Մի քանի տասնամյակ չի անցնի, երբ Սերժ Սարգսյանին եւ Ռոբերտ Քոչարյանին կհամարեն մեր հայրենիքի կուռքը. Ուրցաձորի գյուղապետ

Այս իշխանությունները չեն կարողանում կառավարել եւ պետք է օրինական ճանապարհով հեռանան. ինձ որպես քաղաքացի, չի բավարարում իրենց կառավարման ոճը, ձեւը: Այս մասին, այսօր՝ փետրվարի 20-ին, Ազատության հրապարակում ArmLur.am-ի   հետ զրույցում նշել է Ուրցաձորի համայնքի ղեկավար Ռավիկ Անդրեասյանը:

«Նաեւ ասեմ, որ բանակում բարձիթողի վիճակ է: Մեր զինվորները էս սառնամանիքին առանց նորմալ պայմանների սահմաններն են հսկում:

Այստեղ գտնվելով համարում ենք, որ մեր զոհված երիտասարդների ընտանիքների կողքին ենք: Պետք է նորմալ կառավարիչ գտնենք, որ մեր երկիրը էս օրը չընկնի, որպեսզի սփյուռքի մեր հայրենակիցները կզած ման չգան թուրքի առջեւ»,-ասաց նա:

Հարցին, թե ում է տեսնում վարչապետի պաշտոնում, Անդրեասյանը պատասխանեց. «Ես համարում եմ, որ Վազգեն Մանուկյանը ժամանակին բավականին մեծ գործ է արել մեր հայրենիքի համար, բանակի համար: Նա հայոց բանակը ստեղծողներից մեկն է: Կարծում եմ՝ որպես ժամանակավոր թեկնածու հարմար է: Դրանից հետո ժողովուրդը կարծում եմ՝ ճիշտ ընտրություն կանի»:

Դիտարկմանը, թե հարցումները ցույց են տալիս, որ հասարակության մեծ մասը կողմ չէ թե ներկաներին, թե նախկինների հետ կապ ունեցողներին, համայնքապետն արձագանքեց. «Էդ ներկան ու անցյալը մտցրել է մի մարդ, ով այսօր կառավարության գլուխն է: Ղալաթ է արել, գլուխը պատին է տվել: Այն ժողովուրդը, որ չունի ներկա,  անցյալ, չունի նաեւ ապագա:

Ես մի կարծիք ունեմ, որ ինչպես Կարեն Դեմիրճյանն է եղել ժողովրդի կուռք, մի քանի տասնամյակ չի անցնի, այն ժամանակ էլ կհամարեն Սերժ Սարգսյանին եւ Ռոբերտ Քոչարյանին մեր հայրենիքի կուռքը: Թող հիշեն լեւանանիկոլականները, թե ինչ է կատարվել մեր հետ 1990-ականներին: Մոռացե՞լ ենք, որ մոմի լույսի տակ, ուրիշից հագուստ խնդրելով ինչ օրեր անցկացրեցինք: Բոլոր բնակարաններից վառարանների խողովակներ էր դուրս գալիս: Քոչարյանը 300 միլիոնանոց բյուջե ընթունեց Երեւանը, Շուշին ծաղկեցրեց: Հիմա ժողովուրդն էյֆորիայի մեջ է, կգա ժամանակ, էյֆորիան կանցնի»:

Այս թեմայով «Բոլոր հարցերի պատասխանները կտրվեն դատարանում». Սերժ Սարգսյանի գրասենյակ «Ընկերներիս հետ»․ Սերժ Սարգսյանը լուսանկար է հրապարակել «Спокойно, Маша, я Дубровский»․ ՀՀ երկրորդ նախագահի գրասենյակի համակարգողի արձագանքը՝ Խաչատուր Սուքիասյանին «Ժողովուրդ». Արցախում օդը կանգնել է. Սերժ Սարգսյանն այնտեղ է Աննախադեպ է Հայաստանի պատմության համար, երբ բարեկամ երկրի պատգամավորի մուտքն արգելվում է մեր երկիր. Քոչարյան Արցախի ինքնորոշման ճանաչումն ու երաշխավորումը պետք է արտացոլված լինեն քաղաքական և իրավական փաստաթղթերում. Սերժ Սարգսյան ՈւՂԻՂ. Ընթանում է Ռոբերտ Քոչարյանի եւ Արմեն Գեւորգյանի գործով դատական նիստը «Եթե էկրանին չնայեի, կթվար՝ Ալիեւի ելույթն եմ լսում Միլի Մեջլիսում». Քոչարյանի գրասենյակի համակարգող Որպես Ռոբերտ Քոչարյանին զրպարտելու ապացույց դատարանում ուսումնասիրել են Նիկոլ Փաշինյանի ելույթը Վիրավորական է այդ փաստաթղթի համեմատությունը ՀՀ գործող կառավարիչների կողմից խայտառակ պայմաններով բանակցվող և ստորագրման պատրաստվող պայմանագրի հետ. ՀՀ երրորդ նախագահի գրասենյակ 168․am