Ալիևը, Էրդողանն ու Բահչելին կայցելեն Շուշի

Ադրբեջանի նախագահ Իլհամ Ալիևը, Թուրքիայի նախագահ Ռեջեփ Թայիփ Էրդողանը և թուրքական «Ազգային շարժման կուսակցության» նախագահ Դևլեթ Բահչելին կմասնակցեն Շուշիում կառուցվելիք դպրոցի հիմնարկեքի արարողությանը, հայտնում է «Սպուտնիկ» գործակալության թուրքական ծառայությունը:

Նշվում է, որ թուրքական լրատվամիջոցներին սպասվելիք այցի մասին հայտնել է Բահչելիի խորհրդական Զիա Գյունայդընը:

Դպրոցը կառուցվելու է «Ազգային շարժման կուսակցության» կրթության և մշակույթի հիմնադրամի կողմից:

«Դպրոցի հիմնարկեքի արարողությանը կմասնակցեն Ադրբեջանի և Թուրքիայի նախագահներ Իլհամ Ալիևն ու Ռեջեփ Թայիփ Էրդողանը, ինչպես նաև «Ազգային շարժման կուսակցության» նախագահ Դևլեթ Բահչելին»,-ասել է Գյունայդընը:

Խոսելով կատարվելիք այցի մասին՝ Դևլեթ Բահչելիի խորհրդականն ասել է, որ ներկայում Շուշիում լուծվում են ենթակառուցվածքային խնդիրները, կառուցվում է նոր ճանապարհ:

«Մեր դիտարկումների և հանդիպումների հիման վրա կարող եմ ասել, որ աշխատանքներն արագ են ընթանում, և այս ճանապարհը նախատեսվում է բացել մինչև գարուն»,-ասել է խորհրդականը։

Նշվում է, որ Շուշիում դպրոցի կառուցման վայրը դեռ հստակեցված չէ:

Այս թեմայով Էրդողանն Իսրայելին մեղադրել է ցեղասպանություն իրականացնելու մեջ Ալիևը ասել է՝ կպահանջեն ոչ անկլավային տարածքները, հետո անկլավայինը, հետո ճանապարհ դեպի անկլավներ Էրդողանը կարող է թողնել իշխող կուսակցության ղեկավարի պաշտոնը Էրդողանը հայտարարել է Պուտինի հետ պայմանավորվածության մասին Էրդողանն Իսրայելին մեղադրել է սադրանքների մեջ Էրդողանը նամակ է հղել Հռոմի պապին Ալիևը մի օր կասի` ընդունենք մուսուլմանությունը, գժվելու բան ա, մտածող մարդը «քանդվում ա» Էրդողանը զանգահարել է Ալիևին Էրդողանը պետք է հասկանա, որ ՌԴ–ի հետ բանակցությունների համար միայն Թուրքիան բավարար չէ. Զելենսկի Ալիևը հայտարարել է, թե ԱՄՆ-ԵՄ-Հայաստան հանդիպումը վնասում է Կովկասում համագործակցությանը