ՀՀ որևէ ղեկավար նման բարձր վարկանիշ չի ունեցել, ինչքան այսօր ունի Նիկոլ Փաշինյանը. Ալեն Սիմոնյան
ՔաղաքականՎազգեն Մանուկյանը հին աճպարար է, որովհետև իշխանությունը որևէ «պլանկա» բարձրացնելու խնդիր չունի: Վազգեն Մանուկյանը իր քաղաքական կարիերան ևս մեկ անգամ ավարտել է, ուղղակի իրեն չեն ասում հիմա, որ իր տրամադրությունը չփչանա: Այս մասին այսօր՝ փետրվարի 23-ին, լրագրողների հետ զրույցում ասաց Ալեն Սիմոնյանը:
Նա նշեց, որ թե՛ Վազգեն Մանուկյանը, և թե′ իրեն սատարող ուժերը գտնվում են ցայտնոտային իրավիճակի մեջ և չգիտեն, թե ինչ անեն. «Վազգեն Մանուկյանն այսօր բալաստ է ընդդիմադիր ուժերի համար: Իրենք փորձում են ամեն կերպ տարանջատվել: Իրենք իրարամերժ հայտարարություններ են անում և իրենց վրա չեն վերցնում պրն Մանուկյանի ասածները»,- նշեց Ալեն Սիմոնյանը:
Նա հաստատեց, որ Նիկոլ Փաշինյանի հրաժարականը չունի հանրային լայն շերտի պահանջ. «ՀՀ-ի որևէ ղեկավար նման բարձր վարկանիշ չի ունեցել իր պաշտոնավարման ընթացքում, ինչքան որ այսօր ունի Նիկոլ Փաշինյանը»,- ընդգծեց Ալեն Սիմոնայնը:
Վերջինս նաև անդրադարձավ Անդրանիկ Քոչարյանի՝ երեկվա կատարած հայտարարությանը` նշելով, որ իշխանությունը օրենքի շրջանակում պահպանելու է ՀՀ-ում կարգուկանոնը և օրինականությունը: