Վրաստանը նոր վարչապետ ունի

Վրաստանի խորհրդարանը վստահություն տվեց կառավարության նոր կազմին, և այս պահից սկսած կառավարությունը ստանձնում է իր իրավասությունը: Իրակլի Ղարիբաշվիլիի գլխավորած կառավարության կազմին կողմ քվեարկեց «Վրացական երազանքի» 89 պատգամավոր, դեմ քվեարկեցին «Քաղաքացիներ» կուսակցության երկու անդամը, իսկ «Եվրոպացի սոցիալիստների» 4 պատգամավորները ձեռնպահ մնացին: Այս մասին հայտնում է «Ալիք Մեդիան»։

Կառավարության կազմը հետևյալն է.

• Վարչապետ՝ Իրակլի Ղարիբաշվիլի,
• Տարածքային զարգացման և ենթակառուցվածքների նախարար՝ Իրակլի Քարսելաձե,
• Արդարադատության նախարար՝ Գոչա Լորթքիփանիձե,
• Ներքին գործերի նախարար՝ Վախթանգ Գոմելաուրի,
• Էկոնոմիկայի և կայուն զարգացման նախարար` Նաթիա Թուրնավա,
• Արտաքին գործերի նախարար` Դավիթ Զալկալիանի,
• Ֆինանսների նախարար՝ Իվանե Մաճավարիանի,
• Կրթության, գիտության, մշակույթի, սպորտի նախարար` Միխեիլ Չխենկելի,
• Բռնի տեղահանվածների, աշխատանքի, առողջապահության, սոցիալական պաշտպանության նախարար` Էկատերինե Տիկարաձե,
• Գյուղատնտեսության և շրջակա միջավայրի պահպանության նախարար` Լևան Դավիթաշվիլի,
• Պաշտպանության նախարար՝ Ջուանշեր Բուրճուլաձե,
• Հաշտության և քաղաքացիական հավասարության պետնախարար՝ Թեա Ախվլեդիանի:

Իրակլի Ղարիբաշվիլին, այսօր խորհրդրանում լսումների ժամանակ ներկայացնելով նոր կառավարության առաջիկա ծրագրերը, խոսել է առաջնահերթությունների մասին:  Ղարիբաշվիլիի խոսքով` կառավարության գլխավոր առաջնահերթությունները կլինեն ապակառուցողական ուժերին սահմանադրական կարգուկանոնի  շրջանակներ վերադարձնելը, պատվաստանյութի ներմուծումը  և տասնամյա զարգացման նոր ծրագրի մշակումը:

«Առաջին 100 օրվա ընթացքում հիմնական առաջնահերթությունները կլինեն երկրում կարգուկանոնի հաստատումը և մի շարք ապակառուցողական ուժերի սահմանադրական կարգուկանոնի շրջանակներ վերադարձնելը: Իհարկե, մեր հիմնական առաջնահերթությունը կլինի բնակչության համար ներմուծել պատվաստանյութեր և մշակել զարգացման նոր, հավակնոտ 10-ամյա ծրագիր, որը ես կանեմ ձեր ներգրավվածության և իմ թիմի հետ միասին», — խորհրդարանում հայտարարել է Ղարիբաշվիլին:

Այս թեմայով Հայաստանից Վրաստան տանող ճանապարհն է, համաձայն պայմանավորվածության՝ հանձնվելու է Ադրբեջանին Մայիսի 20-ից Վրաստան ենք գնալու Ադրբեջանի միջով. նոր քարտեզ սահմանազատումից հետո Թբիլիսիում բողոքի ցույցեր են․ երթևեկությունը կաթվածահար է (տեսանյութ) Օտարերկրյա գործակալների մասին օրենքը կարող է վնասել ԵՄ–ին Վրաստանի անդամակցության գործընթացին Թբիլիսիում շարունակվում է «օտարերկրյա գործակալների մասին» օրենքի դեմ բողոքի ակցիան (տեսանյութ) Թբիլիսիում բողոքի ցույցեր են՝ «օտարերկրյա գործակալների մասին» օրենքի ընդունման դեմ (տեսանյութ) Վրաստանի վարչապետը երկրի նախագահին անվանել է «օտարերկրյա ազդեցության գործակալ» Վրաստանի նախագահը հայտարարել է օտարերկրյա գործակալների մասին օրենքի վրա վետո դնելու իր մտադրության մասին Տաջիկստանի քաղաքացիներին թույլ չեն տալիս մուտք գործել Վրաստան Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը