիստ Արտյոմը, որին համագյուղացիները համարում են մարզպետի ամենահավատարիմ զինվորը, մոտենում է վարորդին և խնդրում է մեքենան առաջ շարժել․ նա էլ, թե՝ համբերեք, հեռախոսով եմ խոսում, հեսա ավարտեմ՝ քշեմ:

Սա առաջացնում է մարզպետ Թևոնյանի դժգոհությունը, բանը հասնում է լեզվակռվի ու վերածվում՝ ծեծկռտուքի: Կարատեիստ Արտյոմը մարզպետի «թասիբը» պահելու համար կամ գուցե նրա ուղիղ հրահանգով ծեծի է ենթարկում Արմանին՝ բոլորի աչքի առաջ»,- գրում է կայքը: 

Հոդվածն ամբողջությամբ` սկզբնաղբյուր կայքում

Այս թեմայով Հաճախորդն իր տղայի և ընկերոջ հետ ծեծել է բանկի կառավարչին և աշխատակցին Երևանում 9-ամյա երեխան խաղալու ժամանակ քարերով վնասել է 2 մեքենա` պատճառելով մոտ 1 մլն դրամի վնաս Տղամարդն իր բանալիով սխալմամբ բացել է հարևանի տան դուռը և ծեծել նրան Տաքսու վարորդները ծեծել են իրար «Զվարթնոց» օդանավակայանում Արևմուտքի էմիսարները Երևանից փորձում են ՌԴ-ի հետ հարաբերությունները վնասել և ապակայունացնել Ամիրյան փողոցում 34-ամյա կինն ու ավտոբուսի վարորդը ծեծել են իրար «Հրապարակ». Աջապահյանի եղբորորդուն բերման են ենթարկել եւ «քաղմասում» դաժան ծեծել Ռոնալդուն 750-րդ գոլն է խփել ակումբային մակարդակում Լևոն Քոչարյանն ինձ ծեծող ոստիկան անվանեց, ես ոչ մեկին չեմ ծեծել. բերետավոր 16-ամյա պատանին դանակով խփել էր համադասարանցու կրծքավանդակին