Արծրունը, որ խաբում էր բոլորիս՝ հանցագործություն չէր, բայց ինչ-որ ֆեյքի տված այլընտրանքային տեղեկատվությունը իշխանությունները համարում են այդպիսին

Այս գործը ամոթալի է ցանկացած պետության հատուկ ծառայության համար: Այս մասին առաջին ատյանի ընդհանուր իրավասության դատարանի Նոր Նորք նստավայրի դիմաց լրագրողների հետ զրույցում նշեց իրավապաշտպան Ռուբեն Մելիքյանը՝ անդրադառնալով Կարեն Բեքարյանի դեմ մեղադրանքներին:

«Մեղադրանքներից մեկն այն է, որ այդ ֆեյքը քննադատում էր իշխանություններին և այլընտրանքային տեղեկություն էր տալիս, այսինքն` Արծրունը, որ խաբում էր բոլորիս, դա հանցագործություն չէր, բայց որ ինչ-որ ֆեյք տալիս էր այլընտրանքային տեղեկություն, որ կարելի է տեսնել, որ ճշմարտության բավականին մեծ հատված ուներ և հանրային վտանգավորություն իրենից չէր ներկայացնում, այսօր իշխանությունները համարում են հանցագործություն: Եվս մեկ կարևոր հանգամանք, որ Սահմանադրական դատարանի կողմից կասեցված է այդ արարքի քրեականացումը, և այս պայմաններում պետությունը հանցագործություն է համարում: Սա նշանակում է, որ  գործ ունենք մարդկանց հետ, որ ուղղակի իրավունք չունեն որևէ մեկի աչքին  նայեն և ասեն՝ մենք իրավաբան ենք. խոսքը վերաբերում է այս գործով քննիչի գործառույթ իրականացնող իրավաբաններին»,- նշեց Մելիքյանը:

Ըստ իրավապաշտպանի՝ չնայած Վահագն Վարագյանի կողմից` դատարանի նախագահի վերաբերյալ երկու օր առաջ կատարված բացահայտմանը, այնուհանդերձ պետք է չմոռանալ, որ գործ ունենք շատ դեպքերում իրենց բարձունքի վրա գտնվող դատավորների հետ, և Կարեն Բեքարյանի մասով դատարանը կկայացնի իրավաչափ որոշում:

«Վահագն Վարագյանը բարձրաձայնել է փաստ, որը վերաբերում է ստուգելի երևույթների՝ դատարանի նախագահը կոնկրետ վայրում է եղել, մարդիկ են ներկա եղել, և հստակ եղել են ձևակերպումներ, որ աներկբա ձևով վկայում են դատավորի նկատմամբ կոնկրետ գործով ճնշում գործադրելու մասին: Ունենք դատական իշխանությունում մարդիկ և իրավիճակներ, երբ ոչ թե պատվերն է առաջնահերթ, այլ իրավունքի գերակայությունը, և ես հույս ունեմ, որ այսօր մենք կունենաք իրավունքի գերակայության, այլ ոչ թե խայտառակության հաղթանակ»,- ընդգծեց իրավապաշտպանը:

Նշենք, որ Երևանի ընդհանուր իրավասության դատարանը քննում է «Քառյակ մեդիա» ընկերության համահիմնադիր, քաղաքագետ Կարեն Բեքարյանի ձերբակալության որոշման դեմ պաշտպանի բողոքի նաև նրա նկատմամբ կալանավորումը~ որպես խափանման միջոց ընտրելու մասին ԱԱԾ քննիչի միջնորդության քննարկումը:

Այս թեմայով Միրիջանյանը պատերազմի ընթացքում մեծածավալ օգնություն է ուղարկել, հիմա նրան դատում են․ իրավապաշտպան Բաքվում պահվող հայերը գտնվում են կյանքի անմիջական ու իրական սպառնալիքի ներքո․ իրավապաշտպան Արցախի մասին իրավապաշտպան համայնքի գնահատականները պետք է հիմք հանդիսանան Ադրբեջանին պատժելու համար Գյումրիում Մուշի բաժնի քերականի աշխատակիցը խանութում հարձակվել է իրավապաշտպան Կարապետ Պողոսյանի վրա Գայանե Հակոբյանը հրաժարվել է դադարեցնել հացադուլը․ իրավապաշտպան Բերման են ենթարկվել կինոռեժիսոր Արման Երիցյանը և հասարակական գործիչ Կարեն Հակոբյանը. իրավապաշտպան Ձեր որոշումների հետևանքով է կինը հայտնվել փողոցում. ամոթ է. իրավապաշտպան Մահացել է խորհրդային այլախոհ եւ իրավապաշտպան Սերգեյ Գրիգորյանը «Մնացին հույները. մի հարամություն էլ հույների մասով մտածեք»․ Ռուբեն Մելիքյան Շատ հետաքրքիր է, թե ինձ իբր վատություն անելու համար լսարանից զրկելն ում փայլուն միտքն է․ Մելիքյան