Ներողություն չեմ խնդրելու․ Ավանի փոխթաղապետի նկատմամբ ծառայողական քննություն է նշանակվել

Հերթական սկանդալի կենտրոնում հայտնված Ավանի փոխթաղապետ Ներսես Պողոսյանի նկատմամբ Երեւանի քաղաքապետ Հայկ Մարությանի որոշմամբ նշանակվել է ծառայողական քննություն։

Հիշեցնենք, որ ավելի վաղ Ներսես Պողոսյանը ֆեյսբուքյան իր էջում ՀՀ արդարադատության նախկին նախարար, ԱԺ նախկին փոխնախագահ Արփինե Հովհաննիսյանի հասցեին անպարկեշտ գրառում էր կատարել։ Պաշտոնյայի գրառումը մեծ աղմուկ էր բարձրացրել սոցիալական տիրույթում, ինչից հետո  Ներսես Պողոսյանը գրառումը հեռացրել է ֆեյսբուքյան իր էջից։

Փոխթաղապետը NEWS.am-ի հետ զրույցում հրաժարվեց մեկնաբանել, թե ինչու է հեռացրել իր գրառումը. «Միայն կասեմ՝ ոչ, ներողություն չեմ պատրաստվում խնդրել»։

NEWS.am-ի հետ զրույցում Ավան վարչական շրջանի ղեկավար Արա Դանիելյանն ասաց, որ ծառայողական քննությունը սկսվել է այսօր առավոտից. «Արդյունքների մասին կտեղեկանաք շատ արագ։ Այսօր առավոտվանից քաղաքապետարանի Վերահսկողության վարչությունն անցկացնում է ծառայողական քննություն։ Այդ ծառայողական քննությունը նշանակվել է քաղաքապետի կողմից»։

Հարցին՝ արդյոք պատրաստվո՞ւմ է իր տեղակալին ազատել աշխատանքից, Դանիելյանն ասաց. «Ես հիմա չեմ պատասխանի, կպատասխանեմ ծառայողական քննության ավարտից հետո»։

Հարցին՝ ինչպե՞ս է մեկնաբանում իր տեղակալի դրսեւորած այս վարքագիծը, Դանիելյանը պատասխանեց. «Դա համարում եմ լկտի պահվածք։ Ինչպե՞ս կարելի է նման պահվածքը նորմալ որակել»։

Մեզ հետ զրույցում Երեւանի քաղաքապետարանի մամուլի խոսնակ Հակոբ Կարապետյանն ասաց, որ վարչական շրջանների ղեկավարների տեղակալներին ազատում եւ նշանակում է վարչական շրջանի ղեկավարը։

«Այսինքն՝ ազատման, տույժերի, կարգապահական ընթացքի հետ կապված վարչական շրջանի ղեկավարի իրավասությունն է»,- նշեց Կարապետյանը։

Հարցին՝ քաղաքային իշխանությունն ինչպե՞ս է վերաբերվում իրենց իշխանության ներկայացուցչի նման վարքագծին, խոսնակը պատասխանեց.

«Քաղաքային իշխանությունն անթույլատրելի է համարում հանրային խոսքում ագրեսիվ բառապաշարի կիրառումը, հանրային բանավեճում անձնական վիրավորանքների առավել եւս ատելության խոսքի տարածումը, որ կողմից էլ որ դա կիրառվի, դա ծայրահեղ անընդունելի է»։

Հիշեցնենք, որ նախորդ տարի փոխթաղապետը սկանդալի մեջ էր հայտնվել նաեւ պատգամավոր Գեւորգ Պետրոսյանի հետ։

Այս թեմայով Պաշտոնակատարը մուրճ, մանգաղ ու նման այլ բաներով հյուրախաղեր է տալիս Հայաստանով մեկ. Հովհաննիսյան Հայաստանում չկա կոռուպցիայի դեմ արդյունավետ պայքար, կա կոռուպցիայի դեմ պայքարի իմիտացի. Արփինե Հովհաննիսյան Միայն մեզ հայտնի տվյալներով Ադրբեջանում սպանվել է 19 գերի. քանիսի մասին անգամ չգիտենք. Արփինե Հովհաննիսյան Առողջապահության նախարարը պետք է պատասխանատվության ենթարկվի. Արփինե Հովհաննիսյան (տեսանյութ) Հիմա հասկացա՞ք մեդալն ինչի համար էր այդ տիկինը ստացել. Արփինե Հովհաննիսյան Հիմա մեզ ուժեղ ճգնաժամային կառավարիչ է պետք` փորձառու ու կարող. Արփինե Հովհաննիսյան Պատերազմը չի ավարտվել. տեղափոխվել է Հայաստան. Արփինե Հովհաննիսյան Շատերը առհասարակ ողջ կլինեին, եթե նա չլիներ կամ գնար. Արփինե Հովհաննիսյան Արմանը իրավաբան է, Ռուստամը` վայ-իրավաբան, Արմանը իրավաբանությունը կայացնող է, Ռուստամը` պղծող. Արփինե Հովհաննիսյան Դուք պատժել եք ամբողջ Հայաստանը, դուք ոչնչացրել եք Հայաստանը, դուք հաջողել եք, ուղղակի անէացեք մարդակերներ. Արփինե Հովհաննիսյան